|
يمن انته النبض والـــروح ودّاي اشوفنك ولو بالطيــــــــــف ودّاي واْريــد أتبادَل آنه اويــــــاك ودّاي مثل قيس أويـــــــه ليلـه العامرية |
داي وداي يتبع داي ورداي وانه كاس الصبر يا ناس ورداي ذبل عودي وتغير لون ورداي وثوبي من الخلك ساتر عليه |
جفن ودّي الودادك منسا كتّه وصالك گطع حبلك من سكّتّه سكت صوت المودّه من سكته سكت حتى العتاب ولاذ بيه |
تنيت وغيرك حزنك همّه شتني ابعدت ودروب وصلك هم مشتني سراب اويا الهوامش همّشتني ..؟ غفل تجفي وتسد بابك عليه . |
غفل تجفي وتسد الباب عناي وانه الجدمي الك كل وكت عناي اجيت اعزف لحن فركاك عالناي الناي من الحزن مات باديه تحيــــــــــــــــــــــــــــاتي |
تعال وشوف دمعــي إنـ ـتِفاضه عِلنها ابسبب هجرك إنتـــفاضه دصير الطور حزني انتـ ــفاضه وامسح بالوصل حزن الّــي بيه تحياتي للاعزاء المبدعين |
اقتباس:
تسد بابك عَلَيْ شبطاك شَلهاك هجرك فتّحالي اجروح شِلهاك أكابر مَنْتَخيت وگلت شلهاك وي همّك شِلت همي العليّه ؟ |
أون وحدي وعلى دروبك أنا شد يمن تكطع حبال الود وأنا شد ابعدت عنك ولا أسأل واناشد بعد كافي سكيت الروح أذيّة |
كطع كلبي وصالك وانتَ داري
وأشد تدري بغيابك وانتَ داري اضل اسكن براري وانتَ داري وتعلك لافتة للبيع بيّة ..؛ |
شد جرحك براس الخيط والمه وبالك من يمر شامتك والمه الما يدري بعذاب الجرح والمه يضن لنك تحن من غير اذيه |
الهم بس إعله روحي غيّه راكم وكم من كم تراكم غي أراكم الدهر وسفه , علينه غيّراكم ونهر ودكم على ما يِشِح ميّه .. |
يخي تاهت ادروبك ودليكم..!؟
الكلب محد يغير وده ليكُم شكثر ارسل سلامه أو وده ليكم وده الروح وانفاسي هدية |
گطع گلبي غيابك منته داري وعليش اسكن براري منته داري تداري الهجر ودّاً ؟ من تداري الهجر بالهجر يذبحها الخويه ..! |
الكلب يبجي بغيابك وانته سكته ولا رد الوصلنا وانتَ سكته المحب ضيع طريقة وانت سكته أخاف توصله لحد المنيّة |
انتقل الى رحمة الله شاعر اهل البيت حسين اسد البياتي
قبل ثلاثة ايام فقلت : اجت تبجي قوافي الوجع يحسين وعلى ظلع القصيده بالم يحسين شجن فكدك وصاحن حيل ياحسين تلكه حسين ها يبن الزجيه |
من سجن السجن مولاي ودوك
وقسم للشيعه حبهم صرت وادوك حب مجنون حبهم صار ودوك يالكاظم وصارو رافضيه ابو ظاهر البركي |
حجاب الدمع عن عيني كشفته وگع منها بعد ما أن كشفته إلك جرحي إبوجه شامت كشفته لأجل عينك گِلتله إتشفّه بيّه |
جزيل الشكر
|
علي مالك البكري وفقك الله وسدد خطاك |
كان لي صديق ودود مولع بالشعر كولعهِ بالهجر والترحال ! قبل ان يرحل ترك لي شريطاً كان قد ساجلني بهِ يوماً ما, سأضع البعض من (أبوذياتهِ تِباعا) يقول صديقي: دليلي إمن الحزن ياليل لوله يوسِّد نبضي والنبضات لوله دكَلّـي هـم تِحِس دكّـاته لوله هِفت كَلبي وبعد ماتدري بيّه " فأجبتهُ : نبض كلبك أسمعه يِدِك طبعن لأن جمرات إله بالروح طبعن بغيرك ماشِفِت بس بيك طبعن الحزن والوفه إجتمعتلك سويه سأكون قريباً من هُنا فمازال السجال قائماً |
