|
إجن يتمايلن **ولادة الكعبه
إجن يتمايلن بالمستحه امگبعات ... نحيلات الخصـر والزيـج ماينزر طلعـن دالعـات وخاليـات الـبـال ... سُـمُـر ومعطـرات إبمسـچ وبعنـبر حلـوات الشمـايل والعيون اوساع ... چلـچـل ليلـهـن بالخـجل وادثّـر إحديثات ومشيهن رَدِس فوگ الگاع ... ومن تمشی الحديثـه اتگـوم تتبختر إجن کلهن سُمُر والسُمُر مملوحات ... ومن ثگـل الحمول اصدورهن مرمر وحدتهن تذَوب الگلب من اتفوت... وتَخَـلّي الناسـك المعتکف يتحسّر ارموش اعيونهن يرمن بگلبی اسهام... عفه گـلبي الرچيـچ شلـون يتصبّر چنهن گـاصدات اعلـيّه ومسيرات ... وبديهن جـايبات الچـای المخدّر گلت هنيال حضي العـاثـر الميشوم ... گـعـد من نومته عگب الشمس والحر إجن واليوم منهن أجمـع المحصول ... يـزداد الـربـح والـحـال يـتـيسّر تلگتاهن اگلـيبي إمفـرفح وملهوف ... شـايـط والحنين الشايـلـه اتفجّـر متعارض ويصرخ صرخـة المجنون ... ويعـاند إعـنـاد اليشـتـرون الشر صاح اهلاً وسهـلاً بالجمـال الجاي ... سبحـان الجليـل إشخلـق وشصوّر فرشتلهن چبدتي وگلت ذني اچلای ... عليها إرتاچـن ومـاگـول بعد أکثر ساعه وصار المنادس عَـلَي بسکوت... يـردنّي إعلـه کيفي أنتخـب وتخـيّر گلت شختار هوّه الطـول نفس الطول ... حش سبّـاح گـلبي وگطّـعه بخنجـر إجيتَـنّي ابوکـت مابيه صفـنة کيف... ذوبَـل کل شبـابي وعوده صار أصفر لونچـن جايّـات أويـه الشباب الراح... من چـان الگلب بعده طري وأخضر إجيتَن من عگب مافرهـداني الشيب ... وعمري إعله المطاوي إنغزل وتنَشّر گالـن مشتبه وعـيونـك إمسـربات ... دفـك عينك دعـاين زيـن وتفـکّر دخت وتعجّبت من عـايـنت ليهن... وجهي انخطف لونه اوضعي اتغـيّـر لنهن مو إنـس مو من بنـات الجـان... قـوافي ونـازلات امن السمـه للبـر سرب من الخـرز وبخيط ملظـومات ... إطلَـعَـن لنهن قـوافي الشعر المنـثّر گلت فکيت عيني ودوه بإذني الصوت ... گـالـن صوت جبـريل المَـلَك كـبَّر وگـفت بت أسـد يَـم مُستجار البيت ... والمـختـار سَـبَّـح والجـدار إنـطر وطبت بت أسد يحميها رب الکـون ... وأمـلاك السمـه امن البـاري تـتـشکّر فـتـح بـيـبان جنـته وغلگ باب النار... وهـاي الليـلـه بالکـعبه إنولد حـيدر ابو ياسرالكعبي |
السلام عليكم ابو ياسر الكعبي الغالي استاذنا الرائع موفق على هذه الكلمات الرائعه وجزاك الله عليها خير الجزاء رياض الرسل |
استاذنا
ابو عباس ممتن جدا لحضورك |
رآآئع جدااا
شكرا لك |
سلمت يداك عزيزنا الغالي ابو ياسر الكعبي
كلمات غاية الروعه والوصف لاحرمنا من ابداعكم ماجورين وموفقين لكل خير |
معشوقي الحسين
اسعدني مرورك ايها الكريم تحياتي |
البهادلي علي
لك كل الامتنان ووافر الشكر دعواتي لكم بالتوفيق |
علي ..علي ...وما أدراك ما علي؟؟؟؟
