|
السلام عليكم ..
هلا ام علي .. اخباركم ....؟؟ الانترنت كان فيه مشكله وتوه البارحة مستوي والله يعيييين على البرد ... البحرانيه .. الحمدلله احنا بخير دام انكم بخيررر .. وبالنسبه لسؤالش عن الخدمات .. الله لايحوجنا ليهم تونا في بدايه الحياه :d واحب اعتمد على نفسي في شغل البيت بالكامل وماحب اجيب شغاله سواء بالايجار او شغاله بيت اهلي .. والحمدلله على نعمة الصحة والله يقدرنا واياكم على عدم التقصير ،، ام فدك .. شخبارك ؟؟ وشخبار فدك ؟؟ الا بسألش الليله رحتي مستوصف جمعيه مضر ؟؟:d |
اني احب البرد ليش الناس كلها مو طايقته بالعكس حلو مع الاسف كله نقضيه في البيت ابو العيال
يحب يجلس في الشتاء ويتكيسل يطلع وهاي سنتين يصير في محرم وصفر يعني طلعات مافيه وملابس اولادي احبها في الشتاء تصير حلوه وفخمه مايلبسوها كفايه اخليهم يلبسو اسود حتى الصغيره |
اقتباس:
لا ما رحت الا اكيد شبهتي علي؟؟ او في وحدة اسم بنتها فدك اثرتي فضووولي؟؟ هههههههه |
ربيعية
البحرانية قصدها انوو اكثر دولة عربية لديها خدم في البيت هي لبنان يعني المخدومات لبنانيات وليس في السعودية بصراحة ام حسن انا ما احتاج شغالة بالاول الان مع الوحام احس اني احتاجها واحيانا افكر اجيب شغالة لمدة ساعة او ساعتين بالكثير تنظف لي المطبخ والحمام بس اذا خف الوحام اتراجع واقوم انظف خاصة انوو زوجي ما تعجبه سالفة الخدامة ابد |
الا ربيعية- بلوسوومز
اللهم صلي على محمد وال محمد شفت زنوبة وحسن ومؤمل عسل الله يخليهم ويحفظهم من كل عين |
ياهلا والف هلا فيكم اخوات ربيعية ام جود ام فدك الف شكر لكم علىالتجاوب معي ربيعية اختي مافهمتي علي ,, اقول لك سمعت ان اكثر منطقة بتستخدم الخدم هي لبنان هههه كنت بحسب ان الخليج اكثر دول بتستخدمهم اي هو بدون الخدم افضل واامن البيت ولكن اذا الوحدة عندها اطفال صغار مثلي وين تلحق تطبخ وتنظف ودرس ودير بالها على زوجها وعيالها .. زوجي معارض السالفة واني مصرة ويش ريكم اجيب والله مااجيب هااا تحياااااتي |
صباحكم ورد ،،
شخباركم جميعاً ،،، أم فدك أشوى ماكلمت المره عجل لااتفشل خخخخ :D شوفي شفت وحده عدها بت صغيررة سنه وشوي وسمها فدك وحامل :) قلت بسسس شكلها هذي ام فدك الي ويانا هههههههه يبغى ليي هالمرة اخمن صح لانروح فيها :cool: ...... وأسفه للخطأ الطبي أقصد الخطأ الغير مقصوود :rolleyes: |
ربيعيه .. اني وحده ماطيق البرد ابدااااا ههههه عيني عينك :D مو علشان انه برد ووو بس لأنه جود طول فتره الجو البارد كله زكام وكحة امكن يومين الي تصير شوي زينه بالرغم من ان اني البسها عدل وماخذة ثياب شتاء دولاب كامل ليها :rolleyes: بس ماحب البرد عشان انه يمرض بتي مو عشان شي ثااني .....
عرفتي ،، البحرانيه اخباركم ؟؟ اذا كنتي تحسي نفسش بحاجة لخدامة جيبي لش واذا عندش مكان ليها كويس .. بس انتبهي منهم لأنه مامنهم اماان والله يساعدش |
السلام عليكم ورحمة الله وبركاته ..
