|
شوقي يقلتني ...
القصص والروايات كثيرة ومتنوعة بعالم الانترنيت منها بالعربية الفصحى ومنها بلهجات خليجية متنوعة .. ولكن نادر جدا مايُكتب باللهجة العراقية ...فبعد البحث و و و هههه جيتكم برواية باللهجة العراقية ... http://m7ml.com/uploads/2aa5328ec7.bmp نبدأ بسم الله .. شوقي يقلتني ... عائلة ابو علي ابو علي: حسن (40 سنة) ام علي: نجلاء (35 سنة) اشواق: 17 سنة بس مخلصة اعدادية لئن طافرة صف علي: 14 سنة و هوا اخو اشواق شمس: 12 سنة عائلة ابو سيف: عايشين في امريكة ابو سيف: حسام (43 سنة) ام سيف: سحر.. تريد تروح للعراق تشوف اخوها حسن سيف: (25سنة) يريد يروح وي امه للعراق بس امه خايفة عليه زهراء: (12 سنة) و اخت سيف الوحيدة محمد: (8 سنين) http://m7ml.com/uploads/2aa5328ec7.bmp الجزء الاول: بيت ابو سيف في امريكة سيف: يمة ارجوج خليني اروح وياج ما راح يصير لي شي ام سيف: سيف و الله ودي بس اخاف عليك من الارهابين سيف: يمه اللي كاتبة الله يصير بس اريد اشوف العراق مرة ثانية ام سيف بدت تبجي: يمه انا اريد افرح بيك مو اسويلك عزة سيف: يمة تعوذي من ابليس ام سيف: اعوذ بالله من الشيطان الرجيم سيف: يا حبيبتي يا يمة انا مشتاق لخوالي مثل ما انتي مشتاقة و اريد اشوفهم ام سيف تفكر و ودها انو سيف ما يروح سيف: يمة اترجاج ام سيف: اوكي حبيبي بس اريدك حذر و دير بالك على روحك سيف قام و شال امه و هوا يكول: مشكوووووووورة يا احلى ام بلعالم ام سيف خايفة لا تطيح: اسويف نزلنيييي سيف نزلها و راح كال لابوه انو امه وافقت لئن ابو سيف مارضة يخلي سيف يروح و امه ما راضية عليه في بغداد و تحديدا في بيت ابو علي: ابو علي: نجلاء ترى بعد اسبوعين و يجون ام سيف و سيف نجلاء بكل فرح: صدكـكككك!!! حسن: شبيج اي صدك ولا انا اجذب عليج نجلاء: لا حشاك بس كلش فرحت حسن: انشألله دوم مو يوم ام علي راحت تخبر اشواق ام علي: اشواق, اشواق وينج؟ اشواق تفتح باب غرفاتها: ها يمة ردتي شي؟ ام علي تقرب منها: حبيبتي ابشرج انو عمتج ام سيف و سيف راح يجون بعد اسبوعين اشواق فرحت: والله ! و كملت : اموت على عمتي نجلاء ام علي: حتى انا لا تنسين هيا رفيقة عمري اشواق تغمزلها: اي و هيا اللي خطبتج لحبيب القلب نجلاء شوي حمرت: يوه عن حركاتج يا اشواق راحت عنها ام علي و اشواق راحت خبرت اخوها علي و اختها شمس اشواق كامت تفكر بعمتها اللي دائما تحجي وياها ببلتليفون و شلون هيا حبابا و خفيفة دم يس كلش حنونة. اشواق ما شايفة و لا سامعة صوت سيف بعمرها. هيا بس عندها صورة وحدة مالته لمن كان عمره 15 سنة و امه توها جايبة زهراء و الصورة كانت عائلية. بقة اسبوع على رحلت ام سيف و سيف. سيف كان بغرفتة و يرتب اخر اغراضه. زهراء دخلت لغرفة سيف. زهراء كانت تموت على سيف لئن هوا يدللها هواية. زهراء: يعني هاي هيا راح تروح سيف: اي راح اروح و اخليج وي محمد زهراء: اوه هذا هم ولد؟ سيف: ههههه ليش اشبيه؟ زهراء: لا بس يعني مو مثلك سيف: احم احم ادري انو ماكو مثلي زهراء: اهوو كلناله كلمة و انتفخ علينه سيف: هههههه اوكي فششيني زهراء: ها ها ها والله تضحك سيف شد على شعرها شوي: طبعن انا اضحك زهراء: اي هدني!! سيف هداهة و ضحك زهراء: والله راح اشتاقلك يا سيوفي سيف: حتى انا حبيبتي و يكمل: ليش ما تروحين ويانة؟ زهراء: ودي بس اخاف من الحشرات هناك و همة موت حر سيف: هههههه هذا اللي هامج زهراء: بس تدري انا ودي اروح لئن شمس نفس عمري و امي تكول هيا حبابة سيف: انشألله من العراق يتحسن نروح كلنة زهراء: انشألله محمد اجا يركض لغرفت سيف: سيف سيف راح تروح هسة سيف: لا لا تخاف مو هسة محمد: هم زين احسن اريد العب Playstation 2 وياك سيف: اوكي بس من اسافر العب وي زهراء محمد: او ما تعرف تلعب زهراء: شنو؟ انا العب احسن منك بمليون مرة سيف: لا لا تخاف عليها هاي صايرة رونالدو محمد: هههههه مو احسن مني سيف: اموت بلثقة انا و اجة يوم سفر ام سيف و سيف ام سيف بدت تبجي على زهراء و محمد بس ابو سيف هداهة سيف: يا الله بابا اشوفك بخير ابو سيف: الله يحفضك دير بالك على امك ما اوصيك سيف: لا تخاف بابا سيف ودع زهراء و محمد اللي الدموع كانت بعيونهم اجة وقت صعود الطيارة و سيف و ام سيف راحو ملاحظة: بما انه حقوق النقل محفوظة فحتى الأخطاء الاملائية ماتصححت يتبع ... تحيااااتي نور... |
بسم الله الرحمان الرحيم بالرغم أن الجيم بالعافية مند بدأت أتابع كتابات القصائد العراقية المنظومة بالعامية فهمتها أنها تعني في بعض الكلمات" ك" بداية موفقة ننتظر أجزاء القصة لنعرف ما دا صار لما سافروا للعراق بشوق ننتظر الأجزاء البقية فلا تطولي علينا لك ودي وكل سلامي |
هلا بيج نور مكشوره على القصة المهم وين باكي رواية رصيف الزعتر خلتني اعيش احداث القصة وماكملتيها |
لحظه لحظه
نور شو هاض << صار اردني الولد خلاص لوول بعدين نور انا بصراحه ما اعتبرها قصه عراقيه تدري ليش لان مابيها كلمه خطييه :p بعدين كلام عقيقوه عدل وين قصه الزعتور هااا << ناوي على ضرب من عقيقوه :p |
حلوة وايد بس نص الكلام غير مفهوم
مشكورة |
اقتباس:
|
تسلمي خيوووو نور بس تعرفي ههههههههههه اني قريتها من قبل وعارفه ويش سالفتها وبالنسبة للاخت خاتم عقيق رواية رصيف الزعتر في اشوي لخبطة في باقي الاجزاء الاخيرة من يترتب الوضع تتنزل على طول ان شاء الله |
يسلمووووو على الطرح
يعطيك ربي الف عااافيه |
اقتباس:
هلا خاتم معفوة ع القرائة أي مو استجدت أمور وتلخبطت سالفة رصيف الزعتر نشوف لها حل ان شاء الله تحياااتي نور... |
اقتباس:
اي اختي اللهجة العراقية رغم حلاوتها الا اننا نستصعب بعض الكلمات وحنا بالخليج يعني اللهجةقريبة مشكورة ع المتابعة واعتذر عن التأخير تحياااتي نور... |
اقتباس:
ههههههههههه الخطيات جاية بعدين وحرامات بعد هههه ام الزعتر تلخبطنا فيها له ووقفناهـا لإشعار آخر تحيااااتي نور... |
