المساعد الشخصي الرقمي

مشاهدة النسخة كاملة : قصيد للشهيد ابو سيف العبدلي / بقلم الشاعر الحسيني ابو حميد العبدلي

رامي الغانمي22
06-03-2010, 09:21 PM
الى / شهيدنا الغالي أبو سيف العبدلي رحمه الله

عفيه اعليك يبن العبدلي عفيه
ارفعت روس اهلك بعلو النجم يازين
**********
ماطخيت راسك ماهبت للموت
مومن وارتديت لثوب الموالين
*********
شهيد انته وحك من انزل القرآن
ومن عشاك مولانه الشهيد احسين
**********
الموته اللي متتهه موتة الأحرار
مو موتة عبد يامنبع الطيبين
**********
الف رحمه اعلى روحك يالرحت مغدور
بظلم ناس اللي ماعدهم اصل لادين
**********
لوهيج المراجل لوله ماتنراد
بسمك صرنه يابو سيف مفتخرين
**********
بطل والنعم منك بييضت لوجوه
ومنزلتك تراها بأعلى عليين
**********
صعب فركًاك تدري بيه ماينطاق
وبفراكك تره كل احنه مفجوعين
**********
مو نبجي دمع ننشج حزن وآلام
ولفكد الأحبه كلنه مفجوعين
**********
واحدنه يواسي الثاني بالدمعات
للطيب حسافه صرنه مفتقدين
**********
يبو كَلب الحنين اشلون عنه اتروح
موتدري اشكثر بيك احنه متولعين
**********
وحشه الدار من بعدك يبو الطيبات
واللي صار الك بيه كلنه ما امصدكين
**********
ندعي من الله هذي خاتمة احزان
تكون وننجه من غدر الملاعين
**********
للشاعر (علي ابو حميد العبدلي)
الى المرحوم الشهيد (لؤي عبد الكريم العبدلي) 28-2 2010
ترانيم الملائكة
07-03-2010, 06:47 AM
رحم الله هذا الشهيد
واحسنت يمينك وما كتبت
قصيدة رثاء قوية ومعبرة
بل راااااااااااااااااااااااااااااااائعة
لدرجة انني تسالت ان كانت قصيدة رثاء ام فخر ام مديح
فقد اجدتها غاية الاجادة باختيارك الدقيق للالفاظ
وعنايتك الشديدة بايصال المعاني باقل الكلمات المعبرة
وفقت اخي
ورحم الله الشهيد البطل
نسايم
31-03-2010, 02:34 AM
اللهم صل على محمد وآل محمد وعجل فرجهم وفرجنا بهم

انتقاءٌ موفق

أخ رامي

بارك الله فيك

وجزاك المولى خير الجزاء

جعلها الله في ميزان حسناتك

ودمت بولاء الأطهار ...