|
اقتباس:
وانته العايش ----- مدور للشيعي دمعه جنه من يهلها وروحه تحب حيدر من يهلها يحضرونه بتربته من يهلها دفانه ويحلون القضيه ------ موفقين |
وين اليرد جواب منتظر انه انشغل بالتبريد لو لا نسانه |
مستمرين على العهد معاكم وان شاء الله ما افوت ابوذية من نهل ابداعكم حياكم الله |
هلا عمي ابو تركي لا عمي ولا تبريد ولا شي وداعتك احنه ابدايات طباخات الرطب وهاي ميفيد وياها شي هههههههههههههه بس تاخرت بسبب النت واعتذر اكول تميد وماكو زود ايعين بالمد ولا فزعة ابحبلها اتجود بالمد ابجزر تمضي وتضيگ اضعاف بالمد تحلها ابيا وكت يبن الزچيه تحياتي |
مولاي حنسن العلاق نتشرف بيك على الدوام ونتمنى ما تنقطع بالمتابعة حياك الله |
اقتباس:
اولا نحيي السيد حسنين العلاق للمتابعة ----- بجفه شراع منجانا وسيفه بالحق رايته ترفرف وسيفه يا وارث علم حيدر وسيفه الشيعه بشاربك يابن الزجيه موفقين ابو شهاب الله يعينكم على طباخات الرطب مصائب قوم عند قوم فوائد |
الوكت ما يوم يالمهدي فضلنه يبسنه ولا هو بالفرحه فضلنه شوكت وياك كل همه فضلنه يصير وما تمسنه ايدي الرديه موفقين |
اقتباس:
موفقين ------ العلم همه والباقي فضاله ومن يحلق لابو صالح فضاله ضيق الوكت بوجوده فضاله رواسي وجودنه اولاد الزجيه --------- ---- سلام الله على الشطره واهلها == اهل الشطره سواجي دمعتي تجري واهلها == اهل الدمعه روحي بس مرابعها واهلها == اوهل الروح اهل سيف وصحن واهل الحميه == واضح القفل واجب علي تجاه ابو شهاب |
اللهم صل على محمد وآل محمد الغالي احمد العراقي العتابي ---- حتى لا يمل المتابع دعنا ندخل ولو لفترة قصيرة في وزن الميمر لنرضي المتذوق ----- نبدا بمحمد يا شفيع العالم بالمنتهى وي الجليل اتسالم محد وصل هذا الكرم من آدم جبريل كض حده ومنه تعذر ----- هوه الوصي هوه الخليفه وصهره يوم الحرب خلى العدا منصهره تيزاب صافي بدكته منصهره ابو الايمه والمكارم حيدر ----- منها الوجود اسرار اله مخفيه حوريه وبهيئة انس مخفيه ليش الزجيه بس اهي المخفيه الشيعي يحبها قبل العوالم بالذر ----- موفقين |
ياهل العرف ما سامعين الهاسي سولفها ابوي وظل ذكرها براسي صحن الحسن بذاك الزمان القاسي يخلي الذهب تحت الاكل للمضطر ---- الحسين للظالم رفض ما يخضع شال العلم بسبعين نجمه مرصع بذيج المواقف جالبطين الانزع وبثورته نهج الرساله اتنور ----- يا صاحب المحراب نوح العتره احتار ميزان الصبر من صبره مابين ساجد لو بحج لو عمره ولو ما حكمته لا بعد ما تعمر ------ موفقين ان شاء الله |
يا الله الباقر السوى العلم منهج اله اشكال حارت بالدرس منهج اله لب العقيده صنعته منهج اله مارد صبح ويشبه لحوض الكوثر ----- جعفر الصادق واصل رسالة جده لمها وجمعها ومحد عليه اتعده حاولت يا ما توصله مجتهده اتطيح جي عنده المعين الاكبر ----- الله يا موسى اشكثر ما قاسه مسجون قضاها وحبيس ارجاسه لليعتني يطي العلم بالطاسه سجانه من صبره العجيب اتحير ----- موفقين |
يا الله يا محمد يا علي ----- ذاك الغريب هنيال كلمن زاره وبغربته ضلت تشع انواره يشبه المرسل بحلمه واسراره واللي يكرهه جار اله تتصور ----- محمد تقي العتره عجيبه اخباره علام وكته بسيرته محتاره بحر العلم بالعلم ما يتجاره عالمهم اقبل ومثل ماقبل ادبر ------ يا علي الهادي محاصرينه الظلام صعبه ظروفه وبعزلته ما ينلام بقوة وشراسه تعاقبت هالحكام ومن نوره يكفي الحسن من ازهر ----- موفقين |
يا قائم آل محمد ------- للحسن كلها بالعلم تعنيله ساهر عليها كل نهاره وليله كل شيعي يذكر قصته يبجيله مسموم صفوه اهل الظلم والمنكر ------- سبحان من خلى الاسرار بغيبته كل العلم واهل العلم من عيبته مامور يصبر رغم كبر مصيبته من يظهر يبيد الظلم والمنكر ----- اللهم صل على محمد وآل محمد الطاهرين والعن اللهم النواصب ومبغضي آل محمد |