طبعا سوف يكون سلامي البداية للمشاركة في هذا الموضوع الرائع ودمتم |
اقتباس:
انا اكيد اعذرش انش تحتاجي للشغالة بس اذا زوجك مو موافق فنصيحة امشي برايه لانش ما تضمني ويش يصير اذا جبتيها يمكن لا سمح الله تندمي بس اذا مصرة حاولي تقنعيه افضل لك. |
كيوووت
وعليكم السلام ياهلا بيج بينا خبرينا عن نفسج وعن اولادش ننتظرش |
مشكورة ياام فدك على رد التحية ..
انا ام مهدي ربي يحفظه لى هو وابوه.. المهنة / ممرضة ومهوددددددددي متعبني في حاجة وحدة وهي ان بعد السبوح مايرضى يلبس اثيابة الا بالطق ومطاقق معه .. والله ان بعض الاحيان اتعب كثير ممااضر لأستدعاء والده لمساعدتي .. ومشكورة ام فدك مرة اخري |
شخباركم امهات؟؟
|
اهليييييييييييييييين فيكم امهااات كيفكم مع البرد ان شاء الله مو بردانييييييييين ههههه ويش هالسؤال على هالصبح....
وكيف الحوامل ان شاء الله زينين ام علاااوي وام جود وام فدك ...ممن هم في مثل حالتي ...وتقبلو تحياتي ... |
السلاااااااااام عليكم امهااااات شلونكم ,,شخباركم ,, ويش مسوين ,,ويش ما مسويين هااا صباحكم ورد وياسمين ام فدك ام النور ام جود القمر الف هلا ومرحبا بالاخت الجديدة كيوت غير نور القسم والموضوع بوجودك عيني الله يخلي لك مهداوي ويهديةكل الاطفال جدية وبالاخص الي ماعندهم اخوان يدلعوا يبغون يثبتون وجودهم وكلمتهم على الكل هاا ان شااء الله ترتاحين مع الاخوات وتقضين وقت ممتع معهم تحيااااتي للجميع |
اقتباس:
يعطيك ربي الف عافية ولاتحتاجين للخدم وان شااء الله تولدين بالسلامة ياااارب اني جلست مع ابو حسن ووضحت الية واقنعتة او تهيئ لي باني اقنعتة ههههه جبت وحدة اثيوبية تجربة لمدة ثلاث اشهر اذا ماصلحت برجعها تحيااااتي |
السلام عليكم
شخباااركم ؟؟ ياهلا بش اختي ام مهدي ومرحباا مليوون وان شاء الله تفيدي وتستفيدي ..... البحرانيه الله يعطيش خيرها ويكفيش شرها وان شاء الله ترتاحي الحين وتريحي جسمش شوووي :) .. ام النور اخبارش واخبار السيد ؟؟ ام حسن مايشوف شر مؤمل يااارب |
البحرينه اني فهمتك كلامك خطا
اتوقع اكثر ناس يستقدمو الخدم الكويت البيت طبعا اهل الخليج يقولك الكويتين اذا عندك ولد لازم تصير عندك ثنتين وحده للبيت وحده الى الولد وناس عندهم ثلاث لما رحت الكويت شفت عندهم ترف واسراف غيرررررررررررررر ولبنانين ما اتوقع واني زرت لبنان اكثر من مره وحياتهم عاديه وبسيطه مثلنا |
سمعنا بان اكثر الدول العربية لديها خدم هم اللبنانيين صحيح هذا الخبر لولا ههه
اسفه البحرينه الظاهر يوم قريته كنت نعسانه بنام وخربطت في الكلام |
ياهلا كيوت اخبار مهدي
واهلا وسهلا وحياك معانا حاولي اذا بتلبسيه تخلي عنده لعبه او تكلمي معاه وهو يلبس عددي معه اسماء خالاته او خوالاه او عمامه الي يحبهم |
ام فدك الله يخلي فدوكه ويحفظها لك شفتي صورهم في المنتدى
|
السلام عليكم ورحمة الله وبركاته
اللهم صل على محمد وآل محمد وعجل فرجهم الشريف شخباركم امهات وحوامل وحشتوني انا صار لي فترة مادخلت كنت تعبانة واليوم رحت لنتيجة التحليل مسويةمن اسبوع تحليل دم وطلع اني حامل ادعوا لي ان الله يثبت حملي هالمرة عشان تعبت من الاجهاض اللي قبله العام الماضي بنفس الشهر هذا واتمنى منكم اخواتي الدعاء لي بقلوبكم المخلصة لله بان يثبته ويوصلني للشهر التاسع فلاتبخلوا علي من دعواتكم خاصة هالايام مقبل علينا شهر الحزن عاشوراء مصيبة أبا عبد الله الحسين عليه السلام غريب كربلاء اسفة اخواتي أطلت عليكم نسألكم الدعاء |
شيعيه مواليه الف الف مبروك وفرحت لك من قلب
الله يتمم عليك الحمل ويثبته بحق محمد وال محمد انتبهي الى نفسك وقللي حركتك في البيت لين تطمني |
مشكورة غاليتي ربيعية على هذا الرد .
