هديه الى خدام زوار الحسين ع في طريق كربلاء

[زكي الياسري]

الى الجنود المجهولين الذين لا تغمض اعينهم في درب الاباء .. درب الشهاده الحسيني


اقول



يلتخدم ابو اليـــمه ... بهاي الخدمه هنيالك


لا تتعَجّب إمنِ تموت ... لــو هـُوَّه تـَعنالك


++1++


يمن تخدم سبط طاهه ... اسمك لابد اتحرر


بدفتر فاطمه الزهره ... تشفع ســاعة المحشر


هاي الخدمه مذخوره .. تلكَاهه بشكل يزهر


بيد المرتضى حيدر ... بيده ايشربك الكوثر


ما ممكن على وفاطم .. ينسونك يهلخـــــــادم


وعلمعبر تِمُـــــــر سالم


وللجنه بسرور الروح


تدخل إنته و اعمالك




++2++


يلتخدمهـــم ابأفعال ... يلتبجيــــهم ابعَبـــره


و منهم تستفيد امثال ... و منهم تاخِذ العِبره


صح كَال المثل باجر ... كلمن وحدهِ ابكَبره


بس إنته يَخادمهم ... يمك تحضر العــــــتره


يلتطبخ لبو الاحــــــــرار ... ويلباني لضــــيوفهِ دار


ويلتنضمله الاشعار


الكم يستــعد رضوان (خازن الجنه)


و يفرح بالعفو مالِك !! (خازن النار)


++3++


هنياله الذي ابعاشور ... نومة عينه حـَــــرَّمهه


ويا حظ الكَضه عمره ... البضعة طاهه يخِدِمه


يواسيهه ابمُصاب احسين ... وينَسّيهه كل هَمهه


النار اعله اليحب احسين ... باري النَسـمه حَرَّمهه


يامن يذرف ادمــــوعه ...... و يشـــــعل شمعة اضلوعه


للـــ ــبلــضنوه مفجوعه


متمس جسمك النيران


لا والله مـــَـــتِدْنــــــالك


++4++


باجر ثق يخـــادمهم .... ما تعرف منو اليشفع


ساعه ايريدك العباس ... ساعه ايريدك الانزع


ساعه حسين يتعـــــنه ... يكَــــلك آنهِ المفزع


ساعه الزهره تشفعلك ... وتجازيلك المدمع


كل واحد شفيع اهناك ..... محَّـــد بيهم الينساك


كلهه اتصيح يا حياك


ابشر يا حبيب احسين


كل ما ردْته يجرالك


++5++


يالتخدم ابو الاحرار ... خدمه ابصافيِ النيه


هلخدمه عليهه الدين ... شيَّــــــد كل مبانيه


لولا خدمتك ما ضل ... اســــلام و فِــــــدائيه


انته التحرس الاسلام ... والشـِــرعه الإهــــيّه


بيك الزهره فرحانه ..... و اهل الغدره حيرانه


من هلثوره فزعانه


تخاف اعله العروش اتطيح


من تتجَمَّع ابطالك .. !!


++6++


يحسين العهد للموت .... ما نترك خَدامتكم


سجلنه يبو الاحرار ... سجلنه اويه شيعتكم


ننطر راية المهدي ... اليعلن بيهه ثورتكم


الله ايعجل اضهوره .... ويبني ابسيفه دولتكم


ثارك يالولي ثارك ... نارك وجَرت نارك


راوي الامه بتارك


جرِّد ذو الفقار اليوم


و احسبنه اويه انصارك ..



تمت بحمد الله تعالى في 9/صفر/1431


زكي الياسري النجفي

[نرجس*]

كلمات جميلة تدمي القلب و تدمع العين
أن ثورة الحسين عليه السلام هي
الاهام لتلك الكلمات الرائعه
تقبل الله منكم صالح الاعمال و
حقق أمانيكم
كونوا بخير

نرجس

[زكي الياسري]

حيا الله الفاضله نرجس على هذا المرور العبق
اسأل الله القبول
وان يحشرنا معهم ان شاء الله تعالى

[لبيك داعي الله]

كل ماتكتبته من ابداع لامتناهى لاتستطيع الاقلام ان تحوي ابداعه

ولكن لهذه الابيات الاثر الكبير


باجر ثق يخـــادمهم .... ما تعرف منو اليشفع


ساعه ايريدك العباس ... ساعه ايريدك الانزع


ساعه حسين يتعـــــنه ... يكَــــلك آنهِ المفزع


ساعه الزهره تشفعلك ... وتجازيلك المدمع


كل واحد شفيع اهناك ..... محَّـــد بيهم الينساك


كلهه اتصيح يا حياك


ابشر يا حبيب احسين


كل ما ردْته يجرالك




بورك هذا القلم الولائي والانامل الولائيه

وفقك الباري