اللهم صل على محمد وآل محمد ---- احمد العتابي ----- معذور يامن غبت واعذار الك تنوجد بالشوق اظل انتظر بلكت تمر تنوجد لمسات الك بالقلب قبل الشعر تنوجد محروس من خاينات الدهر والعثر انشد اليعرف خبر عن شخصكم والعثر ما همكم من وقع وزن الشعر والعثر ما ظنتي اشباهكم باهل الشعر تنوجد ----- ما حنت قلوبكم يا اهل الشطره |
عمي الغالي ابو تركي اعتذر كثيرا من حضرتكم لتاخري بالتواجد ولكن صار هذا بسبب ظروف العمل وانشغالي بيه واليوم اسجل حضوري لاكمل معك مشوار المساجلة لنكون في محطة الميمر شيهم دهرنه ان بالكدر من جانه ال النبي ابكل ما يمر من جانه للدنيا اصلا غيرهم من جانه ما حب كلبنه وما عرف يتغيّر هذا مجنس لعيونك عمي الغالي تحياتي واعتذاري |
اقتباس:
هلا والله والغايب حجته معاه ------ مقبول عذرك والكريم يسامح الحركضاك ونشفك حر بارح بس لا تظل بنفس المكان تراوح اربعطعش معصوم جيب الميمر ------ وبيت الزهيري للحلو موقعينه ----- هههههههه |
احنه ابحمه الهادي النبي المرسل جابهنه كل جف بالاذيه المرسل يلما تود تفسير بينه المرسل بيض الرماح وشوف دمنه المزور يله عمي ان شاء الله نكمل وي الـ 14 معصوم صلوات الله وسلامه عليهم |
اقتباس:
انا غير كاتب حصتي بس ياله على واهسك ----- امين صادق للبشر هاديها ومن نسله لازم ينبعث هاديها اشعار مني للنبي هاديها واحمد العتابي يجاري واكثر ----- موفقين باو شهاب |
على الواهس لا تخليني وحدي هههههههههههههه من المجد صغنه ابفخر علي انه وعلانه ربنه امن انجعل علي انه نتسابگ ابيوم الحشر علي انه وابچف محمد نروه من الكوثر |
اقتباس:
اللهم صل على محمد وآل محمد --- حيدر علي فارس بدر والخندق يوم ابن اود اجتاز الحصن والخندق طشارها اتعدى النبي والخندق والجنـدله باب المعاجز حيدر ---- السر العجيب وي الزجيه مخفه لاوين يبقى هالضريح مخفه حبها جهر ما اظن بيه مخفه والمايحبها يوم المواجه يخسر ---- موفقين ابو شهاب |
السلام على مولاتنا الزهراء نحظه ابرضا الرب والعدن زهرلنه وابناره يصفه الذب امس زهرلنه بظل الشفاعة القسمته الـ زهرلنه نگعد ضويه اوجوهنه وتتنور الجميع ان شاء الله عمي الغالي |
اقتباس:
احسنت --- نور الحسن ابن النبي نور النه من نور سيقان العرش نور النه بيده الضوه بيوم الدفن نور النه بصكة الظلمه تعهد يحضر ---- اكسير ياحب الحسين وجنه النه الدمعه شقى لغير البشر وجنه النه للناصبي تصلى صغر وجنه النه لان اليقسم بالحشر بس حيدر ----- موفقين |
اسف للتاخير لامامني الهمامين الحسن والحسين صلوات الله وسلامه عليهما ونتمايز ابجود الذي شبرّها العليه ابفضايل وابكرم شبّرّها شاف الدجل نار الجهل شبّرّها وثبة بطولة اخمدت چانون الشر وارواحنه لشهد الوله يحسنّه واحسان چف الما يجف يحسنّه ذاك النندبه ابكل عسر يحسنه وابجاهه يصبح كل عسرنه اميسّر تحياتي ودعواتي لك عمي ابو تركي بالتوفيق |
اقتباس:
كل عام وانتم بخير بمناسبة قدوم شهر الرحمة اعانكم الله على صيامه وقيامه بحق محمد وآل محمد ----- علي نوح هالعتره ورفع رايتها قاوم اميه وما علت رايتها دك الثوايا وسارية رايتها يا ما للموالي والاياما حرر ----- محمد الباقر صورة طبق من جده للعلم باقر وانتهل من جده وخلف الصادق بيه صفه من جده العلم بيده انتشر واطور ---- موفقين ابو شهاب |