بس والله اني حاولت معاه بس العنيد عنيد .. الله يعطيك العافية .. للتنويه ... انا وضعت موضوع جديد في منتدي الصور بااسم العقير مع عائلتي شئ ثاني مرفقه بالصور .. فااتمني الاطلاع عليه .. والا ساصاب بانهيار عصبي .. ف ياالله شوفوا مع اضافة بعض التعليقات .. مشكورين |
اختي كيوت ان شاء الله تشوفي ردودنا على الموضوع
|
وه وه وه
شيعية موالية فرحتينا الله افرحك والله العظيم فرررررحت |
شيعيه مواليه الف الف مبروك وفرحت لك من قلب
الله يتمم عليك الحمل ويثبته بحق محمد وال محمد وجاي شهر الحسين والله مابخيب ظنش بحق الحسين وبحق دم الحسين |
اللهم صلي على محمد وال محمد...
اختي شيعية موالية الف الف الف مبرووووك لك الحمل والله يتممة على خير ياااااااااااارب ..... |
السلاااااااام عليكم
اختي ربيعية لا عليك عادي الف الف مبرووووك اختي شيعية موالية الله يثبت لك هذاالجنين بحق جدتي فاطمة الزهراء كم اسعدنا هذاالخبر وان شاااااء الله باذن الله نسمع عنك كل شيء حلو ونشوف اخو اواخت حمود اختي كيوت ولا يهمك اشوف موضوعك وارد علية اما بخصوص مهداوي فدائما اطري على ملابس ابنك لما تلبسية وقولي الة كلما سنحت لك الفرصة اش هالحلاوه بجنن عليك هذا من شراه لك !! وخبري بعد زوجك يقول لة نفس الكلام وكل من يحبهم ابنك بتشوفية بعد فترة اغتر بنفسة ويبغى تلبسية افضل ماعندة وبموت في اللبس هههه مجرب ومفعولة اكيد خخخ الف تحية لكم ياااخوات |
وينكم امهات خلصت السوالف
ويش استعدادكم الى شهر محرم ويش ترتبيكم بالنسبه الى القراءات مع المدارس ما اتوقع يكفي نروح نستمع العصر والليل |
ياهلا فيك اختي ربيعية
عن نفسي الماتم كلها يم بيتي حتى ولولم اخرج اسمع في البيت مواتم النساء تبتدي عادة بعد صلاة الظهر وفوق الساعة تسعة بالليل يعني باستطاعتنا الخروج للماتم في هذه الاوقات اما المغرب والعصر فنتركة لمواتم الرجال وطبعا طوال عشر محرم احسن شيء ماكو طبخ بالبيت كل الاكل بيجي من الماتم الحسينية سلام الله على اباعبدالله الظاهر الامهات هالايام مشغولاااات لو ارتبطوا بمنتدى غير ,, هااا معقولة البرد خاشنهم هههه تحياااااتي للجميع |
هلا اختي البحرينيه كل سنه تكون مافيه دراسه على اولادي او فترة امتحانات اخلص المداكره معاهم الظهر
ونتسمع العصر مجلسين للرجال وفي الليل مجلسين رجال لاني ما اتسمع قراءة نساء الا قليل لكن السنه اثنينهم عندهم دوام زين اذا تسمعنا مجلسين بس ان شاء الله في ميزان الاعمال وعليكم بالف عافيه المجالس في بيتكم خدام ابا عبد الله |
الله يعافيك ويكون في عونك اختي ربيعية
