الى بطلة كربلاء؟؟؟ام المصائب وعقيلة الطالبين اقول؟؟؟؟

[ابو معاد النجفي]

بسم الله الرحمن الرحيم
السلام عليكم ورحمة الله وبركاته
الى ام المصائب والى المراءه المجاهده في يوم استشهادها
(الى بطلة كربلاء)
كون لكربله تطبين *** ** ودمعچ يهل عالخدين
وعيونچ تشوف الصار ***** شلون مبتّرة الجفين

كون لكربله اتطبــين ..... يازينب المظلومــه
وعيونچ تشوف الصار ...... شلون الجثث بالحومه
بعد العز لاخوچ حسين ..... هسّه اصبحتي مهضومه
لاينفع عتب ويــاه ..... صعبــة الميت انلومــه
الوم عليك يبن امي.....وحچي وياك كافلني...اعداي التحدي بضعني
اتلفت وادير العين ..... للعباس لو لحسين
اتلفت وادير العين...... وانظر للعليل وياي
واطفال الرهبهه الخوف ..... عطشانه و تريد الماي
واسمع للنسه انحيب ...... بلواهن مثل بلواي
رديّنة نزور حسين ..... حر الهظم فت احشاي
مهضومة اجيت اليوم... عيني مفارگة للنوم.....نؤمن بالذي محتوم
ربك كاتبة من اسنين ...... و جدي بشر السبطين
الرسول الگال لام سلمه ...... هذي لامتي اوصيـه
حسين التقتله اوغـاد ....... وزينب تمشي مسبيه
هـالقاروره من عندي ....... يوم تصير مدميــه
ساعتهه يطیح حسين ..... بيه ايطيح ساريـة
العلم عل الگاع وچفوفه .....القصة اصبحت مالوفه.....اگلوب اعليه ملهوفه
نبچي اعليه متندمين ...... هذا قاهر الصوين
الحسين الخاطب الكفار ....... گبل مايوگع بساعه
گال انة الرسول اليوم ....... وانه الحامل اشراعه
الطاعة للرسول اتكون ........ و ليّه واجبه الطاعــة
احنة المانبيع الدين ......... يخسه و كافر الباعه
نحمي الدين بدمانه .....اصحاب الكسا سمّانه.....كلمن مات ويانه
يبچي بدمه بالعينين .............. يساهر ينصر النه الدين
الحسين الگال للشيعه ........ وصيه هاي من عندي
حافظ عل الشرف والدين ....... خذتها کلمه من جدي
اخاف عليكم الاوغاد ........ يوم التظل من بعدي
بيّه اذكر العرفان ....... احذرك تنگلب ضدي
بيّه يكمل الايمان... وتحصل الرحمه و الرضوان....تمسك انت بالقرآن
بيه تناصر الطيبين ........... يوم التصل للحدين
بيّه تناصر القـــــرآن ......... واهل الحكم والثايـــه
ذولة الثبتوا الاســـــلام ........ بيــــهم عاليه الرايـه
منـــهم تحصل مرادك ........ وهــــم السبل والغايه
النبي و بنته وعلي الكرار ....... والسبطين تچايـه
بيهم الشفاعة اهناك... لان شيعي وعلي مولاك.... يحضرك بالقيامه وياك
لازم كربله اتطبين ***** ودمعج يهل عالخدين


خادم اهل البيت
ابومعاد النجفي

[عاشقة النجف]

http://www.hawaa.org/bb/images/smiles/bbb.gif
سامحيني يبنت الطهر وسادات البشر
شعري لايجازيكي ايا ضوء القمر
انت نور قد اضاء بالمزايا والعبر
اي دهر خان فيكي واندحر
سامحيني فبذكرك دموعي تنهمر
اي سر فيكي يانجم السحر
تبكي عيني عند ذكر اسمك يا ام الابا
اذكر الاطفال والطف واحوال السبا
انت يافجر اضاء ياقبلة النجباء
يادوحة هاشمية ياسليلة ال العبا
سلام عليك يااخت من فت كبده اربا اربا
سلام عليك يا اخت السادة النجباء
******************
اخي الفاضل ابو معاد النجفي
الف شكر لكم على القصيده الراااائعه
تحتاج لطور جميل وتصبح من اجمل مايواسي به المفجوع حبيبه
سلمت الايادي على التسطير
وبوركتم وعظم اجوركم واجورنا بهذا المصاب

[ابو معاد النجفي]

بسم اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعجل فرجهم واهلك اعدائهم

الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

الاخت الفاضله

عاشقة النجف المحترمه
شكري وتقديري لمروركم الكريم

وللمتابعه...اتمنى لك الصحه والعافيه

بحق صاحبة الكلمات

اخوكم

ابو معاد النجفي