المساعد الشخصي الرقمي

مشاهدة النسخة كاملة : ابوذيات لاهل البيت عليهم السلام

احمد الدفاعي
29-05-2010, 06:08 PM
بسبب جف النوايب مات ردني
ضامي و اجه ابابك ماتردني
انه ادري وحكك ماتردني
ضيمي اباب جودك مد اديه

الكلب يحسين ساعة و نتة ميلة
ويميل الكلب صوبك ونتة ميلة
أضل للدوم شيعي وانتميلة
حب حسين مودم يجري بية

الضالم وجه شيطان وجهه
الة علة ام الحسن هاليوم وِجهه
نار الي اضرمت بالباب وجهه
رجع وجهه الشمر بالغاضرية

ذولة المن علي وفاطم نسلهم
واحنة بكل عسر نكصد نسلهم
الضالم لمن حاربهم نسة الهم
شيعة وتستلذ طعم المنية

احمد الدفاعي
اليزابيث
02-06-2010, 10:48 PM
السلام عليكم - بارك الله فيكم اخي الغالي وفقنا واياكم لخدمة ال البيت عليهم السلام ورزقنا الله واياكم شفاعتهم يوم الورود
الروح
03-06-2010, 01:10 AM
أحمد الدفاعي
كل ماتقدمهُ رائع حقاً
مثاب ومأجور عليه
ونتمنى ان نرى تواصلك المستمر معنا
بوركت لك تحياااتي وإحتراماااتي
ابو ظاهر البركي !
03-06-2010, 11:48 AM
ذولة المن علي وفاطم نسلهم
واحنة بكل عسر نكصد نسلهم
الضالم لمن حاربهم نسة الهم
شيعة وتستلذ طعم المنية

احمد الدفاعي
التبعهم يحمد وعينك نسه الهم
علن نتبعهم احنه ما نس الهم
أذا أحنه بعسرنه مانسلهم
نسل المن وهم خير البريه


اخي احمد وفقكم الله ورزقنا واياكم شفاعتهم


خادمكم
ابو ظاهر البركي
3li
03-06-2010, 12:00 PM
شكرا على الابوذيات الرائعة

وفقكم الله لكل خير
أبو ذر السماوي
07-06-2010, 02:40 PM
موفق أخي العزيز أبيات رائعه تقبل تحياتي

خادم خدمة الحسين ( عليه السلام )

أبو ذر السماوي
احمد الدفاعي
22-06-2010, 04:58 PM
الف شكر للجميع