كعدت بالكرفصه وايدي اعلى خدي وعيني شابحه وتصد بالوجوه كل مامر جمع من يم نزلكم اكل الهم العتابي وين شفتوه اذا ما رد عليه وبين شبيه اضل امشي واسولف جني معتوه تحياتي |
العتابي تذكرتك اتعازي موسى بن جعفر عسى يوم الحشر ننجمع وياه والعاني لحضرة ومتعبه همه ابو طلبه بوسيع الفرج يتلقاه قضى مسموم ساجد راهب الآل السمه و ابن شاهك صقر تترجاه ----- تقبل الله اعمالكم وعظم اجوركم بحق موسى بن جعفر باب الحوائج |
السلام عليكم عمي العزيز ابو تركي عظم الله تعالى لنا ولكم الاجر بمصابنا بامامنا الكاظم عليه افضل الصلاة والسلام اسف جدا لتاخري ولكنه بسبب سوء النت والكهرباء هذا الدارمي الك ما تدري روحي شلون يتجازه فضلك بس هذا طبعك دوم يالطاهر اصلك الله يخليك عمي ويسلمك وان شاء الله ما تفتقد غالي نرجع لمساجلتنه خطاب النار مع من ذكرته اعلاه ظالم ال محمد الاطهار شنو عذرك يظالمهم من اصلك ( من اصل ليك) ومني شلون تتدبر من اصلك (مناص لك) حميمي اموجر اينطرك من اصلك (من اصليك) اطلع دين محسن والزجيه تحياتي العزيز عمي ابو تركي |
اقتباس:
----- قنفذ وابو عبيده وساف ينطح ساف يطشرها يلمها وتدري ابد ما خاف لكن بالوصيه مجتفينه اجتاف وخالد من تنشده بالمبيت اشاف عتّيق والصهاكي ونعثل الاجلاف هالكودبفردة نعلك قمبر صدق ما نشريه هاي هوسه عالسريع ومن اصحصح الي رجعه |
ماشاء الله لاعبين لعب عاشت أديكم عمي العزيز وأخي أبو شهاب وفقكم الله |
عشت عمي ابو تركي انتظر رجوعك |
اقتباس:
--- اولا باسمي ونيابة عن المبدع الشاعر احمد العتابي العراقي ارحب بشاعر اهل البيت الرائع حيدر الناصري طله مباركة ابو كرار وهذا بعض ما عندكم واعود للملك ---- تدري بالولاية وهل اتى وياسين يا نكره التولى وحكم يا سين محصورة الامامه بولد ياسين بغدير الخم نزلت بيه وصيه تسلم ابو شهاب |
اقتباس:
السلام عليكم أيها العلمان بفضاء الأبوذية الغناء كل الشكر والتقدير لجهودكما..... عمي العزيز: بما أن لم يسألكم أحد عن موسكو الصغرى ياريت تقولنه من هي موسكو الصغرى بس كون مايزعل أبوأشهاب حبيبي: كل الموفقية لكم أخوكم الأصغر حيدر الناصري |
اللهم صل على محمد وآل محمد حياك الله حيدر لا عادي ماراح يزعل ابو شهاب لان المسأله ما بيها شئ موسكو الصغرى هو قضاء الشطرة لان تأسس بيه الحزب الشيوعي ولكثرة الشيوعين من اهل هذا القضاء سمي بموسكو الصغرى وهم زين سألتنا احنا نريد تعرف الناس مدى تحضر اهل هذا القضاء من امد بعيد انهم اوغلوا بالحضارة كايغال العراق بها وتسلم تقبل تحياتي وعسى يكون الجواب شافي لمن لم يعلم بذلك موفقين |
اخي العزيز حيدر الناصري حياك الله وشرّفنا تواجدك عمي ابو تركي عملنه بالولاية امنينه وبيها امن المهالك امنينه ثبت من الله امرها او امنينه وحوينه الخير دنيه واخريه تحياتي ودعواتي لك عمي الغالي |
الشبكة: أحد مواقع المجموعة الشيعية للإعلام الساعة الآن: 01:32 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024