نبعث تهانينا

[اياد الفرح]

نبعث تهانينا ونهني مهدينا


انهني كلنه المنتظر نبعث تهــاني
هايم وجنني الهوى والحب خذاني
حبــك نــشيد اردده ويلهــج لساني
والانتظـــار ألـــطلعتك هدم كيـــاني
بسمك تغنينا ونهني مهدينا
..........
نورة اقتبس نور النبي واسمه محمد
بساك العرش لمن ولــــــد بالعز تخلد
وارث صفات النبي المصطفى الأمجد
وجبريل بجنــاح الـــفرح للحفل شيد
شيد مبانينا ونهني مهدينا
...........
أزهر الكون أبمولده وفاح وتعطر
هليله حجـــه وعيد خلينه نــسهر
والي يريد ينــــام صدكوني يخسر
أبذكر أهــــل البيت المهدي يحضر
نرفع أيادينا ونهني مهدينا
..........
تنزل ملائكة ألسمه وتفرح ويانه
وبالسندس الأخضر تفرش جنانه
والشمس بالأفراح ضوت سمانه
والكمر صاح بصوت ردد ورانه
أبمولدك جينا انهني مهدينا
...........
يا بعد عيني ومهجتي افديلك الروح
شافيت علتي ياولي داويت الجروح
ياعطرعطرك ياعطرعطرك يفح فوح
ياسر خلق كل الخلق يا معجزة نوح
احنه وأهالينا انهني مهدينا
...........
خدام خادم للخدم اخدم خدم خــــليني
أمي التي عند المهـــــد أبحبك تغذيني
أبوي كـــــان بطاعتك دائما ايوصيني
ما بيه بعد عالصبر كحل بشوفك عيني
حبك يضل بينا انهني مهدينا
...........
أبوصفك احتار القلم مابين السطور
يا عقل يكدر يوصفك العقل مسطور
انه وجهالي ألخدمتك سيدي منذور
كل مسلم بحبك فرح هليله مسرور
سادة وموالينا انهني مهدينا


الشاعر
إياد الفرح