درة النجف
16-04-2010, 06:27 PM
السلام عليكم و رحمة الله و بركاته
اللهم اشرح لي صدري و يسر لي امري و حلل عقدتا من لساني يفقهوا قولي.
مرحبا اخواني و اخواتي
اليوم جايبتلكم ابوذيات بقلم الشاعر العراقي عبد الحسين الحلفي
شاعر معروف بالعراق انه شاعر مميز
اني احب اشعارة لان معانيهه جميلة و مؤثرة
ف حبيت انكم اتشاركوني بهذا الاعجاب كونكم اهلي......
ولكم الابوذيات-ابوذيات لوم وعتاب
إشفنة من وكتنة شفتهمنة
وهمنة إكبال عينك شفتة همنة
ذبحنة وفوك ذبحة شوف تهمنة
يكلهم بالذبح تعبولي أدية
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
إشفافك عسل و حصتي مرة منهن
وإكطعلي جلاي سهمك مرة منهن
إشكم مرة لحكتك ومرة منهن
مو أنت إطلعت وشصار بية
عليك ألقيت حجة وألقيامة
وياما براسك أقرة وألقيامة
تدري ألحشر شنهي وألقيامة
ألقيامة وألحشر زعلك علية
ألوجود إشفرقة كلي منعدمنة
وشمل منع ألتجول منع دمنة
تدري ليش إحنة منعدمنة
لإن موتة إنولدنة إعلة ألوطية
قضية أسمك على أسمك ماشخطنة
إزدحام إحنة إعلة دربك ماشي خطنة
إشتظن من كد حلاتك ماشخطنة
أليشوفك ينشخط مية بالمية
عسل وبحلكي وكتي مرجعلكم
ومرجعكم لكلبي ومرجعة إلكم
صرت آية بهواكم ومرجع الكم
خذيتو منين فتوة وخنتو بية؟؟
أراوي إجروح كلبي بيك أراوي
ألعشك كروة تعبانة وبي كراوي
أجذب من أكلهم بيك راوي
أنة ألعطشان وإنت من آل أمية
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت وشجيت
إجيتك لا كلب لا روح بية
أنة ألزايعني وكتي ونتة زاعلك
منو من كلبي جرك ونتزعلك
علي كل زعل هين وإنتة زعلك
يزعلني بحيث أزعل علية
صراير عشك روحي وك صرتلك
ونفس وكت ألمنازع وك صرتلك
طويل وأعلة منك وإكصرتلك
حتى تلوح من تبوس أدية
لا فاتحلي باب ألحب ولاصاك
إنلاصت دهري لايصهة ولاصاك
حلو ماشفت أنة مثلك ولاصاك
ولا واحد شفت مثلي خطية
ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية
لاكن اهنا نكسر حاجز الابوذيه و نحط قصيدة تتكلم عن احداث العراق الحاليه
بعهد صدام جام البيت مكســور
ومن البرد ليلـــــــــــك ما تنامه
هسه البيت زين وصار بيه جام
بس كلب العراقي انكــسر جامه
********************
الكراسي كاعده فوك الـــكراسي
لان ماكو زعيم ولا زعامــــــــه
ذله بذلة نكضي الليل ما ننــــــام
والبصبح بالمدرسه ندرس كرامه
********************
ووالدنه الوطن بابا نــــــــــسميه
شو بابا عدل وحنة يـــــــــــتامه
عجيب شكد ايمة يا وطن بيــــك
ووجهك للرحم ما بيه علامـــــه
*******************
عجيب وبيك ابو فاضل العباس
عند جف ولا عندك شهامــــــه
ممنوع التجول يا وطن بيـــــك
لان حتى الدرب ساحب اقسامه
*******************
وشمل منع التجول حتى العظام
والدم ماكدر يمشي بعظامــــــه
حمام الناس ونته يا وطن حوم
منك ما اظن تسلم حمامــــــــة
*******************
انت بروفيسور بقبض الارواح
وعزرائيل الك دنك الهامـــــــه
يوميه قيامه يا وطن بيـــــــــك
اذن كلش سهل يوم القيامـــــه
((((((((((((((((0))))))))))))))))
ها شرايكم
اتمنى ان الابوذيات والقصيدة عجبتكم
علمود اتشاركوني الاعجاب
تحياتي
درة النجف
اللهم اشرح لي صدري و يسر لي امري و حلل عقدتا من لساني يفقهوا قولي.