أرسل لي صديقي هذا البيت يَمَـن حرفـك إبَّحر الشِعر ذبنه ومثـل قـطعـة ثلـج وبنـار ذبنه يطيرالشوك بأرض إيران ذبنه نِـدوّرعله سَـيد الأبوذيــه " كان هذا قولُه فبعثتُ إليه يطير الشوك ريِّض ذِبنه ليهُم ومثل ماهُمَّـه ذابوا ذبنه ليهُم جُـرفهُـم غـرّكـانه ذَبنه ليهُم ننازِع والوصـل دونـه المنيَّـه " في كل مساءٍ سأضعُ شيئاً من الذكرى للذِكرى., ولأن السِجال مازال قائم ساترك حَدَقةَ عيني تُحَييّ الوافدين |
بعث لي بهذا البيت : الحزن والآه والهَم من هدانه إشْما طال الألم بيّه من هدانه درت وجهك عليّه من هدانه وأنه بس فركتك تصعب عليّه فبعثتُ إليه : هدني الهظم والهم من هد إنته وتهيد جروح كلبي من هد إنته نهد النـاس كلهـا من هد انته لأن كلبك وفي وذاتـك نقيَّه " لي عودة فان السجال مازال قائم |
كُنتُ قد وعدتهُ بقصيدةٍ لم أتأخّر عليه لأن الموعد لم يحن بعد, لكنهُ ارسل لي هذا اليت : إجه الموعد ومنّك ما طل إنته وأشو طالت أيامك ماطل انته أريد اسمع قصيده ماطل انته اوعَدِتني وكِلت تتدلّل عليّه " ارسلت له: انفرط عقد المحاسن من دلالك وتهت بجروف نبضك من دلالك تـدلّـل مـــــابـدالك من دلالك كبلك محّد اتدلـل عـليه فأرسل لي: راح أنطر سَمِعْها يوم لحّد ولتظن آنه أطأطأ يوم لحّد بس لجلك ودادي يوم لحّد يجري ومايكف حد المنيّه فأرسلت له: " مو كولش مَـرِن طبعي ولاحاد وكلبي امن الشَرِع مازل ولاحاد نعـم أذعِـن إلك طـبعــاً ولاحاد التريده يصير وتدلّل عليّه ومازال السجال قائم |
بعد أن استلم صديقي قصيدتهُ أرسل قائلا " حي شعرك عبق نرجس وصلنه ومـنـك مـنكطـع أبــداً وصلنه اذا مرسال من عندك وصلنه تهب ريح الصبا اتسلم عليه " ارسلت اليه: انحتتلك تحت ضـلعـي بيت من بيت وصفه روض الحشا البجلاي منبت الكلب بتّين بيت استاف من بيت الكل منهم يسولف بيك اليه " سأكون في الليلة القادمه هنا سأسافر بعدغد يوماً او بعض يوم ولكن السجال مازال قائم تحياتي ومحبّتي لكلِّ مَن مرّ هنا |
جثير اسباب عن الشور _منعين
اخبرك بالسقيفه بعد_منعين تعثر ياسفيه الراي_منعين تبجي والناس تهتف حيدريه ______بقلمي_____ خادم اهل البيت(ع) العتابي لك فائق الاحترام ابو ياسر الكعبي ايها الرائع ادبا واخلاقا وشعرا طبت ودامت ايامك بكل خير مع خالص الود |
لك كل الشكر والامتنان اخي الكريم عبد الله العتابي دعواتي لك بالموفقيّة والسداد وشكر لأبوذيتك الرائعة |
حلو يلكعبي خلك سايليته
وتره بكلبي سجلكم سايليته يسالك هو وانت سايليته جوابك وي جوابه هوه الريه تقبل مروري ايها الكعبي تلميذكم ابو ظاهر البركي |
هجرني وعن وداده سايل آني ولامره إعله حالي سايلاني مو دمعي إعله خدّي , سايل آني انطفي وأشتعل وحدي بكل مسيّه العزيز الرائع ابا ظاهر البركي تراتيلُ شُكرٍ لأنّك هنا |
