احسنت اختي حكاية الورد ...
الصور جدا رائعة وممتعة
جميل جدا هذا التراث واليوم فقط عرفت معنى القدو ؟علما اني اشاهدها في المسلسلات الخليجية لكن لا اعرف اسمها ؟
ومكوناتها ..؟؟فكنت احس ان اسمها نركيلة بالعراقي ..
اختي الجليلة ... وهنا يتاكد ويفهم المغزى من موضوعي ؟
كي تتقارب المعارف والتقاليد .. ونفهم بعضنا اكثر
جزيتم خيرا وننتظر جديدكم
ممنون

رائع اختي ام هاني ...
يعني اشلون ؟ راح ماتخليني اكتب ولا تراث ؟؟
فعلا سوق الهرج سوق جميل وساحر والي يدخل بيه ما يطلع الا يشتري شيئ؟!
لان كل مستلزمات البيت والعمل والترفيه موجود داخلة ..
شكرا اختي الطيبة على توضيحكم الرائع للاعضاء
ممنون

عاااااااااااشت ايديكم حكايه ام هاني ابو اسد


نعم هكذا هو الشغل المرتب اهلها وتحجي عنها يااااااااااا سلام على الترتيبات

ولا انسى الاخت اتصور العلاق ووصفها الرائع ونبذتها الجميله الاصيله


وفقكم الله ومازلنا متابعين الى ان يذكرنا الله

موضــــــــــــــوع رائـــــــــــــع
ولي عودة انشاء الله ......مع اني ما اعرف شي لان مو احد حاجي لي عن هالاشياء بس القليل بس منكم نتعلم يالطيبين
موفق

هههههههه
هاي اشلون عرفتي اختي واخوية ؟؟؟
يمعودة خليهة سكتة لايكولون بيت ابو اسد حديقة حيوانات 8_8
ممنون منج اختي المباركة

هلا هلا ومية هلا بالاخت الغالية فضة ...
حياج الله مروروج وردودج الهة طعم ....
لاحرمونا من هذه الطلة ..
ممنون

وجودك هو الاروع اختي الطيبة
وننتظر مشاركتكم الكريمة ........
ممنون

السلام عليكم ..........

زكريا او (زكرية )......... مناسبة زكريا البغدادية
مناسبة زكريا عادة عراقية بغدادية قديمة جدا ...
وزكريا يصادف الاحتفال بيه ( اول أحد من شهر شعبان )
رجة سوق قديم
اولا / يروحن النسوان الى سوق الشورجة ( بعدين نتكلم عنسوق الشورجة )
لان سوق الشورجة وبيه كل احتياجات البيت
واهم شي بيه ؟ الجرزات = الكرزات يعني المكسرات والحلويات البقلاة والزلابية والداطلي والمبروم والبرمة ومن السما
وكل هاي المواد لازم تتوفر ابصينية (زكرية )

ثانيا / ولازم يتوفر شرط اساسي النابك ؟ يعني الطبل الصغير الي مصنوع من الفخار حتى يخلوه بيد الاولاد الزغار يدكون بيه
ويدوخون المنطقة كلهة
ثالثا / التُنكة او الدُنكة ؟ تصميم من الفخار تشبه ( الاولة المصرية لشرب الماء) وحجمة اصغر بكثير ..
يجيبون نوعين دُنكة بيه عروتين للبنات يسموه (نثية ) ودُنكة اوتنكة بيه عروة وحدة ( يسموه فحل ) ..
ويخلون بيهن باقكة او باقة من اوراق (الياس ) واكو ناس اتخلي غير نوع من الاوراق بس الصحيح هو الياس
وينطون التنكة (النثية ) للبنات بعد مايخلص الاحتفال تحتفظ بيه للعام القادم او طول العمر وكل سنة يجيبوله وحدة وكذلك الولد نفس الشي ...

رابعا / حلاوة طحينية حلاوة لوزينة وزردة عليهة دارسين وحلاوة طحين التمن او الرز المطحون والكاستر .. واكيد الشموع موجودة وباحجام مختلفة والوان حلوة
ولازم اكو شمعة جبيرة اتصير ابنص الصينية او على جانب ..
خامسا / بعد ما ينتهي الاحتفال بالبيت ويدكون ويضحكون ....يبدؤون الناس والجيران واحد يعطي للاخر ماعون اوماعونين
ويتبادلون بالحلويات والجرزات يعني الصينية راح اتعود من جديد بانواع واشكال وطعممختلف (سبحان الله )

وطبعا هذا الامر يدعو الى التقارب اكثر والمحبة والالفة ( وهو اساس كتابة موضوعي ) شفتو ؟؟؟ 8_8

والان الصور ......

زكرية البغدادية

http://sh22y.com/vb/imgcache/148391sh22y.jpg

الدُنكة او التُنكة ..
http://www.iqpic.com/uploads/iqpic13404283553.jpg

اعتذر ماحملت باقي الصور بعدين احملة واخليهة