امتحانات المنتصف لاولادي بعد العشرة مباشرة يوم 14 محرم الحمد للة جاء التوقيت افضل من كل عام الله يقدرنا ويسهلها علينا وعليكم |
ام مهدي
الله يخليه لش وحاولي تلبسية باي طريقة فدك نفس الشي ماتبي تلبس بس انا اغصبها والبسها بسرعة حتى ما تمرض شيعية موالية مبرووك الحمل الله يتمم لك بخير ويقومك بالسلامة. |
انا بمحرم اروح العصر حسينية البنات يقرووو
وبالليل اروح مجلسين يقروو الرجال االله يعينه عالبرد في محرم |
هلا أمهات شلونكم جميع ؟؟ من فترة ماجيت على هالقسم يلا فترة وتعدي وبعدها اطيح عندكم خخخخخخخخ انا ماقرأت صفحات واجد بس صفحتين وكأني شفت خبرحليو بقووووووووووة الف الف الف مبروك ام حمود والله يتمم لك على خير وتبشرينا بسلامتكم وكأني شفتكم تسولفو عن محرم ... انا عن نفسي من قبل سنتين وشوي كنت في الرياض يعني قليل اذا تسمعنا واغلب الاوقات اذا ماكو امتحان اطنش وارجع البلد .. وبعدها جات زهور لما كان عمرها 5 شهور اطلع اتسمع الليل العصر بيت جدي في قرائة وحنا يطبخو من سادس او سابع يعني خالاتي يتجمعو يطبخو للماتم وطبعا الكمية تكون كبيرة لأن يعلنو للمنطقة غير اللي يعزم اللي معاه واللي يعرفه و و وغير التوزيع ونروح وطبعا انا تخصصي بعدين تنظيف بيت جدي عشان القراءة ومن نخلص تنظيف وغسيل و و تبدأ القراءة ساعات تبدأ وحنا نشطب ومن نتسمع على طول ارجع البيت ... وبعدها كبرت زهور صارت ام حجايج مااحب اطلع معها يمكن تزعج احد و و فصرت ع التلفزيون ... والسنة ماادري كيف الظروف تصير يعني بقدر اطلع اتسمع بالليل ولا اظل ع التلفزيون واذاكر بس الشي الاكيد اني ماراح يعطلني الامتحان عن روحة بيت جدي ومساعدتهم بالطبخ والتنظيف بسني هذرة ههههه تحياتي نور... |
شيعيه مواليه الحمدلله على السلامه وتقبل الله منكم صالح الاعمال والله يسهل على كل الحوامل والله يعطيهم الصحه ويقومهم بالسلامه |
سلام كيف الحال
اخباركم واخبار الجهال ان شاء الله بخير شيعيه مواليه الف الف مبروك الله يتمم لك بخير ان شاء الله |
السلام عليكم ورحمة الله وبركاتة....
انشاء الله تكونون بخير ... مشكورة أختي ام فدك على ردودك ..وش اخبار فدك انشاء الله تكون بخير حبيها بالنيابة عني امانة.. وش اخباركم ياربيعية .. بصراحة مواضيعك حلو..الله يعطيك العافية ويا غاليتى البحرانية انشاء تكونين بخير .. والى جميع امهات منتديات انا شيعي انشاء تكونون بصحة وسلامة |
مرحبا امهاااااااااااااااااااات دوت كوووم نبي رايكم وهجومكم النسوي http://www.imshiaa.com/vb/showthread...922#post575922 |
| الشبكة: أحد مواقع المجموعة الشيعية للإعلام الساعة الآن: 12:04 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024