|
أهلاً بسيد الحرف النحات أبا ياسر الكعبي ومرحباً بالكبيرالاستاذ أبو ظاهر البركي وتحيتي لك سفينة الأبداع , تسرفنلي الجرح طلاب للثار ورش روحه أبملح ماخفته يعمه ألك راس الجرح سويته طشار التطشر بالوجع ياهو اليلمه يالبركان غيظك مشتعل نار درحم حال جارك شيل همه چهبنك أهمومي لعتبت الدار يعرفنك جنوبي وبيك نسمه صيرلهن مظيف وسفرة أشعار وأشبعهن حرف محروگ دمه جرحك منذبح وهمومك أكثار وعليك أتلملمن موخوش لمه! جزع مني الجرح ويدور أعذار ولگاك أنته النزيف أتفيض يمه, للجميع تحيتي وودي |
اقتباس:
تحياتي لأبداعكم سفينة البحار أبدير أوجوه منكم ماربينه يطعم العسل مركم ماربينه لكون الطيف منكم ماربينه نگوم أبلا وعي وناخذ تحيه أحمد الكعبي |
تزامنا مع غرق الكثير من المناطق بالامطار ......... امطرت جروحي المها فكان .. نزيف اجروحي صاير سيل من سيل تكول الدنية مطرت من وريدي لكم مني كل الود والتقدير تحيـــــــــــــــــــــــــــــــــــاتي |
تزامنا مع غرق الكثير من المناطق بالامطار ......... امطرت جروحي المها فكان .. نزيف اجروحي صاير سيل من سيل تكول الدنية مطرت من وريدي لكم مني كل الود والتقدير تحيـــــــــــــــــــــــــــــــــــاتي |
حبله جروحي يمكن شايله هواي
صار سنين تطلك توهه جابت مطرت آه كل ضني امطرت ماي كلت بلجن شديد الكاع رابت طلعت مزنه ومخاض البيها ماجاي احس ابطن جرحي هموم شابت انخامن بعد ويجيبلي دواي ويشل جم جرح . يعكدلي يابت على طحير البجرحي يعزف الناي بفراكك جميع آمالي خابت ردتك بس تجي وتهود بجاي خناجر بعدك بدلالي صابت تحياتي للكبير سفينة البحار والكبير ابو ياسر الكعبي والكبير احمد الكعبي والى كل من يمر على اوجاعنا البركي |
الوجع
بسم الله الرحمن الرحيم أسمحلي أن أشاركم بنوع أليم من الوجع (( من راح)) لفه كلبــي الحزن عباس من راح غابت روحي عنّي اليوم من راح أبــــــــد مافاركج ياراح من راح وأظل أطحن بروحي عله الرزيَّه -------------------------- ((التوقيع)) السجود لنور الله *---------** ملائكـــــــــــة السمه من سجدت الآدم سجدت للأنوار السببت ذاتــــه وهنانــــــه الحقيقـــه ثابتـــه المعنــــــه هذا الطين بيها أنعرف معناتـه خمس كلمات مرسومه عله عرش النور يعني الكون يزهي بنور كلماته فـــوق القـــدره والادراك محياهــــــــم أأمــــه للعوالـــم قاده ساداتــــه محمــد علــي فاطــــــم الحسن وحسين تبيان الكتاب ومعنه آياتـــــــــه |
للراسمين جراحهم قصائد كل الاحترام اسير الاه كلبي ودمعتي دموم او ولامرة علي دنياي مرت كل يوم اليمر اتامل اليوم وكولن تفرج وهم علي فرت حالفت السهر من باعني النوم وخيل اجروح هجرك علي كرت فاضت غيم عيني هموم بهموم ومثل طرت بلم لخدودي طرت لكم مني اهل الابداع كل الحب والتقدير تحيــــــــــــــــــــــــــــاتي |
احسن جود عيني من الدمع خال
واسمع صوت جفني يكول عطشان ابيضت كاع شوفي والفرح شال مولازم قميصك دزلي الردان اجعلو لوحة وجعي على حائط اوجاعكم مؤطرة بالامل الموعود البركي |
الله الله روعه عمو .. بوظاهر |
اقتباس:
جعلها الله بميزان حسناتكم أخ خالد أكابر عالرحل مني واليروح ونه زينب جبل صبري وأليروح المصايب لاذن أبروحي واليروح تون بسهام طعنة آل آميه, |