الجزء الثاني: ابو علي كان يريد يطلع يتلكة اخته و ابن اخته. نجلاء: ها حسن راح تطلع الهم؟ حسن: ايه هم يالله نجلاء: دير بالك حسن: الله يخليج يالله معى السلامة طلع ابو علي و بعد ساعة من الانتضار شاف التكسي مال اخته. نزلت سحر و شافت اخوها و حضنته من كل قلب و في نفسها: اه يا اخوي كل هل سنين محرومة منك. دموعها نزلن من عيونها و دموع حسن خاننه و نزلن. و اجى دور سيف. سيف كان يباوع على امه و خاله. خاله باوع له: انتة سيف مو؟ سيف نضر له و الابتسامة عل وجها: ايه انا سيف خاله حسن حضنه بقوة و سيف حس بحنان خاله. ابو علي (حسن): و الله كبرت يا سيف بلصورة شكلك زغيرون و انتا بلحقيقة ماشألله عليك اطول مني. سيف: ههههه رجعو للبيت و نجلاء استقبلت صديقة و حبيبة عمرها بكل حرارة. نجلاء ركضت للباب اول ما انفتح و شافت سحر كدام عيونها. حضنت سحر بقوة و دموعها يهلن على خدودها و سحلر بدت تبجي همة. حسن ما حب البجي يطول فقال: يالله لا تسونها فاتحة نجلاء و هيا تمسح دموعها: لا اسمالله و شافت سيف نجلاء: الله هذا سيف! سيف: ههههه ايه هلا خالتي نجلاء سلمت عليه: هلا والله بسيف ابن سحر كعدو كلهم و نجلاء جابت ماي و فواكه. الجو كان كلش حار و سيف بدا يعرق و مارتاح. سيف: خالي وين الحمام ابو علي: روح قبل بل ممر و على اليمين سيف قام و خله امه و خاله و خالته مندمجين بلسوالف. قام يمشي ولا فجاء اصتدم بشي. باوع لليمين و اليسار ما لقة شي. باوع لجوة لقة بنت بس ما عرف من هيا. اشواق بنفسها: اخ! شجرة ببيتنا و لا رجال و انتبهت على نفسها: رجال! باوعت لفوق و شافت شاب طويل يباوع لها. هيا حمدت ربها انو كانت لابسة حجاب. اشواق بصوت خفيف: منو حضرتك؟ سيف ما انتبه على نفسه: منو انا؟ اشواق بقلبها: يعني انا! اشواق بهمس: ايه سيف: انا سيف ما تعرفيني؟ اشواق تذكرت انو سيف جاي ويا عمتها: سيف...سيف ابن عمتي سحر! سيف: هههههه ايه هوا انا اشواق انحرجت شوي: الحمدالله على السلامة سيف: الله يسلمج اشواق ركضت من الممر و للصالة على مود تشوف عمتها و سيف راح للحمام و بقلبه يقول: ماشالله ما جنت اعرف انو اشواق بهل حلا. بل صالة: اشواق تركض لعمتها: الحمد الله على السلامة عمتي! سحر قامت و حضنت اشواق: الله يسلمج حبيبتي و كملت مشألله اشواق طالعة على امج مثل القمر. اشواق استحت و خدودها حمرن و في هل لحضة دخل سيف و شافها: ياه شكد حلوة و بريئة. ابو علي لاشواق: اشواق سلمتي على سيف اشواق بكل حياء: ايه اجو علي و شمس و سلمو على عمتهم و ابن عمتهم. سيف راح يراتح بل غرفة اللي مجهزينها اله. اشواق مجهزتها لعمتها بس ابو علي كال لسيف ينام بيها. سيف دخل الغرفة و لكاهة مرتبة و معطرة على اخر. راح على السرير و انتبه لكرت زغير على الطاولة اللي يم السرير. في الكرت مكتوب: عمتي العزيزة لقد انتضرت لهاذا اليوم من سنين طويلة و اخيرا اتا هذا اليوم. كنت دائما اتكلم معكي لكن لم ارا وجهك. الان ب/ئمكاني ان اتحدث اليكي وجها لوجه و اضمكي لاعوض عن شوقي لكي. انا لا يوجد لي صديقة مثلكي. انتي العمة و الصديفة التي اي انسلن يتمناهة. كم انتي حنونة و متفاهمة. انا متشوقة للحديث و المزح معكي يا اغلى عمه. - اشواق سيف: ياه كل هذا لأمي و فكر لازم يوصل هاذا الكرت لامه. طلع من غرفتة و الكل كان نايم. (الساعة 12:15 بلليل) صعد فوق و لكة غرفتين. و هوا ما جان متئكد وين امه نايمه فطك الباب على الغرفة الاولة. محد رد. دك مرة ثانبة و للاكن ماكو جواب. قرر يدك لاخر مرة. طق طق طق و الباب انفتح بس منو فتح الباب؟ شمس؟ ام سيف؟ ام علي؟ يتبع... |