مبارك عليكم ان شاء الله عمي العزيز قدوم شهر رمضان المبارك وعلى كل شيعة امير المؤمنين وموفق ان شاء الله لكل خير راحمنه الله امن امة شر زين الها بانوار قدسة الـ كل شرف زين الها لثوب العبادة انخص قبس زين الها وصفه الموسّم بالسجود الاكبر وفضّل علينه ابسر خزاين علمه باقر صفوته الودعاه جُل علمه بيه العلم قر واعترف من علمه جان ابظلام وبيه تشعشع وازهر تحياتي |
اقتباس:
الله يعيده على امة محمد بوجود مهديها يا رب ----- ابدا ابو شهاب ببقية المعصومين سلام الله عليهم اجمعين السبعة لتنال الاجر ان شاء الله ---- |
الله يسمع منك عمي ويحكل عيونه بشوفة امامنا الغائب الحجة المنتظر ارواحنا لتراب اقدامه الفداء اكمل وياك للائمة المعصومين السبعة عليهم افضل الصلاة والسلام شيعة ابولاهم كل عمل صادقنه والله ابشفاعة جاههم صادقنه مذهب تسمه ابفضل اسم صادقنه سادس امام من الاباة الطُهّر وللدنيه موسى الـ بالصبر يرشدها سدنه وذخرنه اشما تذب يرشدها هو الرشيد وغيره من يرشدها وهارون چذّب والرشيد امزور وابنه الرضا ابخير العمل ضامنّه جنة ونعيم وما يظل ضامنّه سلطان وامن الله ابعهد ضامنّه ننجه ابمحبته ومن نخربط نخسر ويتبع مسيره الـ بالفضل جادلنه ابنه الشلهنه امن الوكت جادلنه هُمّه الرجيه ان بالگبر جادلنه وضب السؤال الماله اي رد منكر حصن النجاة اشما نزل هادي النه همه ودربهم الله حق هادي النه منهم حوت سامره اسم هادي النه اصبح امان البيه يلوذ المضطر مبخوت من طب بالصدگ عسكرنه والضدنه وين ايفر لون عسكرنه للعسكري انّادي ابطلب عسكرنه وي ابنه يدرك ثاره ما يتاخر رجوة املنه الـ بالعدل مهدي النه من الله والمايل يصح مهدي النه هذا المؤمل بالاسم مهدي النه مذخور من صلب الرسول وحيدر موفق لكل خير تحياتي |
اللهم صل على محمد وآل محمد احمد العتابي احسنت والله ابدعت نسأل الله تعالى ان يرزقك شفاعتهم ويرحم والديك على هذا الابداع ---- سبعة الايمه تلوذ بيهم شيعه الصادق البارز بعلم الشيعه وموسى بن جعفر من الجسر تشيعه والرضا بطوس وبقربته ويتحسر محمد الجود الصفه ملازمته والهادي بسامره العدى ملازمته والعسكري الانوار الملازمته نور البقيه الباقية من يظهر --- ومعذرة لعدم الارتقاء الى ابداع ابو شهاب لضيق الوقت والتشويش امام الضغوطات التي امر بها نسأل الله الفرج |
احسنت وابدعت عمي ابو تركي ما الك حق تعتذر لان مو شويه الي كتبته الله يعينك ويسهل امورك بحق محمد وال محمد تحياتي لك |
اقتباس:
اللهم صل على محمد وآل محمد --- تعتني الروح للصاحب وعتها وونتي البالنجف درست وعتها شوكت ترتفع رايتكم وعتها واقصد بالجمع للعلوج اميه ---- سيدي يا صاحب الزمان الغوث |
اشوكت مولاي رايتنه ترف بيك وتصير ايام مر همنه ترف بيك حوينه جروح بغيابك ترف بيك ابنزف تتناك يا نسل الزجيه تحياتي عمي ابو تركي وموفق لكل خير |
اقتباس:
يبن العسكري بعينك دمانه تسيل وباسمك تنادي دمانه بس اظهر فدى لجيتك دمانه وكلنا جنود الك يبن الزجيه ---- موفقين ابو شهاب |
هلا بيك شهر الطاعه ---- علي افرض شما تامر ودنك واسمع رنة اكتارك ودنك ثلاثينك مدى عمرك ودنك عسى كل مؤمن ايامه هنيه ---- 1= الدن الشرط 2= الدن صوت تصدره القطعه المعدنية اذا سقطت 3= عدد ايام الشهر يوؤدنه يعني يدفن بعد اكتماله ----- ربي يرزق الجميع صيامه وقيامه موفقين |
سبحان من خشعت له الاصوات وسبحه الطير والشجر كل عام وانتم بالف خير يا ابا شهاب نطلب المعذرة طيلة شهر الله الكريم ونعود بعده ان كان في العمر بقيه اسمى التهاني والتبريكات مقدما |
مبارك عليك وعلينه الشهر الكريم عمي الغالي ابو تركي على راحتك الك كل العذر وان شاء الله نشوف تواجدك بعد الشهر المبارك تحياتي لك عمي الغالي |
| الشبكة: أحد مواقع المجموعة الشيعية للإعلام الساعة الآن: 07:09 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024