الگلب بجفاك غيم شايل أجروح ويطعنه الگتله كوم لگلبي داويه يمطر هم لأن مفطوم عالنوح ودم ينزف إذا أسكت وأخليه شمسويلك وتجرحني وتروح عفت گلبي طريح وماتمر بيه وأنته لوحدك تتملك الروح ليش أبغيبتك بيدك تچويه, تجرحني وتسافر وأنته خلي دشوف آنه شعفت وأنته شعفتلي تـــحيتي لنزف أبــــــداعكم |
وقفت طويلا عند حائط الوجع
لم اجد غير رائحة الدمع التي هزتني كما البخور في نشوة للبكاء اقدس الوجع فيكم وانحني تقديرا وادعو الله لكم بالسرور ودي |
اقتباس:
مولازم قميصك دزلي الدموع أريد أمسح جفن عيني بدمعتك اعله هجرك من بجاها ابيضّت العين طش بيها العمه بصفنت فركتك رعاك الله ايها البركي |
اقتباس:
نعم بفراكك يجوي يمركم وألذ من العسل واحلى يمركم الكلب مرسال ودّيته يمركم ومضت سنتين ما بيّن عليه للحاضرين الغائبين الساكنين بأعماق القلب ألف تحية وسلام |
اقتباس:
بصدودك غيم كل همي تراكم وألف كم العله جرحي تراكم اذا مو عيني باليقضه تراكم أحس بيها العمه طش المنيه للكبير سفينة البحار ودّي ومحبّتي ممتن لكل هذا الترحاب |
أجرحُ القلبَ و أجري الدمع من فيض الدمائي
لسليلِ الطهرِ موسى ووريث الأنبيائي فَلكم أمضى سنيناً في نحيبٍ و بكائي فهو من سجنٍ لسجن و إبتلاءٍ لإبتلائي و الدماءُ و القيود في معصميهِ شهود للرزايا و العذاب سيدي جَلَ المصاب ********* و اذرف الدمعَ إذا ما كنتَ من جورٍ تكابد و تذكر صبرَ موسى و هو يحيي الليل ساجد إذ ينادي يا إلهي رد عني كل مارد ألي هذا الذنب يسقيهِ سمومَ الغدر حاقد ما بين سجن الهموم و بين فعل السموم مات موسى بإحتساب سيدي جَلَ المصاب ********* حينَ تنعى الناسُ موتاها بحزنٍ تتجمع بين باكٍ بين شاكٍ بين ثقلى تتفجع ليتَ شعري أو تدري من لي موسى الطهر شيع حملتهُ أيدي سجانيه بالذل ملفّع ليتهمُ يعلمون أيَ نعشٍ يحملون لتباكوا بضراب سيدي جَلَ المصاب ********* كيف لا نبكي إماماً راهب من آل هاشم و هو نور اللهِ فينا ووريثاً للمكارم إنهُ المرضوضُ ساقاً إنهُ مدمي المعاصم إنهُ المقتول ظلماً ربي فالعن كلُ ظالم آهِ من جورِ اللئام نالَ منا كم إمام بادعاءات كِذاب سيدي جَلَ المصاب ********* إن بلواكَ إمامي من خطوبَ الناس الأكبر كم بنا حلت خطوبٌ و عليها نتصبر فبكظم الغيظِ تحدونا مثالاً يا مطهّر إنما لا يجزع البعدُ سنيناً يبنَ جعفر كلُ يومٍ إذ يفوت سيدي بطأً نموت بسعير الاغتراب سيدي جَلَ المصاب ********* كيف لا ألبس دهراً بعدكم ثوبَ الحدادِ فلقد كنتم ودادي و بكم يهنأ فؤادي و إذا ما ضاقَ صدري أنتخي بابَ المرادِ مَن لقلبٍ ذاقَ بالوجدِ لموسى ذي الجوادِ أيها الكاظمان الأمان الأمان هل لنا من جواب سيدي جَلَ المصاب |
السلام عليكم . واسمحوا لي بهذه في حب علي ع
* انه مثل طير الحر للقفص ما انطاع انه غيمة ورعد من تمطر تغرگ الگاع انه مثل گلب المحب ازعل وارضه بساع انه بس وفه گلبي ياابو حسن ربعه لي وحصتك ثلاث ارباع |
السلام عليكم ورحمة الله وبركاته
بوركت جميع الاقلام الولائية التي تكتب في حب محمد وال محمد |
وبوركت وتباركت سيدي المبجّل
|
إشحسبالك بعدهي إزغار الجروح
كبرن صارن اوحوش اوكلنـّي ,, |
لاتزال الجروح ندية .. بانتظار بلسم اختنك من اسمع بطاري جرح وتنزل دموعي ملح ... وابقه ادور ذكرياتي ... واليصح والمايصح واعقد ويه العتك من جروحي جلسه وبيهه يتقرر صلح ... لن بعد مابيه حيل ... اخذ طول الصبر حيلي كبل .............. كبل جنت آنه وكح تحيــــــــــــــــــــــــــــــاتي |
