هاي أم البين

[سعد مطلوب]

((هاي أم البنين))


هاي أم البنين الحــــزن خـــــــاواها ... ماتت بالغُــرب جـــاويـن وليـــــــاها
************
ماتت بالغـرب وين البـطل عبــــاس ... ينهض للجنازه يحطهـــا فوك الراس
ويشــيع العزيزه بحســـــرة الأنفـاس ... وينــوح أعله أمه بصـوته ينعـــاها
************
نعاها الأجل من فكَـدت شمس وبـدور ... طاحت والصبر طاح بشهرعاشـــور
كََضّاها الوكت حملت هموم أوجــــور ... عُكَب حســــــين مايوم الفـرح جاها
************
عاشــــــت كل عمـرهـا بـألم وبلوعـه ... من جاها أبـن حـــذلم تهمل دموعه
ينعي شـــبولها بصرختــه المرفوعه ... وخله أدموعها عله الوجنه مجـراها
************
صوبهـا بألم ســــــهم الهضم والبيـن ... من جاها الخبر بالطف ذبيح حسين
من زنــد الكمــر متكطعـــه الجفيــن ... وبـدورج يحُـــره مغســــلّه بدمـــاها
************
حنت ونحنت والتوت بيها جــــــراح ... صاحت يابشـر زهرة حيـــاتي الراح
چان حســين ســـلوه وللكلب ســباح ... شـــمعة آل هاشـــم نـــوره من طاها
************
رحلت والحزن يحدي بُگه بسِـــــدهه ... ريت يكون أبـو فاضل حظـــر عدهه
بيــده بالكبــــــر هوا اليـوســـــــدهه ... ويهيـل التــــــراب وياخــذ أعــزاها
************
خذت منها الطفوف أربعه من الشبان ... ضحوا للرســـاله المهج والأبـــدان
ما واحـد حضـرها وســــــاعد الدفان ... يــوم الودعـة والأجــــل وافـــــاها
************
وينــه اليعتني الكـربله أويندبهـــــــــا ... أمك يالكمـــر هالوكـت صوبهـــــا
دولبهـــا الزمان شــــــكثر عذبهـــــا ... كَضّت كل عمـرها النـوح ســـلواها
************
بقلم / ســعد مطلوب الخفاجي

[خادمة الاطهار]

السلام على باب الحوائج
السلام على أم البنين الطاهرة

حروفك الولائية رائعة جدا...لااراديا بدأت اقرئها بشكل لطمية

قضى الله حوائجك بحق السيدة ام البنين عليها السلام

[zaineb]

بسم الله الرحمان الرحيم


السلام عليك يا أم البنين
السلام عليك ما بقي الليل والنهار
السلام عليك ما بقي في حياة
أيها الشاعر الأخ الكريم
بالرغم أنني أجد صعوبة في قراءة قصيدة باللهجة العراقية
لكن كان للعنوان رهبة ولوعة
كافية لتجبر حروفي الفقيرة للرد
على رونق حرفكم الراقي
فأجبر الله خاطركم بما نثرته هاهنا
وجعل بكل حرف سطرته في ميزان حسنتاكم
بحق محمد وآل محمد عليهم السلام
ولا عدمنا سطورا تلهب فؤادنا حسرة لما ضيعناه
في زحمة الحياة دون أن نقف
على أعتاب حياة مفعمة بالجهاد والصبر
فآجركم الله تعالى أيها الأخ الكريم
تقبلوا مروري المتواضع
...
ودمتم محاطين بالألطاف المحمدية

[سعد مطلوب]

الاخت العزيزه
خادمة الاطهار
عزيزتي الغاليه اسعدني وشرفني مروركم الرائع واطرائكم المبارك
نورتم صفحتي المتواضعه بنور قلبكم الولائي تمنياتي لكم بالموفقيه .

[الروح]

الأديب الحسيني الفاضل
سعد مطلوب
عظم اللهُ أُجوركم
ومثابين بحقِ أم البنين
على هذه القصيدة الشجية بحق
نزفٌ ولائي لن يسيل الا في محاضر القدس
لاحرمنا الله من طيب نفحاتكم
دمتم برعاية الرب
وآآآبل دعواتي لجنابك الفاضل

[ابو ظاهر البركي !]

ماماتت يخـــويـــــه الخلفت عبـــاس--- ولاجابت مثلها وحده بين الناس
هذاك الفده بروحه وضل يشع نبراس--- وخلـــه ازلام اميه اتيــه منواها

اخي سعد تقبل مني هذه المجارات البسيطه على جميل قصيدتك

موفق اخي الفاضل ورقنا واياك شفاعة ام البنين وابنها ابو فاضل عليهم السلام



اخوك ابو ظاهر البركي

[سعد مطلوب]

الاخت الكريمه
zaineb
تنورت صفحتي المتواضعه بنور حروفكم الولائيه واسعدني وشرفني
مروركم الرائع ودعائكم المبارك لاحرمنا المولى العلي القدير من
اطلالتكم الرائعه علينا تمنياتي لكم بالموفقيه .

[سعد مطلوب]

الاخت العزيزه الغاليه
الروح
عزيزتي الغاليه حرورفكم الرئعه والجميله تضيف على قصيدتي
نور الولايه والذي الذي تحمله روحكم الولائيه الحسينيه اسعدني
وشرفني مروركم واطرائكم الرائع تمنياتي لكم بالموفقيه .

[سعد مطلوب]

الاخ العزيز
ابو طاهر البركي
استاذي الفاضل
اسعدني وشرفني هذا المرور الرائع والاطراء المبارك نورتم صفحتي
بنور قلمكم الحسيني تمنياتي لكم بالموفقيه .. مجارات في غاية الروعه
والجمال واضع بين يدكم الكريمه هذهِ الهوسه للعباس (ع) .
************
هزســـــــــيفه المچنــه وضهضب وأرعد
شـنهو الماي شـنهو العطش وانه الســــــد
تــــدريني يــــزينب ما يحـــــــدني الحــد
لخبطها وعندچ صافيها
************

[ابو ظاهر البركي !]

أرعد بيده سيفه ومن برز للكوم
كص عيب ال أميه وأله بيها علوم
ومثل الفار صارت من يجيها الحوم
ها خويه ها
تاهت ماتعرف منواها

استاذي الجليل سعد المطلوب
تقبل مروري على روائعك


تحيات
ابو ظاهر البركي