هذا الليث المرجب المبجل بالابطحين اي سر أنت يا بن أبي طالب يا صهر الخاتم الأمين؟؟؟؟ وركن الإسلام الأصيل.... ها هو روح القدس يهلل لمولدك ...يا سيدي... ها أنت يا أبا الحسنين....يا زوج البتول ... مرسومة ولايتك على لوح القدرة ألملكوتي ... فسموت كوكبا على كل الكواكب ...عنواناً مكللاً ...بإكليل قدسي... القدير الكبير // الكعبي ابو ياسر تباركت من حروف وضاءة مغموسة بالبيان والتبيان نزلت في ساحة المولد العلوي لتبقى سفراً خالداً في صفحات المجد ابقاك الله لنا ايها المعطاء تقديري العالي |
شاعر الحسين رائعه من روائعك تقبلها الله منك وجعلها في ميزان أعمالك وأبارك لكم هذا الميلاد الميمون تحياتي |
الله عليك يا مبدع ----- فتح بيبان جنته وغلك باب النار اي والله علي مفاتح الرحمة مغالق الشقاء موفق ابا ياسر الكعبي |
تغزلت بقوافي النزلن مبشرات
من سبع زهن يوم انولد حيدر تغنن بالولاده واجن مسرورات شافن حايط الكعبه انفتح وانطر شافن بت اسد تطلك ببو الحسنين تندب بيه دخيلك ياعلي تحضر لن جبريل ينثر بالورد مسرور واذا بصوت الصميده هلل وكبر حبيبي ابو ياسر رزقنا الله واياكم شفاعة امير المؤمنين عليه السلام اعذرني الابيات كانها ارتجاليه نسأل الله ان يتقبل منا تلميذكم ابو ظاهر البركي |
الرائع ابو ياسر الشاعر
تأملنا أن نقرأ لك الجديد فوجدنا هنا القديم المتجدد تقبلها الله منك وجعلها في ميزان أعمالك وأبارك لكم هذا الميلاد الميمون تحياتي |
فـتـح بـيـبان جنـته وغلگ باب النار...
وهـاي الليـلـه بالکـعبه إنولد حـيدر موفق بحق محمد وال محمد جعلها الله لك في ميزان سناتك ووفقنا الله واياكم لكل خير تقبل مروري وتحياتي اليك ايها المبدع الاقل احمد رفيش |
ابوياسر الكعبي الف سلام والف تحيه وارجو ان تبريني الذمه لاني قلت هكذا يكتب الكعبي لم انتظر ما تاول له القصيده ولاكن ولاكن وصلت الى نقطه لو اردبها الف مره فانت تستحق اكثر اخي الغالي كل التوفيق لك يا علوي ياحسيني يامن نذرت روحك للحسين السعبري |
اقتباس:
أم زينب روح الكلم لطالما أخجلني حضورك الثر وأضاء سواحل ابياتي موفور الود لهطولك وشكرا كبيرة لنفضك غباراً تراكم على النص دعواتي لكِ بكل التوفيق |
مـــــــــــــبدع عمي ابو ضاهر نسال الله
العلي القدير ان يرزقنا واياكم شفاعت امير المؤمنيــــــــــــــــــــــــــــــــــــــــــن |
ابو ياسر الكعبي لا زلت حليف الابداع المتجدد في كل يوم وفي كل كلماتك التي ترسم من خلالها لوحات الولاء المحمدي دام فيك هذا العشق ودام فيك هذا الالق والابداع |
اقتباس:
الشاعر العزيز قاسم حتروش رعاك ربي وسدد خطاك اسعدني هطولك ايها الماطر كرما وجمال جد لي عذرا لتأخري عليك |
| الشبكة: أحد مواقع المجموعة الشيعية للإعلام الساعة الآن: 05:22 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025