|
ابو ذيات جميله لكل الاذواق
اعزائي رواد منتدى الشعر اقدم لكم هذه الباقة من ابوذيات عسى ان تحوز على رضاكم ------ (1) وحق رب العرش والمك والروح ونيني مو طبيعي عليك والروح الجسم طره البعد يا صاح والروح تحوم بداركم لتلوم بيه ----- (2) بحر شعرك علينه زاد مده وينك ما نشوفك صار مده دموعي من الفراق تسيل مده متاني طروشكم نيران بيه ----- (3) دق الشوف لليهواك وناي مثل ون الربابه عليك وناي فرق بين النضج بالطبخ والناي مثل العافية والمرض هيه ----- (4) حرت لا بحر يا سعني ولابر لامستطعم بسلوى ولابر جفوا ما غزر ربانا ولابر ولا واحد نشد منهم عليه ---- (5) امد حبل الصبر واياك واريه وانه وياك مثل الروح واريه رسايل منتظر للزين واريه صعب تدري الوكت وتلوم بيه ----- (6) فرق مابين مثل اياي واياك وقضت وياك بالك دوم واياك مثل فرق الفرد بالعدد والياك صفى يومي وامس وتلوم بيه ---- (7) نشدني ياهو انته وحرت بسماي وصار ايام عفت الزاد بسماي قست هم العلي يا صح بسماي طلع طولين والتفن عليه ---- وافر الدعاء معطر بالصلاة على محمد وآل محمد ابو تركي البدري الاحد 12/7/2009 |
هله بكلمن تعنانه اوصلنه اوابد وياه ما نكطع وصلنه نريد الكلمن ينوله وصلنه يشاركنه بشعر لو ابوذيه عاشت ايدك يا كبيرنا يا ابو تركي الورد |
اقتباس:
احسن الله اليك يا ابا محمد الورد علي واجب صبح حتما وصلكم شريف وهاشمي نعرفه وصلكم يريت الوكت يسمح لي وصلكم اداوي جروح دلالي الخفيه بقلمي |
اقتباس:
عمي واستاذي البدري ... هل أخطيء عندما أقول انت من عمالقة الشعر ؟؟ هل أخطيء عندما أقول نبع الإبداع من البدري ؟؟ كلا والف كلا فأنت والإبداع طينة واحدة وأنت والروعة وجهان لعملة واحدة جزاك الله خير الجزاء خادمك وابنك الصغير وجدي الجاف |
اقتباس:
اللهم صل على محمد وآل محمد نعم لكل طعام متذوق ولكل عطر ميزته ميزة وجدي الجاف انه متذوق للابوذية حتى النخاع يجيد تحليل مفردتها بصدق الشاعر المتخصص والذي لا يرتضي الا الابداع --- على طورك جبت طوري نشدته وعليك المار والطارش نشدته من اكتب مثل تحليلك نشدته يفهمني ويرد جواب ليه ------ تقبل وافرالدعاء معطر بالصلاة على محمد وآل محمد |
اقتباس:
عمي العزيز أبوتركي رعاك الله عمي/ أنت قوي بالأبوذيات محد أيجاريك عاشت أيدك أبوذيات رائعة الله يوفقك والى الأمام تحياتي لك حيدر |
اقتباس:
جواز عندك والطائرات متوفره شو الي يمنعك من وصلنه |
اقتباس:
منين اكو طائرات هي اليمنيه وطاحت بالبحر ههههههههههههه |
سلمت يمناك عمو ابو تركي
بارك الله بكم ابوذيات بحق جميله ورااائعه لاعدمنا الله من هذا الفيض المتقن ,, تقبلوا مرورنا |
احسنت ايها الشاعر المبدع البدري وفقكم الله وسدد خطاكم |
اقتباس:
عاشقة النجف مرورك شهادة ابروزها على صدر متصفحي المتواضع احسنت وفقك الله بحق محمد وآل محمد |
اقتباس:
نورت متصفحي ابو زهراء الف شكر على الدعاء موفق بحق محمد وآل محمد |
