مساجلة الدارمي لراية العباس عليه السلام

[مازن الشطري]

أخوتي المبدعين أستجدي من قريحتكم المترعة نصرة لراية ابا الفضل العباس عليه السلام بكتابة دارمي فلاتخيبوا أملي فيها .

الراية من أتموج تعزف قصيدة **مطلعها ياعباس جفك أريده

[زكي الياسري]

جفك يراعي الزود جف بيه الامال .. معكَوده ياعباس عطشانه لطفال

لبيك يا مازن
تحياتي الخالصه

[مازن الشطري]

جفك يراعي الزود جف بيه الامال .. معكَوده ياعباس عطشانه لطفال



لبيك يا مازن

تحياتي الخالصه

تحياتي موصولة بأمنياتي لك بالتقدم الباهر .
معزوفه بالطيات يرسمها القماش**لو رفت أسمع بيه عاش الكَمر عاش
مو كل عمد وقماش ينحسب رايه **بس راية العباس بيها الكفاية

[زكي الياسري]

معزوفه بالطيات يرسمها القماش**لو رفت أسمع بيه عاش الكَمر عاش

الله الله الله يا مازن
راقي المعنى .. فلم اسمع قبلك احداً ترجم مقال الرايه

اسمعه عاش اتصيح ترفل عــــلامه
ويه الشمس كل يوم تشرق كرامه

تحياتي لك يا مازن الشعر

[احمد العراقي]

اشارككم بثواب ذكر قمر الشعيرة ابي الفضل العباس عليه افضل الصلاة والسلام

مو راية مو بس جود شايل سماوات
مطرن دمه اعله الكاع بالشاطي من مات

تحياتي

[مازن الشطري]

أحبائي وأساتذتي الياسري الرائع والعتابي العراقي المتألق لا حُرمنا من طيب مروركم.

رف رايته العباس وتضيكَـ الدروب
ردينه جبنه الماي فوكَاها مكتوب

[زكي الياسري]

صاحلهه بالايثـــار حي كَــــــمر عدنان
شلون اشرب الريان و حسيني عطشان

السلام على قمر بني هاشم

[مازن الشطري]

حبيبي وسيدي الغالي لازلتَ تتحفنا برحيق الكلم دمت لكل خير .
الراية دون أشكال ممتلكه وجهين
وجه انرسم عباس والثاني لحسين

[احمد العراقي]

سلام الله عليكم يا اهل الابداع الرائعين


مو راية جن الكون ملتف على ايده
تحيي ان ترف بحسين فحوى العقيده

تحياتي

[مازن الشطري]

سمعتُ أحد الخطباء يقول ان السيدة زينب عليها السلام كانت قد أتخذت من راية ابي الفضل ستراً عند السبي فأقولُ في هذا المعنى..

للراية بالقاموس عدة التفاسير *** بس ماسمعنه ابيوم ستر أوغطه أتصير

[مازن الشطري]

بالراية جف عباس يملك وراثة***من طه والكرار وارث تراثه

[زكي الياسري]

وارث تراث الحـــــيد وارث فقاره ... علــَّمه ايقر الضيف ويحامي جاره

تحياتي
يا راقي الحـــــرف عــرِّج كي اقبلهُ
فأنَ حرفك اسنى من سنا القمر ِ

[مازن الشطري]

أيحامي بيها أحدود هالراية تشهد*** بجفوفه ضحه أحسين كَطعهن اورد

لله درك أيها المتباري ** ألهبت مني شعلةَ الأفكارِ
عاش السيد عاش..

[لبيك داعي الله]

ماشاء الله

احييكم على هذا الإبداع منقطع النظير

بوركتم

[مازن الشطري]

ماشاء الله


احييكم على هذا الإبداع منقطع النظير

بوركتم


ولك منا أمثالاها من التحايا المعطرة بعبير مروركم.

[مازن الشطري]

هالرايه وي الريح لو هبت أتهب** تاخذ بيابي العين وتأسر اللب

[احمد العراقي]

راية ابجلال الله خطت مجدها
من جف كمر عدنان ياهو اليهدها

[زكي الياسري]

جربه ابزلال الماي ياهو المـلاهه
عباس إبن صفيــــن سيفه جلاهه

[مازن الشطري]

الساريه من اتطيح تتركها صعبه***والهذا ظل عباس علشاطي كَلبه


ممنون منكم أحبائي على التواصل في رحاب باب الحوائج.