اقتباس:
لكه اذانن تقدر مايذكره والكاتب ماصبح كاتب اذا ما لكه يم اليكتبه عيون تقره الغاليه امال هلا بيج عمو وياريت الكل تجيبيهم وياج ويجون هنا في حديقة الوجع المعلق على حائط الكعبي دخولج بركه ايتها الطيبه ابو ظاهر البركي |
اقتباس:
الفاضلة المبجّلة أمال من دواعي سرورنا ان تكتحل اجفان عيون الوجع ببريق عينيك فليس منّا ومنكم ركن خال من الوجع الصفحات صفحاتكم فكونوا هنا أنّى شئتم ومتى أردتم متباركين بوليد الكعبة |
أنه المطعون إجيتك والسچاچين كلن حلگ الجرح وتراودنّي إسْأَلـِتْني إعله الطعنّي ,وشفت بالعين الطعنّي انت وأگولن ماطعنّي ...!! |
الذين يشاهدون محتوى الموضوع الآن : 4 ( الأعضاء 3 والزوار 1)
ابو ظاهر البركي !, الروح, ابو ياسر الكعبي تتزاجم قوافي الوجع مرات تولد نار تحرك من كربها تتشلهب الدنيا بنار الاوجاع وتوج بركان لو ماتنخه ربها |
إجروحي ألواح بس محد قراهن نعم .. يمكن قروا ظاهر وجعهن بس باطنهن أسرار ومحيطات سكته ينوحن ومحّد سمعهن ..!! |
اقتباس:
يصيرن حمر ويعلنن فرحهن اني ادري دمعهن دم عالشفاه لجن رادن يغيضن من ذبحهن تلميذك البركي |
ساحمل بعضا من اوجاعكم
انني ذاهب الى حضرة امير المؤمنين عليه السلام لتكون اوجاعكم اقل السلام على امير المؤمنين وسيد الوصيين وامام المتقين وقائد الغر المحجلين والد سبطي الرحمه الحسن والحسين ع فن انساكم ان شاء الله بالدعاء |
يم ركن الالم ادعيلنه وياك علي وياهو حمل من الالم مثله بس صبر الصميدة ماله مقياس من يغتاظ كله يصبر بكله تقبل الله اعمالكم باحسن القبول |
من تحمل وجعنه الكعبة الأوجاع اخذ اگلوبنه ياصاحبي اوياها وگلـّه ياعلي جتلك عليله اگلوب بس يمك يحيدر ضامنه ادواها ؟ البركي تقبل الله زيارتك واجزل ثوابك |
اقتباس:
يم باب الصميده ارميت همي وادري يهون كلشي بعتبة الباب تمنيتك يخويه هنانه يمي الله يتقبل اعمالكم ويرزقنا الله واياكم شفاعة محمد وال محمد هسا رجعت من الحضره للمكتب كبل حتى اكللكم زرتلكم بالنيابه وصليت الكم |
اليحس روحه نجم ..؟ خل يضوي مره أخلاق حتى تشوفه كل الناس متواضع ..! |
الكواكب بالفضل جازت على النجمات النور البيهه نكَــدر اطــــــــول انباوع صد لهل العلـــم واسمعهـــــم ايكَولون اليحس روحه نجــم .. يحتركَــ بالواقع الحزن لازم يواكِـب عصر الانترنيت لذلك اسسـت لهل الحــــــزن صفحه كل واحد يريـد ايبث عليهــــا اهموم يجيها هنا و يرفع صورة من جرحه تحية للحبيب مؤسس صفحة الجراح المبدع الكعبي |
اله صورة قديمه الجرح بالبال .... اذكرهه اذا ما جفني غمض
ومن كد ما قديمه بقدم الايام ...... كل الوانهه .... اسود وابيض تحيــــــــــــــــــــــــــــــــــاتي |
ليش اسنيييين حزني , والفرح لحظات و هلـّحظات من ذاكـــــرتــي ممسوحـه ؟؟؟ و على باب الثغر واكَف حِراسـه الضيم يكَلي البسمـــــه لا , والآآآآآه مسموحه ؟؟؟ تحياتي و عشق القوافي صار ولها |
أبحايط ذكرياتي أمعلك أهموم
