|
هل الرجال يغارون من بعضهم البعض
سؤال ابغي له جواب هل الرجال يغارمن مثيلة الرجال كما تغار النساء من بعضهم البعض ؟؟؟؟ |
غيرة الرجال غيرة محموده تدفعهم لتنافس فيما بعضهم
أما غيرة المرأة غيرة تصل إلى درجات الكفر حيث أن عقلها يبدأ بتفكير الإجرامي مو يقولون غيرة الرجل إيمان وغيرة المرأة كفر >> صحيح هذا ماإستشفيته من الواقع المعاصر سلام |
غيرة الرجال من بعضهم البعض ناتجه عن الحسد وليس كما هي عند المرأة
|
اقتباس:
ولكن هل في كل الامور غيريتهم محمودة ؟؟؟ وهل غيرتة بسبب وبدون سبب تعتبر ايمان ؟؟؟ مدرسين اصدقاء رقي مدرس ولم يرقي الاخر بسبب كثرة تغيبة فلماذا يغار منة ويكيل علية السباب واللعن ؟؟ لماذ اذا تزوج اخوان احدهم انجب والثاني تاخرت زوجتة في الانجاب يغار من اخية الذي قضى عمرة ملازم له لا يبرح عنة ؟؟ |
اقتباس:
قد يكون تحليلك صحيح وهذه معلومة جديدة لم تخطر لي على خاطر وانتظر اراء الاخرين |
إذ تحسبينه من هذا الجانب فالبتأكيد لن تكون عواقب هذه الغيرة جيده
فهي كما أسماها أخي دعبل حسد ذهب فكري في أشياء أخرى لكن في جواب العمل وجوده الإنتاج والإهتمامات من الهوايات وأمور أخرى تأكدي أنهم في ساحة منافسه الرجال عموما يجيدون العمل إن كان تحدي أما نحن ......... نسألك الستره ياربي طبعا مش الجميع لكن فئه تخرب على فئه |
خوش سؤال على الطاير ههههه بس صحيح احنا الرجال مانخلو من الغيرة بينا وبين بعض وتكون لها عده اشكال بعض الاحيان من باب الحسد وان تطالع في الي عند غيرك وبعض الاحيان من باب ان ما تتمنى الخير الا لك وبعض الاحيان ان ماتبي احد او واحد بالذات ان يصير احسن منك في شي يمكن لان في نفس عمرك ولكن عندي واحد من اقرباي قبل لا اشتري السيارة كنت استشيره ان اخذ هالسيارة او ثانية كان دائما يبغاني اخذ السيارة الاقل مواصفات هههههه \ وانا ادري عنه بس مسايرنة لان هو سيارتة اقدم مني وانا كنت طلعت سيارة وكاله والحمد لله فنشوف واجد من هالاصناف وانا احسها في كثير من الاحيان تكون غيره طبيعية عادية بشكل معقول لكن لين زادت هني المشكلة والمضحكة في نفس الوقت :) ننتظر اراء البقية |
خوش سؤال ام حسن
واجابات الاخوة والأخت هه في محلها والغيرة المحمودة اظنها غيرته على زوجته بمقارنة غيرة المرأة بالكفر فهناك غيرهـ اذا اعتبرناها للتنافس فأراها ايجابيه بينما الحسد والعياذ بالله .. احدهم قبل فترة انفجرتـ نفسيته بسبب الكبت وشعور ما ادري كيف ان شاء الله عاشق يوضح لينا بعد ما يقرأ القصة ههه كان يقول ودموعه قريب تنزل .. منهو فلان ومنهو علان انا احسن منه وانا احسنهم كلهم وذكر كل ما عند محيطه من خير وبركات و يربط بالاخير انا الافضل فاشوف ان هنا غيرة وحسد و(مرض نفسي ) !! وموجودة الغيرة (او الحسد ) في محيط الشباب بشكل كبير وواضح ما اعطاه الله لغيري فهو رزقه وهو المقدور والمكتوب له بالنسبة لي اشعر بالفرح والسرور اذا صديقي او قريبي او اي شخص مؤمن حصل على رزق كريم والله يكتب لنا ويرزقنا من كل خير :p |
[CENTER]ههههه
السالفة واضحة وانت شرحتها فلانوو هذا انكبت مرة وحده وشاف فلان وعلان يتقدمو او يحلصو على رزق وهو ماعنده كلم نفسة واجد وزهق وتالي انفجر قدامك لان الكبت يولد الانفجار وبالعاده الغيرة تظل بالقلب لكن لين طلعت من القلب بشكل علني هني تعرف ان غيرة حسد مو غيرة طبيعية وتعرف ان قلب هالانسان مو صافي ان يتمنى ويحب الخير للغير عشان كده انفجر وصدقني الاستمرار على هالشي مثل ماقلت مرض نفسي ويظل معاه للكبر مثل واحد متطفل كببببير اوشغلتة كل ماشاف واحد من الشباب يسأله كم راتبك ههههههه وذاك يتوهق فيه تدري ليش ؟؟ عشان يبغى يعرف من اكثر راتب ولده او راتب هذا الشخص الي يساله مع العلم اثنينهم مدرسين وثاني شي علاقتة مع الي يسأله عادي فتشوف متطفل وغيور ياخوك يطلع لك ساعات من قوطي البيبسي كيف طلع الله اعلم :cool: فيقولك اكبر مشكلة في هذا القرن لما تصادف متطفل وغيور هني خراب الامه الاسلامية كلها[:D/CENTER] |
خخخخخخخ حتى الرجال فيهم غيرة حراقيه
وأنا طول هالوقت ماكنت أمفكرتكم كذا أمممممممممم لازم أعيد النظر بالموضوع بس نادر ماتصير بهالشكل بين الشباب ،، يعني أنا أشوف أخواني وربعهم ياخذون المسأله تحدي وإجتهاد ومين القدع والقوي وهآآآآآآآآآع .... أذكر أخوي من سنتين مييييح بالــe بس صديقه كان بلبل وعلى طول يتكلم معاه بالـــe وهو مايفهم والجميع يتمسخرون عليه وكذا وهما على طول مع بعض وبالأماكن العامه يمدحون صديقه عاد هنا بدأت تشتغل الغيرة وطلب منه أن يساعده يعني يبي يطبق المثل:" ربّ تلميذ غلب إستاذه" واللحين أحسن واحد بالعايله يتكلم e وغيرها مواقف كثيرة من هالنوع بس الحسد أعوذ بالله ماغير النسوان متميزين بيها صرت أخاف أطلع من البيت هع تسلمي عالموضوع أختي |
| الشبكة: أحد مواقع المجموعة الشيعية للإعلام الساعة الآن: 06:07 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025