موشح الى كل الرواديد وخدام الحسين ع من تاليفي

[احمد الدفاعي]

دوه للـعـالم ترابـــك يا حسيـــن
عليك بالهم ننتحب طول السنين

******************************
والله يا مولاي ما ادري شگول
حيرتني اوصافكم يبن الــــبتول
هاي چفك لون قبلهه الرســول

وين مدحي يصير يبن الطيبين
******************
انه من اكتب شعر مدح ورِثاء
ما ازود مـــــنزلك يابو الوفاء
لچن انه ازداد شأناَ وإرتقــــاء

لوگلت عنكم شعر يالطاهـــرين
*********************
انه مو شاعر وحگك يالذبيــــــح
لچن انته الفتحت عندي القريــح
لمن اذكر زينب اعلى التل تصيح

ينفجر بركان شـعري بكل ونين
**********************
ٳنته دمك شاعر وماله مثـــــيل
من صعد بالنوح للباري الجليل
هاي وحَّدهه قصيدة و مو قلـيل

تعادل كتابات كل الثقلـــــــــــــين
*********************




القصيدة چم نظم وشچم بحــــــر
عن مصاب حسين شيگول الشعر
يگول زينب راحت بضيم اليســـــر

و وگع عباس البطل و بلاية ادين
********************
لو يگول الحره عالتل اعتلـت
شلون منظر يالموالي شاهدت
صدت علة حسين جيف تحملت

عالثرى موذر سليل الأكرمـــــين
*******************
عالثرى موذر ولا واحد اجاه
ضل ثلث تيام محد غســـــلاه
ومحد الغَـمَضله عينه وچفـــــناه

وراح للكوفة وگصد ضعنه الحزين
*******************
راح للكوفة بسبي ونوح وعـــــذاب
ومن بعدهه الشام هذا اعظم مصاب
يسمع السجاد كل ذاك السبـــــــــاب

شتمو الكرار وي طه الأمين
**********************

احـــــــمد الدَّّفـــاعــي

[الباحث عادل الايهم]

اللهم صل على علي وال علي
الاخ احمد الدفاّعي
أهلا بك في منتدانا خادما لمحمد وال محمد
أهلا بكم وانت تهطل الفيض العلوى المقدس
تحياتى لكم وربي يرزقكم الشفاعة الحيدرية يارب

اخوكم الباحث
الايهم
عادل
نسالكم الدعاء

[احمد الدفاعي]

تسلم يا اخي العزيز نسال من الله تعالى ان يرزقنا جنون عابس في حب الحسين عليه السلام

[ابو ظاهر البركي !]

أحمد أشعارك تنادي عللصلاة
وتلعن الخانوه ذولاك الطغاة
هذا انت بشعرك احرزت النجاة
جنك بطف كربلا ويه الحسين

السلام عليكم اخي الجليل وشاعرنه المبدع احمد الدفاعي

رزقنا وأياكم شفاعة الحسين عليه السلام

وتقبل مني هذه المجاراة


خادمكم
ابو ظاهر البركي

[الروح]

السلامُ على الأديب الفاضل
أحمد الدفاعي ..
بورك هذا القلم الرصين
الذي ينزفُ ولاءً لآل محمد
وفقكم الله للمزيد
دمتم برعايته
ترآآآتيل دعواتي لكم

[احمد الدفاعي]

اخي العزيز ابو ضاهر البركي مشكور جدا على مجاراتك ونسال الله القبول

العضو العزيز ( الروح ) مشكر على المرور رزقنا الله واياكم الوجاهه عند الله بالحسين عليه السلام