اختنك من مايمر طاريك عالحايط جرح تختنك بالهوه الريّه .. ويطش بجروي الهجركومة ملح .... ليلي ما يطلعله ايل كل نهاري بلا صبح |
جميل ماقرا دامت اناملكم
|
الى حائط الوجع يتمثال الوجع مالحظه ناسيك وصّوني عليك وجيت أمر بيك أضن خلّص حزنهم كبل لتطيح ومحّد ناشداك اشبيك ؟مابيك أمس جانو ابسد فيّك يلوذون ويعلكون الجروح الداميه اعليك فتحت الهم عيونك دمع عاشور وكل ساعه جرح منهم يبجّيك مامر بيك منهم واحد شلون !!! ولو بس بجرح واحد يواسيك كسرو خاطرك يالخاطرك جام وبعدك واكف الهسه اعله رجليك اشحسبالك يجونك ؟انت غلطان شكثر باريتهم !! محّد يباريك إجيت انفخ بجسمك روح الجروح ومن تحتاجني عود آنه أمر بيك تحيتي لكل جرح ندي |
لتصدك يحايط مانسيناك
عندي جروح وكحه شدهن الراي وابو ياسر جروحه يبنن كبار لذلك جان قاسي شوي وياي اشتقت لاوجاعكم |
الملم جرحي بلكي يبين زغير كدام الشماته المايرحمون واضحك من جذب بس دمعة العين تنزل عالوجن .. تغافلني وتخون الى المحتفلين باوجاعهم تحيــــــــــــــــــــــــــاتي |
اقتباس:
الله الله عليك أبا ظاهر قسيت اويالجرح حسبالي يتوب أثاري وياي أقسي وماني داري انتظرته يمر عليّه .. أتاخّر أهواي أثاريه أحترك من لهب ناري .......... لك كل التقدير والود ايها البركي |
اقتباس:
إشتلملم بالجرح ,والجرح تابوت شما لمّيت بيه يطول خلكه خلك دفان خلكه مرافك الموت بكل لحظه ألف حسره التحركه ما أجمل بأن يحتفل الجرع بأوجاعه , ألف تحية وتزيد |
على الحايط كتبنه بدم الجروح الحايط والعليه معروض للبيع وخلينه الثمن ضحكات ... ضحكات ومانقبل البعد البيع ترجيع حايطنه كبر محد يمر بيه واذا طاح اعتقد ميصير تشييع |
الحاضر في القلب الغائب عن حائط الوجع ....
سفينة البحار مازال الحائط بانتظار من ينفض عن جراحه غبار الفراق, ستكون لي عودة فمرحباً بعودتك ............ |
عله الحايط كتبنه بدم الجروح الحايط جسد ماينعرض للبيع بيه أرواح تنبض ساكنه النوح شكد شالت حزن ونعوش تشييع شلون نبيع دمعه بضحك مفضوح اشتكول آلامنه لوصيتنه ايشيع حايطنه كُبر ,كل جرح مفتوح لون عفناه يطيح , جروحنه تضيع ...... " تراتيلٌ وَجَعٍ لكلِّ جرح ٍ جديدٍ يُرممَ نزفَ الأمس لينبضَ غدهُ بوجع ٍ لامتناهي ... محبّتي وودّي للجميع |
اليك يا ابا ياسر الكعبي مع الف تحية
المثلك من يمر جروحنه تهيد وعلى متونك جروح الكون تغفه ملينه المواعد والمواعيد تدري كلوبنه ويه الآه ترفه لو كتلي اجي وما جيت شيفيد من تلجم جرح يغتاض نزفه عتيك جروحي صار بجيتك جديد سجين الهجر وياي وفه عندي من الجروح هواي ويزيد جديد الجرح عندي يبات وكفه لك مني خالص الود والاحترام |
اقتباس:
اقتباس:
إلى سفينة البحار مع ألفٍ ومايزيد من التحايا المثلك لو هجرني جروحي متهيد إتَّلاجم والوجع ماكطع نزفه محرم صبر حزني ,وجيّتك عيد جفوني بغيبتك ماترضه تغفه بعدهي تنتظر منك مواعيد وبعد كلبي يمد إعليك جفّه عناوينك علينه صارت بعيد يالمبعد وعدنه أرواح ترفه سجاجين الهجر بمناحري تزيد (جديد الجرح عندي يبات وكفه) ممتن جدا لابياتك الأكثر من رائعة ..) دُوَلٌ من الود ومُدُنٌ من الاحترام |
