|
الى الاخ حيدر من العراق- اريد الرد
وينك ضيعت صوتك والك فاي الك ضلك على الساحة والك فاي يغثني تركك الصاحب والاكفاي روحي معلقه بالناصرية وافر الدعاء بالتوفيق |
حبيبي البدري دائما تفاجأنا بجديدك الراقي ............................................ صديقي الألهَ أبيوم الضيج وﮔـفه يرد بــيدهَ الحمـل لومـــال وﮔــفه أولــوراح آمــنديـهَ الحيـل وﮔـفهَ أشوفهَ أبكل صباح أوكل مسية أني هم أريد الرد خادمك حيدر الناصري |
رووعه اخواني البدري14 - حيدر من العراق ممكن معنى الكلمات فاي - آمنديه عذراً ولكن بسبب إختلاف اللهجه متابعة لردودكم الرائعه |
اللهم صل على محمد وآل محمد حبيبي ابو كرار انا ما اقدر عليك بس اموت على شعرك وشاعريتك واستلم حبيبي حضر دوم عـد عينك وكفنه ولو بالقبر هم يطلع وكفنه شعرنا وقف للخوه وكفناه حضرتك تأمر وهذي هديه يارائع وبالنسبه لاسئلة الاخ نسما ت شرقيه فاي تأتي بمعنى ظل اي الفي وتأتي ترك فراغ وشعراء الابوذيه يتلاعبون بالكلمات حسب موقعها من الجمله وافر الدعاء لكما بالتوفيق |
احلى عملاقة الشعر والابداع ابو كرار حيدر والحاج ابو تركي البدري موفقين
|
اللهم صل على محمد وآل محمد الاخ نسمات شرقيه آسف اجبت عن شطر من سؤالك ونسيت الثاني وهذا هو معنى امنديه تعني كلمتين من و ايديه اي من ايدي وعلى فكره اسمح لي ان اوضح قاعدة شعر الابوذيه فالابوذيه يعتبر سيد الشعر العامي فهو يلخص موضوع فكرة في اربعة اسطر الثلاثة الاولى منها تسمى الجناس وهي تنتهي بنفس الكلمة وتختلف في المعاني والقفله ويجب ان تنتهي بحرفي ي وه(يه) واقبل تحياتي |
أبوتركي الوردة/البدري
....................... طلبتك ماﮔـلت أبشـر ولا هــاك حبيــبي أشغـيرك عني ولاهـاك وحگ حسين والـزهره ولاهاك أعز من روحي أنتَ عليه ..................... ونرحب الأخت الفاضلة نسمات شرقيةلتواجدها المشرف كما لايفوتني أن أرحب بأخي العزيز الصدري نتشرف بكم حبيبي البدري طلعت محد يكدر عليك؟؟؟ خادمكم حيدر |
شكراً لك اخي البدري ع التوضيح والترحيب وشكراً لك اخي حيدر ع الترحيب كلماتكم قمة الرووعه متابعه لكم |
اخواني الاعزاء ابو تركي والاخ حيدر من العراق هذه هدية لكم اخوتي هدية متواضعة
- ثاري انت الهــــوى ومـــــا أدري صــــار اســنـــــــين عايـــــش بيـــــــــــك أنــــا وأتــــنـــــــفس بمـــــــــــعنــــــاك - ما أدري أنــــــــــــولـــــــــد مفـــــــــتون بــــــــــــــيك وهالقــــــــــــلب بـــــــــــــأول نبـــــــــــض نـاغــــــــــــــاك - يا عشق الـــقلوب اتــــــبختــــــر ابمــمـــــــــــــــشاك ياســــــابـي العـــــقـــــول وجـــــــل من ســـــــــــــــــــواك - مخــــلوق اعـــــلى كــــيفــــك قـــلي يامحبـــــــــوب لــــو آيـــــة الـــجليــــــــل إل هــالـبــــــشر خـــــــــــــــــلاك - كل شي انوجــــد بـــــيك وكل شــــــي ربنــــا أنطاك ولهذا الســـــبب محـــــسود ولهذا السبب كثرت حبيـبي اعـداك |