عمي العزيز ابو تركي ابوذيات رائعة جدا وجميلة بجمال روحك الجنوبية الطيبة عاشت ايدك وسلمك الله لهذه الباقية الي استمتعنه بيها اسمحلي اشاركك بهاي الابوذيه كثر بجيي اعله بعدك شوف ما عن بيابي العين والدلال ما عن ردت وصلك يعين الروح ما عن سلب روحي وهدم ما ظل عليه تحياتي لك |
اقتباس:
الله الله يا احمد تظل كبير في كل ما تكتب ----- السلب روحك شيبني وهدني اقله الزمني لا اطيحن وهدني بيه احتار جويته وهدني يلق بيده ويكضني احتار بيه ---- يعني انا مثل الحديده الحاميه من الحراره الشطر الثاني مستوحى من بيت من التراث تقول هدني لصيح عليك والزمني لا اطيح |
انت الكبير عمي ابو تركي وليد اللحظة لدرب مرّه فگرنه من هدانه رفعنه وما رحمنه من هدانه رجينه ايهيد ياخذ من هدانه يرد مگلوب دولابه ابـ اذيه تحياتي لك |
اقتباس:
اذا دولاب دهرك عكس واياك اوصيك واحذرك دوم واياك لا تشكي لـون بنار ويــاك يفرح شامتك والبيه اذيه تقبل تحياتي ابو شهاب |
وليد اللحظة زمانك لا تظن يلفيك بالراح ومحال يروفلك يا صاح بالراح مثل فرّت گطب مجنون بالراح يفرك لو طحت صبح ومسيه تحيتي ومودتي عمي ابو تركي |
اقتباس:
الوكت اسحكه برجلنيك ورضه واطحن كل عظم بيدك ورضه الصاحب لو زعل داره ورضه والله الوكت عملاته رديه تقبل اشواقي ابن موسكو الصغرى |
عزيزي البدري14 مامعنى هذا الشطر جفوا ما غزر ربانا ولابر ولك جزيل الشكر |
اخي الكريم كريم قوم من بعد اذن عمي ابو تركي معنى البيت انهم جفوا من الجفاء ولم ينفع فيهم طيب التربية وحسن البر بالمعاشرة عمي العزيز بو تركي نعود والعود احمد الوكت بجدام تحوي الزود يرّاك افهمه ولا تمكنه ابضعف يرّاك الحيل الما تعينه اچفوف يرّاك ويظل فرصة لمرامي اهل الرديه تحياتي ومودتي لك |
ماشاء الله مجاراة اكثر من رائعه بين شاعرين لهم ثقلهم الكبير بيننا ..
بارك الله بكم شاعرنا احمد والعم ابو تركي تسجيل متابعه ... |
اقتباس:
بالحق لا تظن الراح مارد ويريدك للطلابه تصير مارد اذا فانوس وكتي وياه مارد اصيرن له شري ويحير بيه بزودك ابو شهاب تقبل تحياتي |
اقتباس:
اللهم صل على محمد وآل محمد عاشقة النجف مرورك اسعدنا ومتابعتك تدل ذائقتك الرفيعة في هذا النوع من الشعر بس هلهلي وابشري بينا احمد من الشطره وانا من الناصريه نكيف لو ثار الماو هههههههه |
اختي الكريمة عاشقة النجف حياكم الله شرّفنا حضوركم ومتابعتكم حي الله عمي ابو تركي عساك لا تعبت ههههههههههههه عظم بلعوم وكتي ما بلعني وابد حيلي اعله اراده ما بلع ني مضيت ابزود غاير ما بله اعني سند زود الخويه الزام اليه تحيتي ومودتي عمي الغالي |
اقتباس:
تسلم استاذ احمد ----- علي ذب زود همك لا تهم بيه شما يثقل علينه لا تهم بيه والشوفته حدره لا تهم بيه اثني ركبي وحمل عليه ----- ابد لا تخاف على عمك من التعب يقول المثل هوش بشايب ولا تهوش بولد مع احترامي للشباب المبدعين بس من باب اني بعدني ما تعبت |