اخطها حروف واعرف الى اين سينتهي بها المصاف وبين يدي اي مبدع ستقف ... لذلك ارسلها مع الاعتذار..... حالف احط لو تجي .. روحي على جدمك نذر ومن الفرح كل حرف.. ينكلب هوسه وشعر يالمبعد وبالحلم ... يوميه بيه تمر بس عيني ما تقتنع .. محفور بيهه حفر ظلت لهذا الوكت .. تفز لجلك وتنتظر جيتك تروي العطش .. الاغصان تصبح خضر جيتك ربيع او ورد .. جيتك نسيم وعطر يانهر صافي النبع .. مر بيه حلي العمر مر بينه رجع النفس .. موحلو طبع الشمر لكل الاوجاع والموجعين الف تحية وكثير من الاحترام |
اقتباس:
ما اجملها من لوحة وما أرق عذوبة وزنها (النايل) بالتاكيد نهاية مطافها قمة في الابداع ..... استوقفتني كثيرا , ربما لستُ أهلاً لاستحقاقها. ستكون لي عودة بكل تأكيد |
لكُلِ وجعٍ قادمٍ كرامةُ نزف خيّطت جرح بـجرح.... وانزفت لجلك عمر بكل لحظه أتأمّلك .... إمتدّت عيوني جسر بين اللَعل والعسى .... إبّابك وكفت اشكثر يم كل محطه إنزفِت .... غربه , إنتظار , وصبر نشَّف إسنيني العطش .... خضَّرت كاعي جمر وينك أكلني الصبر .... الساترني ثوب الشِعر ضمّيت كل نوحي إلك .... كمت أنتظر وأنتظر لوتدري ؟ من اشوكت .... للملكه ناذر نذر أنكلب كلّي وطن .... كونك عليّه تـُمر ومازلت الوجع رهناً للانتظار |
الدنيا كلها عرك
حتى الصلح هم عرك واجروح اليه بقن عالحايط اتعلكن كاللي امس بالحلم الجرح ماينترك الدنيا كلها عرك بالحلم من سولفن رادني ارجع بجن كاللي حصت الجرح لو طك ملح ينفرك الدنيا كلها عرك قررت ارجع اذن للحايط الي علن حرب الوجع والصبر اوياكم اني اشترك الدنيا كلها عرك |
للغائبين الحاضرين الف تحية وسلام وللعائدين من بعيد الف باقة من الود امشّي عليك جرحي العفته بالدلال محتاجك .. اريدك .. بالعجل مرني احسبني غريب وهدلي هدت خير واحسبني فقير يجدي .. لتردني يجدي لشوفتك يل مارحت لبعيد رسم خطواتك على الدرب مرمرني يل لمن رحت طلعت وراك الروح كامشهه الجسد وتصيح بي هدني يللي على كلبي هواك شكد حلو شمراه وآنه على هجرك خذت يامنيتي شمراه كلما اكلك وصلنه ترد بعد شمراه يا شمره وانه العمر ذوبته مثل الشمع.. واجريته مثل الدمع... ويه الماي لمن رحت بجفاك ذبيته جان الحلم بس ترد.. وعني الشماته ترد صرت بغيابك عظم .. بالهدم غطيته يل جنت احسبك نده كل عمري لجلك فده بجفاك عمري خرز .. خيط الوصل منكطع واتطشر وللاسف .. مو كله لميته مر بيه خل انتعش .. النجار دك النعش .. لوما تجي دز خبر.. خل روحي لا تنتظر .. والجسد .. تدري الجسد يندل بعد بيته على الحائط ورواده والمعلقين جراحهم انثر عطر الود والمحبة تحيــــــــــــــــــــــــــــــــــــــــــاتي |
اقتباس:
جميل جدا أيها العائد إلينا ماطرا جراحا لاتشبه الجراح البركي دمت ودامك روحك النبابضة ألق |
الحايط الي علن حرب الجرح والصبر " الصبر كلّه صَبُر..... علكم سكاني إبقَدَح طارَدني طول العمر..... مايدري طارَد شَبَح ولـمّن عِـلنت الحرب..... الحايط الّي رِجـح والجرح كلّه ثَغر..... ماضاك عمره الفرح ومن يبتسم للحزن ..... مو معنى خلّص صبر! للوجع صدره إنشرح معناها خضّر جرح..... والدم جديد إنسفح من يـِحس عندك وجع..... كبل الوجع ينجرح قدّيس نزف الجرح ماينكطع بالأمل ..... بس ينكطع بالملح والجرح مثل الورد..... من ينلجم ينفتح بَلَّل ضلوعه النِده ..... بنص ليل كبل الصُبح بس مو نِده امن الورد..... هذا النِده من الذبِح " للحاضرين في القلب الغائبين عن العين ألف تحية وسلام وللعائدين بعد انقطاع مثلها ويزيد |
| الشبكة: أحد مواقع المجموعة الشيعية للإعلام الساعة الآن: 03:12 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024