|
اقتباس:
موضوع رااااائع اختي ام حسن هذه المشكلة تعاني منها كل الامهات واني اولهم :) شيئ روتيني اول ماابدي بة يومي هو ترتيب الالعاب في اماكنها ومن ثم ياتي شغل البيت والتنظيف اضع الالعاب الكبيرة بجنب بعض واضع الدمى في سلة كبيرة وفي سلاااال صغيرة اضع فيها المكعبات والالعباب الصغيرة ولا تنسى رمي الالعاب التالفة والغير صالحة يوميا او بشكل دوري كل اسبوع او كل شهر العاب الحديقة في الحديقة حتى لا ياخذوا حيز في البيت تحياااااتي |
البحرانية
والله معاش حق المفروض نتخلص من الالعاب التالفة بشكل دوري |
مرحباااا امهااااات..
كيفكم ؟؟؟ اسمحو لي ماقريت كل الردود لانه مايمديني من الجهاز... ولابتوبي ماخدتنه بنت خالتي تشتغل عليه شوي عشان المعهد.... بالنسبه الى سؤال ترتيب الالعاب.... انا الشقه فاااااااضيه مافيها الى جلاسيه وكم لعبه صغيرررره زي الخرخشانات... ولعبه السرير ولعبه تنحط على السرير على شكل دب ويطلع موسيقى ويسوي زي السينما في السقف... وباقي الالعاب كلللللللللللللهااااااااااااااااااا في بيت ابوي... والسبب اكييييييييييييد تعرفوه... لاني مشررددده... من الصبح الى الليل في بيت ابوي فخليت كل الالعاب واغراضها وثيابها هناااك... |
اخواتي دخلت قسم الحوار العقائدي وتفاجات سنه ياكثرهم مسجلين
ودار راسي عاد اني ما احب حواراتهم السخيفه احس ان مخهم مجوف حدي تضايقت لان افكارهم وعقيدتهم ياخدوها بالوراثه من غير تفكير ابد |
اللهم صلي على محمد وال محمد وعجل فرجهم
عظم الله اجوركم في مصاب الامام الصادق عليه السلام |
عظم الله اجوركم بمصاب الامام الصادق ( عليه السلام).
|
عظم الله اجوركم بمصاب الامام جعفر الصادق ( عليه السلام).
اذا مجموعة اطفال يلعبوا مع بعض وتهاوشوا كل واحد يضرب الثاني او واحد من الطرفين ضرب الثاني 1- كيف راح يكون موقفك سواء كان طفلك الطاق او المطقوق ؟ في حالة ابني الضارب أصارخ عليه و اذا كان آذى غيره اضربه في حالة ابني المضروب على حسب اللي ضربه اذا كبير و يفهم اتفاهم معاه بشويش إذا صغير و ما بيفهم خلاص اسكت عنه مع ان في حاله علاوي ولدي ما شاء الله عليه ما يخلي وقت للتفاهم يده تشتغل على طول ههه 2-وهل انتي من الامهات الا يدققون على كل شي يعني تراقبي من ضرب ومن قال وايش سوا ؟اذا نعم ليش ؟واذا لا ليش؟ لا مو من ذاك النوع لأنهم يضلوا أطفال اليوم يتضاربوا بكرة يتصالحوا و الشجار يكون حتى بين الأخوة و أني أشوف هالشئ في أولادي يتشاجروا شوي ما تمر دقيقة الا و هم متصاحبين مرة ثانية و الفايدة اليي في الصريخ في بيت أهلي نخلي كل واحد يدافع عن نفسه بنفسه و أهم شئ الشجار ما يكون مؤذي في هالحالة لازم نقوم نفاككهم تسلمي خيوه أم حسن عالمواضيع الهادفة |
عظم الله اجركم بمصاب الامام جعفر الصادق عليه السلام
هلا امهات اخباركم واخبار الجهال اني ماراقب الجهال في العب اخلي بنتي بكيفها بس لين نضربت في من يدافع عنها عندها خالتها ماتخلي احد يضربها وبنتي من احد يضربها على طول تجي الى خالتها تقول اليها هذا طبعا بس الاربعاء والخميس في بيت اهلي وايام الاسبوع تنضرب عادي بس اني ماقول شيء انقهر واسكت وبعض الاحيان لين انقهر اضربها لا شعوريا |
اقتباس:
اذا ماعليش امر ترسليه اللي وتسلمي اختي وماقصرتي |
هلا امهات اخباركم
قعدت بنتي من 5 الا واني ميته نعس بالنسبه عن الالعاب فطوم جاينها سرير هديه واحط فيها الصور حقها ارتبهم فيه والدببه على الدولاب مرتبين ماتقدر تنزلهم والعابها الصغار في السله حقتها وبالنسبه الى جدول التنظيف ماعندي جدول لاني ماقعد الا متاخره اقعد على طول ابداء بالغذاء وغسال المواعين بعدين يجي السيد 5 الا ونتغذاء وعلى طول اغسل المواعين واسبح فطوم والبسها وامشطها بعدين اريح شوي وشاهد تلفزيون والعب مع فطوم وانزل معاها تحت واجهز العشاء لو ناخذ من المطعم ونتعشى بعدين انظف الشقه واغسل الملابس وهالايام كثرانه الملابس عندي لان فطوم الله يسلمها تتعلم على الحمام يعني لين تدخل تسبح روحها من فوق الى تحت وبس مااحس عندي جدول معين وتسلمي يام حسن |
| الشبكة: أحد مواقع المجموعة الشيعية للإعلام الساعة الآن: 12:31 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024