مِشه , الجان إبوداده بدّلاني خسرني ! ومدري بيمن بدّلاني ولوني الجان يزهي بدّلاني انكلب لون الوفه وانعكس بيّه " ايها البُركي شكراً لأنك جعلتني اكتُب ماكتبت . |
مدائنٌ من الشكر لكلّ من وضع مداخلة فأزان السجال جمالا " اعود لصديقي الذي غبتُ عنه ليومين فأرسل يقول : انشدك ليش ودّك كصر وصله اخاف الغيري يذعن يمد وصله هاك اخذ الكلب مكتوب وصله ودخيلك لاترد مكتوبي اليه *** فأرسلتُ له: جفن ودّي الودادك منسه كتَّه اوّصالك كطع حبلك من سكتّه سكت صوت المودّه مِن سكتّه سكت حتى العتاب ولاذ بيّه للسجال تتمة ....... الى ان أعود أترككم برعاية الله وحفظه تحياتي ومحبّتي لكّل مَن مرّ من هنا .... |
كضيت العمـر بجروحي بسف راي وباصرني زمـان الهـم بسف راي عـليك إتوكّـلت يــارب بسفراي ورَحِمْتـك واسعه الكل البريَّـــــه |
الغالي ابو ياسر الكعبي
بغيابك حيلي يمدلل بسف راك غانم ترجع مهنه بسفراك يريت انه السفر بيدي بسفراك للجنه ودعائك دوم اليه |
وجدتُ هذه الجملة على الاوف لاين تعيس جدا جدا يعلللللك ؟ " الباري امن الشِعِر جذوه يعل لاك ويضل لشوكت كاس الهم يعل لاك تعيس ابكل مشاوريك يعل لك لأن صاير ولاتسأل عليّه |
العزيز أبا ظاهر البركي أنرت الصفحات بوقوفك عليها " عودة لإتمام السجال " يقول صديقي: تظن عنك يغالي منشد آني وَحِي شِعرك وصوتك من شداني إسمك سكن كلبي منشد آني أردد بيه كل صُبح ومسيّه " فقلتُ له : وحق الله انت وحدك من شديتك وعن لهفة دليلي منشديتك قصيدة شوك تنزف من شديتك إكتَبِتْها واختنك كل حرف بيّه وللسجال تتمة ......... |
يوما ما أرسل بهذا البيت : أنه الماضيَّع أحبابه وناسه ولافد يوم هاجرهم وناسه أدريك الهوه وفرحي وناسه وأبد ماحن مثل كلبك عليّه فبعثتُ اليه : ليالي اجفاك لتظن ونها ناسي أريد أهجر صُحُبتي ونهي ناسي تناشدني إعله ناسي ونها ناسي بعدني ماطحت داسوا عليّه " ومازال السجال قائم |
يقولُ صديقي القديم " عله الابداع دوم اسال وناشد وياهو الي مثل سحرك وناشد يمن شعرك يحل كلبي وناشد دشد كلبي وبعد لاتكصي بيه " وأقول أنا اشكثر نبضي نطرلك وارتجالك ونشر عالحزن جنحه وارتجالك يلامس جرحي شعرك وارتجالك يطوف اعليه سحرك بالبوذيه لم يتبقى من السجال ألاّ القليل ؟ |
لم ينتهي السجال بعد..... |
الغم والهم سكنته ماسكنّي طحت وجروح صبري ماسكنّي الشعر باعذب بحورم ماسكنّي لجن سكَّنّي تصبيرك عليه هل من وجع ؟ |
أنحنائي لــــــــــسيد الوجع يالمنهج مسيرك منهج آباك صبح نهجي أعله نهجك منهجه باك علي من غير كوكب منهو جاباك خذتني لعالَمك واگطعت بيه . |
الشاعر العزيز أبا الحسن أنرت السجال يا رعاك ربي ستكون لي عودة لأجاري بيتك الرائع كن بألف خير |
| الشبكة: أحد مواقع المجموعة الشيعية للإعلام الساعة الآن: 05:44 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024