مرحبا اخواني و اخواتي
اليوم جايبتلكم ابوذيات بقلم الشاعر العراقي عبد الحسين الحلفي
شاعر معروف بالعراق انه شاعر مميز
اني احب اشعارة لان معانيهه جميلة و مؤثرة
ف حبيت انكم اتشاركوني بهذا الاعجاب كونكم اهلي......
ولكم الابوذيات-ابوذيات لوم وعتاب
إشفنة من وكتنة شفتهمنة
وهمنة إكبال عينك شفتة همنة
ذبحنة وفوك ذبحة شوف تهمنة
يكلهم بالذبح تعبولي أدية
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
إشفافك عسل و حصتي مرة منهن
وإكطعلي جلاي سهمك مرة منهن
إشكم مرة لحكتك ومرة منهن
مو أنت إطلعت وشصار بية
عليك ألقيت حجة وألقيامة
وياما براسك أقرة وألقيامة
تدري ألحشر شنهي وألقيامة
ألقيامة وألحشر زعلك علية
ألوجود إشفرقة كلي منعدمنة
وشمل منع ألتجول منع دمنة
تدري ليش إحنة منعدمنة
لإن موتة إنولدنة إعلة ألوطية
قضية أسمك على أسمك ماشخطنة
إزدحام إحنة إعلة دربك ماشي خطنة
إشتظن من كد حلاتك ماشخطنة
أليشوفك ينشخط مية بالمية
عسل وبحلكي وكتي مرجعلكم
ومرجعكم لكلبي ومرجعة إلكم
صرت آية بهواكم ومرجع الكم
خذيتو منين فتوة وخنتو بية؟؟
أراوي إجروح كلبي بيك أراوي
ألعشك كروة تعبانة وبي كراوي
أجذب من أكلهم بيك راوي
أنة ألعطشان وإنت من آل أمية
بونيني صدعيت ألجبل وشجيت
يمن طريت كلبي عليك وشجيت
إلك حن ودفعني وجيت وشجيت
إجيتك لا كلب لا روح بية
أنة ألزايعني وكتي ونتة زاعلك
منو من كلبي جرك ونتزعلك
علي كل زعل هين وإنتة زعلك
يزعلني بحيث أزعل علية
صراير عشك روحي وك صرتلك
ونفس وكت ألمنازع وك صرتلك
طويل وأعلة منك وإكصرتلك
حتى تلوح من تبوس أدية
لا فاتحلي باب ألحب ولاصاك
إنلاصت دهري لايصهة ولاصاك
حلو ماشفت أنة مثلك ولاصاك
ولا واحد شفت مثلي خطية
ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية
لاكن اهنا نكسر حاجز الابوذيه و نحط قصيدة تتكلم عن احداث العراق الحاليه
بعهد صدام جام البيت مكســور
ومن البرد ليلـــــــــــك ما تنامه
هسه البيت زين وصار بيه جام
بس كلب العراقي انكــسر جامه
********************
الكراسي كاعده فوك الـــكراسي
لان ماكو زعيم ولا زعامــــــــه
ذله بذلة نكضي الليل ما ننــــــام
والبصبح بالمدرسه ندرس كرامه
********************
ووالدنه الوطن بابا نــــــــــسميه
شو بابا عدل وحنة يـــــــــــتامه
عجيب شكد ايمة يا وطن بيــــك
ووجهك للرحم ما بيه علامـــــه
*******************
عجيب وبيك ابو فاضل العباس
عند جف ولا عندك شهامــــــه
ممنوع التجول يا وطن بيـــــك
لان حتى الدرب ساحب اقسامه
*******************
وشمل منع التجول حتى العظام
والدم ماكدر يمشي بعظامــــــه
حمام الناس ونته يا وطن حوم
منك ما اظن تسلم حمامــــــــة
*******************
انت بروفيسور بقبض الارواح
وعزرائيل الك دنك الهامـــــــه
يوميه قيامه يا وطن بيـــــــــك
اذن كلش سهل يوم القيامـــــه
((((((((((((((((0))))))))))))))))
ها شرايكم
اتمنى ان الابوذيات والقصيدة عجبتكم
علمود اتشاركوني الاعجاب
تحياتي
درة النجف