شكلي عورت راسش ام حمود وعلاوي بهدرتي الزايدة

إي بس في رمضان ينحسب لج اليوم ما بتقضيه
مو مشكله كل شئ بثوابه الحمد لله
إن شاء الله أقضي باقي الأيام اللي عليي و النهار ألحين قصير و الصيام مو متعب

لا عادي جالسه و زهقانة بس بخليج ألحين بقوم أكوي بدله الرياضة حق حمود و بنام
تصبحين على خير و أحلام سعيدة

ترى مو بوليستر هذي تخريفة ما قبل النوم تعديت وقت نومي فبديت أقط خيط و خيط

هههههههههه
وانتي من اهله ام حمود وعلاوي
انا بعد باقوم ازهب الفطووووووور
باسوي لهم كبدة باطلعها من الفريز
تصبحووون على خير

السلام عليكم
كيف الحال اخباركم
واخبار الجهال
واخبار الحوامل ان شاء الله مو تعبانين مع الحمل الله ايعينكم مااحب فترة الحمل كل من المستشفيات لمن انروح وننتظر وقتنا
بتي تعبانه على قلبي مسخنه ودرجة حرارتها 39 وقال معاها احتقان في الحلق والاذن عطاها مضاد بس ماترضى تشربها
وحطيت اليها تحميله بس ماخفت حرارتها صار اللي 3 ساعات من حطيتها والى الحين ماخفت وش اسوي ابغاكم تقولوا اللي بس ادري هالحزه مافيه احد قاعد

هلا اختي ام معصومة الحمدلله احنا بخير والحمل الله يعينا علية ...
ماتشوف شر معصومة والله يعطيها العافية ...

الشر مايجيك اختي

صباااح الخير .. شخباركم ؟؟

ام معصومة ماتشوف شر العلوية ان شاء الله .. أنتظري شوي علشان يسري مفعول التحميله وان شاء الله تنزل حرارتها أو حمميها بماي دافي وامسحي رجايلها بزيت زيتون او فكس ولبسيها شراب ونيميها وان شاء الله ماعليها شر يااارب ..

يبغى لش تنتبهي ليها عدلل لبسيها قبعة وثياب ثقيله شوي .. جود كانت قبل من لفحة هوا باردة تمرض لأنه الصراحة ماكنت البسها اشياء ثقيله واطلع بها وهي توها مسبحة بس الحين من برد الجو ماطلع بها الا بعد ماسبحها بمساافه والبسها شراب وقبعه وجاكيت خفيف .. واشوفها الحمدلله صارت افضل ..

وماتشوفوا شر :)

السلام عليكم ورحمة الله وبركاته

صبااح الخي راخواتي الامهات شخباركم وشخبار عيالكم؟
ام معصومة ماتشوف شر السيدة الله يخليها لج