:)
والنعم بيكم عمي ابو تركي انت والاخ احمد.. |
اقتباس:
عاشقة النجف نورتي متصفحنا المتواضع نشكر اهتمامك تقبلي وافر الدعاء بالصلاة على محمد وآل محمد |
انت السالم عمي ابو تركي الليالي احلوگهن دهري شرعهن علي واحكامه من شرهن شرعهن رماحه امسممه لگلبي شرعهن غرزهن واطلعن جم حيف بيه تحياتي |
اقتباس:
قول وطول ابو شهاب ---- تلاوه وي الليالي بصبر واجلد وعليهن بالنواجذ تعض واجلد وصير من الصلابه صلب واجلد وحاذر شامتك يلقى ثنيه --- تحياتي لاهل الشطره من الشوملي(جهنم) للحاوي ومن سبعه نيسان للعسكري واذا توسع العمران نوصل لسليم وما انسى البدعه ام القطاطين هههههههههههههه |
جَلد وصبري وزماني ما يهدني يغير ابكل معسرة ما يهدني امگالب ما گدرلي او ما يهدني لان چفي الجويه احزام اليه عمي ابو تركي طلعت انت ابن الشطرة وتعرف كل مناطقها تحياتي وتحيات اهل الشطرة لحضرتكم |
اقتباس:
الف مليون شكراً لسموك الكريم اسجل متابعتي لهذا الابداع |
اقتباس:
كريم قوم متابعتك لما نكتب تسعدنا حقا موفق بحق محمد وآل محمد |
اقتباس:
نعم انا ابن الشطره وقصة شرحها يطول وخاف تاخذنا عن موضوعنا ---- شتسولف انا نبته بارض ذي قار مرباي وحنين من الحنايا عليه مرباي ذكرته وهلن العبرات مرباي وجرن نهران راوني المنيه ----- نرجع على موضوعنا انته شقلت ---- اعرفك يا نسل عتاب بالطيب وتصبر على مر الوكت بالطيب لو ما جت لوي تنجاب بالطيب تعرفلها وتراويها المنيه ---- لازم الي رجعه باذن الله |
هاي مجاراة الك لان زلفنه عن الموضوع شويه للناصريه وفي وطبعك تحن لاحضان مرباك اتعرف حالك عگب هالگاع مرباك تضم عينك حلمها ان يوم مرباك ابمنامك لو خطف بالناصريه نرجع لموضوعنه ونكول بالمعاتت ابت دنياك تنجاب ومحال ابيوم عرف الطيب تنجاب رديه بالنجابة شلون تنجاب وجذب خطواتها اتصف بالسويه تحياتي عمي العزيز |
اخي الكريم كريم قوم نتشرف بمتابعتك واهلا بك دائما هنا تحياتي لك |
اقتباس:
ارد آخذك شويه للبدو ---- الهايج ما يطـــخ الا بالخزام لمن يرغي ويظــل يومي بالخزام واهي تبين الك صعبه وبلخ زم ترى سهله لابو عزوم الجويه ------- بلخ زم /المرتفع بالسراب بعد بيه نفس طويل ابو شهاب تعجبني سرعة بديهتك على راسي |
الله الله
من ابوذية لأبوذية قواكم الله ويسلم حسكم الادبي |
اقتباس:
فلاان زارتنا البركه طله مباركه خادم اهل البيت موفق بحق محمد وآل محمد |
المواكح صفه لدنياي بذات رديه وتحوي كل مدغوش بذات تدگ بسمار سمها اعناد بذات وتخف منگال همه ابلا رويه زودي من زودك عمي ابو تركي وانت الي تشد الحيل بالكتابة تحياتي |
مدبعين اي كلام اكتب اكثر وانتو الابداع بعينه عساكم عالقوه ربي يحفظكم |
| الشبكة: أحد مواقع المجموعة الشيعية للإعلام الساعة الآن: 02:53 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024