|
(من معشر حبهم دينٌ وبغضهم ...كفرٌ وقربهمُ منجى ومعتصمُ) أهل بيت النبـي گـلبـي قـَربهم ورب الكون من عرشه قربهم بغضهم كُـفُر بـالبـاري وقُربهم منجه وحُــبُّــهُم دين وهَـويـــــّه الكعبي |
جبل عباس فوك الكاع ***راسي ويصيح مايوم اطخ للضيم***راسي وماي الفرات ابطبع ما جان***راسي لجن لليوم مامر عليه |
بـاس الـموت من باسـك يـعباس وتـموج الارض من تغضب يعباس عـجيبه شلون عـالشـاطي يعباس عـمـود ايـطـيّح اجبال الـمـنيّه الكعبي |
أنه شاري المحبّتك والهَجاني وميهمني الشتمني والهَجاني بحبّـك دودم أردّد والهَجاني وعلامات الظـهور إشهود اليّه الكعبي |
بالتعجيل دومي لاهجاني
وبطران اليبغضك لاهي جاني يبو صالح عدوك لا هجاني ازيد اصرار بالطلعه البهيه البركي |
یغایب ماتفید اللّیت واللات الکُفُر واهل الکُفُر للظلم واللات إجت عُزه ومناة وهُبل واللات ورد اردود حکم الجاهلیّه الکعبي |
تهت محد من احباب علي شار ينجيني الذي شمسه علي شار حجيت المصلحه طلعت على شار رجيت الغانمه صارت رديه منقول |
نص جفني بألم غامض ونص حاي صرت نصین نص میّت ونص حاي عتابي اویاک مــا أثّــر ونصحاي اشما امدّهن ترجّعهن ادیّه ارتجال |
بوركت ابو ياسر روعة :) ضلوعي بحر سموم الصيف شتن علــــى ضعون المشن وبليل شتن يگلبي شمنتظر بالــــــــباب شتان مشو غبشه وصفو من غير جيه |
یروحي امن الهظم ذوبي فصیحاي بعد میصح دوه العلتچ فصیحاي احجبه ومابعد ینزل فصیحاي جنیت امن العتب بس هم واذیّه ارتجال |
| الشبكة: أحد مواقع المجموعة الشيعية للإعلام الساعة الآن: 04:54 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025