وأتهدم الحايط ماتحملهن أبا ياسر الكعبي جرفني سيل يراعك الهادر وأوقفتني صياغة حرفك الندي هنا سلمت يداك على هذا الموضوع تقبل مروري المتواضع. |
شاعر كـعبـي اسّس صفحة احزان و جـِمعَـت بالدمـع أحلى المعـــاني زين اشراح تنتج يمـــن تقـرون ؟ اذا حل بيهه شاعر كعبي ثاني ؟؟ تحية الى المبدع المؤسس الذي اشتقنا اليه ابو ياسر الكعبي و الى الضيف الجديد المبدع احمد الكعبي و الى جميع من مر من هنا لتذوق الوجع |
احزان زينب سكنا لأوجاعكم
هاي أم الحزن يمطر حزنها سلت كل المصايب ما سلنها إسأل كربـلـه والشـام عـنهـا متقرض الحزن أحزانه منها يا ألله |
ادك باب الفرح محمد يفك الباب ..... واشوف الحزن كل بيبانه مفتوحه عاتبت الدهر .. وديلي بسمه بيوم ..... ودالي ولكن ... بسمه مجروحه |
اقتباس:
الله الله يارائع يطبع صور جرحه الذكريات الموت ويرسم عالنعش تابوت أوجاعه الحزن يامر وهو ينفذ المحتوم ويأدي فروض الدمع والطاعه ...!! " الياسري ودّ بحجم الاشتياق فما زلتُ والوجع بانتظار الوجع.. فهل من وَجَع .. |
اقتباس:
الله الله إلك صوره انحتتها بصفحة الروح غبارك والهجر خيّم عليها فلا أمسح غبار الوجع هيهات تضل للذكريات احتفظ بيها...!! |
اقتباس:
العزيز أبو الحسن نورت الصفحات ساترك حدقة عيني جاثمة ترقب دروبك كن بخير اخي العزيز اخوك |
اقتباس:
اقتباس:
بحايط وجع روحي اتمحچل البين طاح ... وحايطي إعله جروحي واگف ماتعّبت روحي ولاتنخّيت خليت الوجع عني يشاگف ..!! |
بحايط وجع روحي معرض جروح ..... صورة معلك لكل جرح بيه بطران اجه يعدهن طلع تعبان .... بشر كتله واشرحلي القضيه كلي جروح عمرك كلش هواي ... بربع منهن وصلت التسعميه تحيـــــــــــــــــــــــــــــــــــــاتي |
الله الله الله اوجاع القوافي تمطر القاً . . . . تحيّرت يا ناس من غدر الزمــــان الضاع كل طيف الفــــــرح بدروبه وصرت اظن اعقود آهات العَــذاب كلها بــِسمي امسجلــــه و مكتوبه حزني سِبحة شيخ ميعوف الصلاة مستحبَه او واجبـــــــه او مندوبه تحياتي الى جميع الاعزاء المبدعين |
اقتباس:
سيّدي المبجّل زكي الياسري علم الله ان ودّي اليك كبير وشوقي يتلافع وجعا اما جمال الوجع فأنت بريقه وحلّته. ومرحبا بأخينا أبي الحسن احمد الكعبي:) |
أوجاعي سمه وما تمطر ابكاع
صارت من تزخ اتفيض العين..!! |
العزيز الغالي ابو ياسر الكعبي شوقي لك اكبر و دعائي بدوام الوصل مقيم و الروح : لأوجاعكِ الق ثاني و رونق مميّز ازاح الله تعالى عنكم كل وجع و زاد حروفكم رونقاً و بهاءا تحياتي و الى لقاء جديد مع ذكرى الوجع الازلي |
اليوم اوجاعي راحن يم جسِــــر بغداد چن اطيور حامن شافـــــــــــــن المنظر شافن طه واكَف ينطـــــــــــر التابــوت وشافن حيدره النصـــــــب العزه اتحظر وشافن فاطمة وعيونهـــــــه امسلمات علكاظم يــِـــكِـــتّــــن دمع ... بـس احمر عظــّم الله اجوركم جميعاً |
اقتباس:
الياسري الفاضل .. ولأوجاعي تخجلُ من نقاءِ جراحِكم حين تنضحُ أدبا ..؛ زادك اللهُ بهاءاً ونقاء |
