لــــــــولا حسيــــــــن

[حسين طالب السماوي]

مو كلمن يطخ راسه ذليل اتكول
لاتحكم غلط هاك اخذ برهاني
انه اباب الحسين بيوم اطخ الراس
انال الشرف كله ويرتفع شاني
مو خادم اكلك انه للاطهار
انه لخادم خدمهم عبد تلكاني
ولا شاعر أكول واكتب اعله حسين
شسع نعل الحسين ايــّحير الساني
حسين الوّصفه بارينه ماهي الناس
والبينت فضله ايات قراني
لولا حسين ما يعبد اله الكون
وجا ضليت راكع دوم لوثاني
لولا حسين جا صارت عبيد الناس
عد اي طاغية من اصل سفياني
لولا حسين لاقران نقرا ولاصلاة انقيم
وبــــدف وطبل يتبدل آذاني
يبقى الدين ضامي حسين ما خلاه
كــّله اشرب تعال ادموم شرياني









حسين طالب السماوي

[لبيك داعي الله]

ماشاء الله تبارك الرحمن

احسنت اجرك على المولى ابي عبد الله

لاشلت الايدي ولاعدمنا هذا الشعر الولائي

بارك الله بيك

[سعد مطلوب]

انه اباب الحسين بيوم اطخ الراس
انال الشرف كله ويرتفع شاني
********
الاخ العزيز الغالي
حسين طالب السماوي
ابو علاوي الورد حبيب الابداع يمشي وياك
وين ما نروح نلكَه ابداعك .. قصيده في غايه الروعه
موجديد عليك هذا التميز ابو فطومه الورده تمنياتي لك بالتوفيق.