(الى الاخ حيدر )
عشرتك روحــي صَـــــــــدگ .. ماتملها وگلبي ايــــــــــام سعـــــــدك .. ماتملها اريد انصــــب لروحــــــــــي .. مأتم الها واشوفك هم تجي وتبچي عليه ؟ |
لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه ولك مغـــرور گالولــــــــــي .. بشماتـه صحيح ابشامتك تنغر عليه |
لو تذكـــر رباي ويــــــــــاك .. والعـــن
ولاتنغر علــى اللي بيــــــك .. والعـــن فرضنا لو اسبـــــــــك حيل .. والعــــن هم ابغيض وك تزعل عليه ؟ |
حجي ابو تركي من بعد اذنك تسمحنة بالمرور ومشاركتكم
لو رأساً تگلـــــــي ارجـوك .. هدنـــه وتعاركنـــي وتريــد انــوب .. هدنـــه ولك والله العشــــگ وياك .. هدنــــه مريض آنه تعال اسأل عليه ؟ |
يـــلايم لا تــــلوم الگــــلب دمعــين
جــــرح البــــيه مــــا يندمل دمعين فــــايض بـــالجفن هـــاليوم دمعين عـــلى مــصاب النبي وظلع الزچيه |
مـــــثل الـــــدوح للـــــونه نبـــيها
تــــــناوبنه ابحـــــزن واحـنه نبيها اشـــــلون امــــه الـذي خانت نبيها ونقـــــضت بـــــيعته وأمر الوصيه |
حبيبي الحاج ابو تركي اعذرنا واهديلك
الك اشتاق كل لحظه.. واحسك بالقلب نبضه.. اذكرك حتى لو تنسى.. واحبك ترضى ماتلرضى |
ألاخ العزيز الصدري لقد أتحفتنا بما أفضت علينا من أبيات جميلة ورائعة مشكور حبيبي الصدري ((كما أدعوا كل أخواتنا وأخواننا بالبوح بما يستطيعوا ونحن خدام لهم أن شاء الله)) صديقي أشـﮔـدْ وفي آومخلص وصادق وآحــبـــك ماأحـــب غــيــرك وصــادق وحــگْ الــهــادي والبــاقــــر وصـادق تضل أنتَ أعز من روحي عليه حيدر الناصري |
شيضرك ان تسامح وان تهديت
وكلتلك لاتهدني وانت هديت انه الهديت كبلك وانت هديت وراي وهدتك صارت عليه |
اللهم صل على محمد وآل محمد اخي العزيز حيدر روحي دوم عدكم لو بعدنه وفينه وياك قصدك لو بعدنه نخلي الشعر لجلك لوبي عدنه الخوي واجب عليه يوفي لخويه تقبل وافر الدعاء وانتظرك |
الى الاستاذ البدري
يجن بيه المصايب مايجن بيك وعسه الجنبك عني مايجنبيك شلون تريد طالب مايجن بيك اذا الاستاذ ياخذلك تحيه |
بالصفاره
قطار الهجر طوّح بالصفاره خذاك وظل وجهنه بالصفاره كضيناهه الدراسه بالصفاره كلما تغمز ألنه أطيح ميه |
اللهم صل على محمد وآل محمد ابو كرار سدى بلحمه الك مديون واداي وعسى ما بيك ضيم وهضم واداي تحياتي اتعطر ورد واداي اصل يم بابكم صج مو تقيه وما زلت انتظر والثاني مشترك انته والصدري فارس والفرس بايدك والعنان وصرت الدرس كله انته والعنان السماء طوعك اله اتشر واله عنان اخوي وتاج بالمؤزمه ليه وما زال البدري على الخط |
عليك المات والحي سائل آنه
صلب لاكن لربعي سائل آنه وگفت اباب بيتك سائل آنه اذا ما تنطي ليش تكص اديه |
ذبح تفخيخ ياوادم خلصنه
بسبب للدين واليمّه خلصنه يصاحب بالفرج عجل خلصنه طغيان وظلم عم البريه |
الك هل دمع عيني والك صب
