|
احس الكَلب يوكف من تكلمه وراح انطيك كَلبي وانت كلمه بعد ماأكدر اسكت هي كلمه أحبك حتى لو تبعد عليه |
العمر ماي وتبده صعب لمّه وغدت نكبات هجرك عَلَي لمّه گليله اشوكت تفرح کال لمّه اشوف اجنازتك تمرگ عليّه منقول |
اقتباس:
أثـق بـجـروح گلبي من أثـقلك وجبل همي الـتـراكم من أثـقلك اذا بالدر أثـقلك من أثـقلك الدر يطلع ثَره وانته الثُريه |
هجرت القلم من بعدك والكتاب وكَلبي من العشك بطل والكتاب وحق العرش والمصحف والكتاب بذكرك كل صباح وكل مسية |
تظل صاحب فضل وشكبر فضلاك وخلكي ما فضه الغيرك وفضلاك اميزك عل خلگ كله وفضلاك وبسمك احترز صبح ومسيه |
تهت مابين ناس الظلم والحاك تعال اركض علي ياخوي والحاك صديجي اردف علي طعنات والحاك يجرحني ويحط الملح بيه بقلمي ابو ظاهر البركي |
بعد عگبيش وفراكي وحشكم ومنجلكم گطع بيكم وحشكم بابي اشجابكم يَمّه وحشكم وأنا الماريد جيّتكم عليّه منقول |
عجز جدمي يصاحب كَوم وجلاي ومظن يبرن جروح احشاي وجلاي مر الماي احس بعداك وجلاي وصرت للناس مثله لكل بليه |
الفضل حمّل نياگه من فضلكم وخلص عمره بكرامه من فضلكم الكرم والجود والود من فضلكم رگه يذبُل بأنهاره السخيّه |
عساني لاصبّح صبحي ولامساي حزين وما فرح يومي ولامساي صرت ماوجد بشوفي ولمساي تساوه النور والظلمه عليه |
| الشبكة: أحد مواقع المجموعة الشيعية للإعلام الساعة الآن: 08:52 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025