قصيدة لفلاح الزيدي

[غزل السلامي]

http://img299.imageshack.us/img299/5852/w11zh7.gif


بيش اودعك يل نويت اعله الرحيل*** وجني اشوفه ايطول هالمره السفر
بيش اودعك وانت عايش بالدليل *** ورسم وجهك تدري بضلوعي انحفر
كون اودعك بالدمع كلش قليـــــــــــل **وانت اول جمله عندي ابكل سطر
الدله تزعل كون ما تشهك الهــــــيل والارض صخره تصير ابلا مـــــــطر
يا صديق الروح يا معدن اصيل ****يل صفاتك اصفه من ماي البحر
خلني اودعك من دمع عيني اليسيل ***وخلني اوشل الك كل ماي النضر
وي خيالك روحي من تجبل تميل**** ولا تضن جوه الظلع كلبي استقر
من بعد عينك احس يومي طويل*** وكل دقيقه ابدون ضحكاتك شهر
عفيه كلي من الصبر جندوب اشيل**** وراح عن وجهك يبعدني الدهر
هالزمن بالفرحه شو كلش بخيل**** وكلبه وي هالناس جن قالب صخر
يا نبع صافي وي شبه السلسبيل*** صعبه عد الماي لو عاف النهر
راح تمشي وانه من بعدك نحيل*** اشلون كلي من افتح البوم الصور
شنسه كعدات الشته ابوكت الصليل*** شنسه ذاك الليل لو طال السهر
خلني ابرد بالشعر نار الغليل*** وخلني اطفي ابروحي جانون القهر
كلي غير السفر ماعندك بديل*** عوفنه اترجاك من هذا الخبر
ناري البكلبي شبه نار الخليل ***ودكت ابروحي نواقيس الخطر
اشلون كلي انساك يا اجمل خليل وانت نجمة ليل كبعهه الكمر
انت صبحية العيد ابلايه ليل ***وانت طبعك جمّع اطباع البشر

للامانة منقول عجبتني وحبيت انقلها لكم
http://pic.piczo.com/img/i153868692_4351.gif