والك ساس بوسط روحي والك صب سهم حبك دخل كلبي والك صاب دليلي وصار طشاره بديه |
الى اخي الشاعر المتئلق حيدر ابو كرار
نهر دجله مشه بمايه ولك صب وسهم عينك دخل كلبي ولك صاب لون بغداد يضل بيها ولك صب تفزع بصوت ابن الناصريه |
اللهم صل على محمد وآل محمد الصدري ابشر انه ما اقص على الصاحب وخدمه بحجينه نصر للمذهب وخدمه اوقف وضح المعنى واخذ مه على ظهري اشيلك واحج ميه صدري شكو بيها سنه من اهل بيت النبي ونموت نحيا بحب محمد شهد ونموت يقطعونا ونرد نحيا ونموت لاجل حب الوصي روحي هديه تقبل وافر الدعاء |
اللهم صل على محمد وآل محمد الصدري وحق من شرف الكعبة وشرفك- 1 جذب ما ارفع الرايه واشرفك - 2 اجيب امثال مبدوعه واشرفاك - 3 اتعجب شعر لو صاحب قضيه 1= شرفك 2= اشير فكني 3= اخليك تفتح حلقك عجبا |
قدر مكتوب حبك وانتقسمه الواحد مالة ناتج من تقسمه لون بسيوف كلبي من تقسمه دشوف معزتك شنو امسويه بيه |
حبيبي من انجمعنه روح..وي روح
واِلّي شكد طيبتك چويات..وجروح وىيروح من اذكرك كلهمي يزول..ويروح هلال العيد من تگبل عَلّـــــيه,, |
شريد اكتب شكولا حاير اني
عجز قلمي بوصفكم حايراني يهل الكرم كرمكم حيراني بيكم جودوغيره وحميه |
گبل لا تصل حيهم صيح.....حَي هم
خطف عقلي فتى من اطراف..حيهم يحيونك حبيبيبلطف...حي هم ..وخبرهم فتاهم عم عليهـ... |
حبيبـــــي انتــه عزيز عليـــــــه وغالـــــــي
احبــــــــك ومااحــــب غيـرك واغالـــــــــي وما ابيعك لا برخيص ولاغالـــــــــــــــــــــي وكلبي وروحي وكلــــي لاجلكفديـــــــــــه |
ننتظر ابداعات قلمكم اخي البدري والاخ حيدر ابو كرار
|
هاي شمسوين /البدري والصدري ذابحين أرواحتكم ذبح كل شي ماخليتوا الي طبعا أعذروني اليوم النت مايفتح عندي ماأدري أشبيه .................................................. ...... الكرم عدَ الحسن سنه وعــادهَ سعــيد الــتابـع آثـــارهَ وعـادهَ آوأكيــد النابـذ أعـداءهَ وعـادهَ يحضرهَ أبمحشرهَ أبن الزﮁـيهَ أخوكم حيدر |
احسنتم شعرائنا المتألقين جميل جدا ماسطرتهم اقلامكم المبدعه وبانتظار ابداعاتكم القادمه تسجيل متابعه حفظكم الله |
حبيبي العزيز/لبيك داعي الله نتشرف بمروركم الكريم والعطر خادمكم حيدر الناصري |
ابو كرار تحياتي الاخت لبيك داعي الله نتشرف بمرورك
قضية اسمك على اسمك ماشخطنة ازدحام احنة على دربك وماشي خطنة شتضن من كد حلاتك ماشخطنة اليشوفك ينشخط مية بالمية |
اللهم صل على محمد وآل محمد لبيك داعي الله مرورك دافع لنبذل المزيد واحنه بخدمة خدام الزهراء تقبل وافر الدعاء |
اللهم صل على محمد وآله هلا ابو كرار ابن بغداد يريدني ارفع ايدي الظاهر نسى ان الابوذيه طلعت من الناصريه وبالفطره بس ما اعوفه وداعتك وحتى لا يقول اتفازعوا اهل الناصريه اسمحلك اتعاونه تقبل تحياتي |
| الشبكة: أحد مواقع المجموعة الشيعية للإعلام الساعة الآن: 09:08 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024