تاهادر وجع الكم من سمانه
وياهوالسم دمانه ومن سمانه تغير اسم روحي ومن سمانه تسمينا الوجع وحايط الأذيّة |
من نافذة الوجع أطل على آهات وزفرات نزف معتق ملتصق بأروقة الروح قد تراكم عليه غبار الذكرى انه شايف كل محب بگلبه حبيب ومو مثل محبوبي متنصب امام انه من بيتي إذا اسلم عليه من ضريحه يگوم ويرد السلام. الســـــــــلام على باب الحوائج كاظم الغيظ |
قفص صدر الآلم بي همـي مسجـون مؤبد و الحبس مابين الضلــــــــوع و لا يشمل عفو اهمـــــوم المَساكين وحتى امن الزيارة الفـرح ممنــــوع داوودي لحــــن آهآتي مسمــــــــوع واثر سجدة عذابي ابكَصتــي مطبوع وارتــّــــــل كـــل فجر قرآن الاشجان وسط محراب بيــه اتصلــّـي الدموع تقبل الله احزانكم |
لأن حايط وجعكم صاير أتراب من عنده أسترق خطيت لوحه ولأن چفكم بعد مادگ على الباب جبتلك بابنه أيدگ أعله روحه زكي الياسري تنحني أحرفي خجلاً أمام لمعان حروفكم نثار جمانك سحر ناضري وأمطرني ماطر احساسك بعيون التواضع وافر تقديري واحترامي. |
اقتباس:
نقارن بين أبن عمران موسى وبين الكاظم التسطع شموسه تاريخ المجد نقره بدروسه ونوگف عالمواقف نلقي نظره أذا موسى الكليم أعتكف أيام أعتكف موسى الأمام أعوام وأعوام گضت عشرينهه بسجون ضلام أويلي أعله الخلص بالسجن عمره. آجركم الله |
اقتباس:
تهادر كل وجعنه من سماكم وسمّمنه وجعكم من سماكم إسمكم ما تغيّر, مَن سمّاكم وفي ومَيْغَيّره الهم والأذيه ..! |
اقتباس:
على حايط وجعهم مايسئلون وكلت گلب الوجع طعنات الغياب ... فتحتلهم امن ضلوع الجرح بوب وهمه ابوجه جرحي سدوا الباب...!! |
[QUOTE=زكي الياسري;1750331]
العزيز الغالي ابو ياسر الكعبي شوقي لك اكبر و دعائي بدوام الوصل مقيم إلك شوگي جرح يتنازف أشواگ ويتماطر على گلبي مودّه طبع بيّه الأحبه أدعيله بالخير لأن من مهجتي وروحي أودّه .... |
أودّه إشما بعد وتجفافى الغياب إشما بعدَت بيني وبينه المسافات عندي مو مهم يذكرني ... يو لا... المهم هوّه بكياني ومُهجتي يبات .. ودّي لزوار صفحات الوجع ... |
الحزن مثل العِـلِم كلمـــا يــِـزيــد ايزيد فضول الناس لأستكشــــاف مضمـونه و تلكَاهم بعضهم للبعض يشكـــــــون وبعضهم - لا - يسرّونه و يكتمــــونه و بعضهم بالقوافي التِنحَب امچلبيـــن يــِصُبْ دمــع القلـم لمّــــــن يكمشونه و بعضهم يشتكي احزانه للنجمــــــات و بعضهم للكَمر بالهم يــِــناجــــــونه لچن حزني غميج و من شجـون البيه اطباء النفس عجـــــــــــــزوا يداوونه انه الحزني عراقي ابثـورة الوجـــــدان وابوادي السلام افراحـــــــــي مدفـونه الكعبي ... مؤسس قصر الحُزن الشامخ تحية حب و اعتزاز و شوق من صميم الفؤاد لك و لجميع المبدعين بين طيات قوافي الدمع |
(چا هيّ بالمگلوب ؟ چا هيچي هيّه آنه أصبحت چتّال .. وانته الضحيّه ..!) من التراث الشعبي |
الشبكة: أحد مواقع المجموعة الشيعية للإعلام الساعة الآن: 07:11 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024