تسلمييييييييييييييييييي خيتوا نور يعطيج الف عافية كملى باكي الكقة هواية حبيتها كمليها لاطولين علينا يالغالية |
الجزء الثالث: اشواق كعدت من نومها و شوي منزعجة بس خايفة لئن على بالها شي صاير. ما لفت الحجاب لئن اصلن هيا نست انو سيف بلبيت و منو يصعد لغرفتها بهجي وقت ؟ فتحت الباب و عيونها شوي مفتوحات و شعرها اللي يوصل لنص ضهرها حاطته للجنب و طالعة حلوة رغم نعاسها. سيف ضل يباوع على الملاك اللي كدامه... هاي... هاي اشواق ولا ملاك... اشواق فركت عيونها بديها و شافت سيف. طار النوم من عينها و ماعرفت شتسوي فسدت الباب. اشواق داخل الغرفة مرتبكة و تنفسها قوي. اشواق تفكر: هذا اجابه لفوق؟؟؟... اخ يال فشلة هسة شلون اكدر احط عيني بعينه. شلون انسة انو هوا بلبيت يعني وين ينام. بس هوا شنو يسوي فوق؟ هوا هم غلطان. برة غرفتها جان واحد واقف نفس وقفتا و منصدم من اللي شافه. سيف كان يكول بنفسه: الله اكبر على هل جمال و النعومة!...هاي تجنن و استوعب على نفسه: انتة شكاعد تكول؟ هاي بنت خالك تعرف شنو بنت خالك! اشواق قررت انو تلبس حجابها و تطلع اله لئن اول و تالي راح تواجهة. فتحت باب غرفتهة برقة و شافت سيف يريد ينزل على الدرج. ترددة اول شي بس تشجعت. اشواق بصوت يقرب للهمس: ســ...سيف سيف سمع شي خفيف و التفت شافهة و شوي استحة لئن هو من شافهة بلا حجاب ما نزل عينه عنها. اشواق و الحياء ماكلهة: سيف ردت شي؟ سيف ما يدري شنو صار بيه من سمع اسمه: ها...انا...انا ردت اطي امي شي كبل ما انسة و راح يلتفت. اشواق: سيف سيف ابقلبه: والله ما دريت اسمي ابهل حلا بس يمكن لئن طالع من حلك هل ملاك. سيف التفت الهة: نعم اشواق و عيونها بلارض: خالتي بل غرفة هاي و تئشر على الغرفة الثانية. سيف مشكورة اختي و انا اسف و الله هاذي غلطتي. اشواق: لا مسامح. اشواق قبل ما تطخل غرفتهة شافت كارت بيد سيف و عرفت انو هوا الكرت اللي خلته لخالتهة و استحت فوك كل هل مستحة و دخلت لغرفتهة بسرعة. سيف ضل يباوع الهة لمة دخلت و رجع لغرفة امه و دخل الكرت من جوة الباب على مود ما اله خلك يدخل الغرفة بعد اللي صار. راح لغرفته ينام بس قبل ما تغفة عينه فكر باشواق. انا اشكد شفت بنات بامريكة بس مثلهة ما شفت و بعدين ماكدر و استسلم للنوم. بل صبح: الكل كاعد ماعدا سيف. سحر خابرت ابو سيف و طمنته و حجت شوي ويا زهراء و محمد. سيف كعد من النوم بس بعده ما متعود على توقيت العراق و انتم تعرفون تعب السفر. نزل و لكة الكل على الريوك ( الفطار) و يباوعون الاخبار. ابو علي: صباح الخير سيف. سيف: صباح الخير خالي و بعدين سلم على الكل. ابو علي و عيونه على التلفزيون: الله اكبر عليهم هم انفجار ثاني. سيف: حسبي الله و نعم الوكيل. نجلاء: ها خالة شنو تحب تاكل؟ سيف شوي مستحي: اي شي عادي عندي نجلاء: لا لا عليك الله كول اللي تشتهي سيف: والله ما اريد اتعبج يا خالتي بس اذا مصرة انا اريد مخلمة بس ماتصير زحمة سيف كان ما يحب البيض بس بل مخلمة. نجلاْ لاشواق: يمة كومي سوي مخلمة. سيف: سيف لا لا مو لازم هذا الاكل حلو ابو علي: لا بس و لا شي ( انتو شايفين العراقين من يصرون على الشي) ابو علي وجه كلامه لاشواق: بابا كومي سوي المخلمة و عجلي شوي. اشواق كامت للمطبخ. ابو علي: ترى اشواق طبخها كلش حلو و دائما تطبخ النا سيف: ماشألله عليها و هوا يكول بقلبه هوا بس طبخهة حلو لو هيا كلها. اشواق بل مطبخ و تفكر: اهو عاد كامت الاوامر من الاستاذ سيف. اشواق كانت ماعندهة مانع تطبخ لئن هيا تحب الطبخ و مهارة و اصلا نياتهة صافية بس ما تدري ليش ماتحب تخدم الاستاذ سيف على كولتهة. بعد ثلث ساعة خلصت المخلمة و جابتهة اشواق للطاولة. سيف شم ريحت المخلمة و جاع اكثر و هوا بنفسه هاي صدك طلعت مهارة حتى ريحت المخلمة تخبل. الكل كعد ياكل ماعدا اشواق. هيا صعدت لغرفتهة لئن كانت شبعانة. بعد تقريبا ساعة ابو علي و سيف كانو يلعبون دومنة و سيف كام. ابو علي: ها وين رايح؟ سيف: هسة راجع بس ارتب الغرفة ابو علي: اكعد هسة اشواق اترتبهة. سيف: لا لا خالي خطية انا ارتبهة. ابو علي: شنو خطية هيا بس شويت ترتيب و قبل ما سيف يكدر يقول شي ابو علي صاح لاشواق: اشواق... اشواق حبيبتي تعالي. اشواق طلعت من غرفتهة و ننزلت: ها بابا ردت شي؟ ابو علي: ايه حبيبتي روحي رتبي غرفت سيف. اشواق استغربت: شنو؟ ابو علي: شنو شنو اكولج روحي رتبي غرفت سيف. اشواق: ها ايه انشألله. و راحت لغرفت الاستاذ سيف. اشواق بنفسهة: هذا اللي ناقص بعد يومين راح اصير خدامته الخاصة. دخلت لغرفته و شافت الفراش هنا و هناك. اشواق: اهو هذا نومه عبث و كامت و رتبت السرير و عدلت الطاولة شوي. خلصت و طلعت. يتبع ... |
بصراحة نور تحبي جننيني تكتبي جزاء بسيط وتخليني استني الى يوم ثاني ههههههههههههه امزح وياش بس من جد تشوقت اكمل باكي الكقة يعطيج العافية مع تحيات اللحوحه غغغغغغغغ |
قصة وايد حلوة *_*
يسلمو اختي نور المستوحشين ننتظر تكملة القصة ... |
السلام عليكم
بسم الله الرحمن الرحيم اللهم صلي على محمد و ال محمد وشكرا |
الجزء الرابع: اجة وقت تحضير الغداء و ام علي ماتعرف شنو تسوي. راحت ام علي للصالة و لكت الكل مجتمعين و يسولفون (بس اشواق بل مطبخ تنتضر امهة). ام علي: السلام الكل: وعليكم ام علي: اكول انا و اشواق نريد نحضر الغدة بس ما نعرف شو نسوي. اكو واحد مشتهي شي؟ ام سيف: كل شي نعمة بس اجي اساعدج ام علي: لا لا خليج حبيبتي ام سيف: بس اريد اسوي شي انتو مشتهينه. سيف: انا عندي فكرة انتو تحبون الباجلة و البيض؟ علي: ايه والله جبتهة من زمان ما ماكلهة. ابو علي: خوش سوي باجلة و بيض. و رجعت ام علي للمطبخ. ام علي: اشواق ياالله خلينة نسوي باجلة و بيض. اشواق: شنو؟ لأ يمة ما احبهة. ام علي: ماما سئلتهم و سيف كال باجلة و بيض و الكل شارك بل فكرة. اشواق بنفسهة: هم هذا انطة اقتراحاتة. اشواق: بس يمة ما احب هل اكلة. ام علي: حبيبتي بس جربيهة و اذا ما عجبج سويلج لفة. اشواق بضيق: انشألله. ام علي و اشواق حضرن الباجلة و البيض و بعد تقريباً ساعة و نصف جهز الغداء و الكل التم على طاولت الطعام. الكل كعد و لمة اشواق دخلت مالكت كرسي الى اللي كبال سيف. كعدت و ماباوعت له. ابو علي: يا الله سمو الكل: بسم الله الرحمان الرحيم. الكل بدا ياكل ماعدا اشواق. سيف كان يراقبهة من غير ما تلاحض. اخر شي قررت ان تجرب الباجلة و البيض و غمست. الاكل دخل لمعدتهة بس راسً رجع. اشواق حست بشي يصعد ببلعومهة و ركضت للحمام و رجعت اللي كلته. و هيا بل حمام (تكرمون) تفكر: افف! هذا كله من اوامر الاستاذ سيف و طلباته. استخفر الله انا كاعد ابالغ. من رجعت الكل كان يناضرهة. ام علي: ها يمة شصار بيج؟ سيف جان شوي خايف عليهة و هوة استغرب من شعوره. اشواق: لا يمة ماكو شي بس ماحبيت الاكل و ناضرت سيف. ام سيف: حبيبتي اروح اسويلج لفة؟ اشواق: لا لا خالتي ماله داعي راح اروح ارتاح بغرفتي. ابو علي: روحي حبيبتي ريحي. اشواق: انشألله بابا. راحت اشواق و هيا كانت تعبانة لئن ما تغدت و هلكانة. خلصو غدا و ام علي و ام سيف راحن للسوق و خذن شمس وياهن. ابو علي طلع لصاحبه بلقهوة و ضلو علي و سيف و اشواق بلبيت. سيف و علي كانو بلصالة يلعبون Playstation علي: سيف لا تفهمني غلد بس انتة عندك صاحبات بامريكة؟ سيف: هههههههه هاي انتة تحجي صدك؟ علي: طبعاً صدك لئن دائما ولد يجون من الخارج و يحجون على البنات اللي مصادقينهن. سيف: هذا صحيح بس انا مو منهم... اصلاً انا ما احب هجي اشكال. علي: عفياء ههههه سيف: والله و كبرت و عرفت شلون تحجي. علي: لعد شلون...انا اعجبك. علي: اكول سيف راح اروح لجيرانه احمد شوي و راجع. سيف: بس اشواق بلبيت. علي: و اذا انتة مو من هذا النوع. سيف: على راحتك. اشواق كعدت من النوم و هيا دايخة و راسها مصدع. لبست حجابهة و نزلت للصلة. ما شافت احد بس سيف. سيف باوعلهة و ابتسملهة ذيج الابتسامة اللي تذوب الصخر. اشواق استحت اشوي وابتسمت له. مشت للمطبخ و الدنية تدور بيها. كبل ما توصل المطبخ اغمة عليها. سيف فز من مكانه و ركض الهة. ضرب على خدها شوي و ما كعدت. ركض للباب و صاح باعلى صوته: عــــــــلـــي! يتبع... |
الجزء الخامس: علي كان بغرفة احمد جيرانه بس سمع صرخة سيف و ركض للبيت.علي شاف سيف عند الباب: ها شصار؟؟؟ سيف: روح وكف تكسي راح ناخذ اشواق للمستشفى. علي: شنو! شصاير بيها؟ سيف: بعدين اكولك هسة بس روح وكف تكسي. و علي راح ركض. سيف رجع داخل البيت و شال اشواق. علي رجع للبيت ركض: سيف يالله بسرعة...التكسي تنتضر. سيف طلع لبرة على السريع و اشواق بين ايديه. دخل التكسي و علي ركب بلكدام و سيف و اشواق بل خلف. سيف لسايق التكسي: اخي وصلنة لاقرب مستشفى بس بسرعة ارجوك. السايق: انشألله. بعد 10 دقايق وصلو للمستشفى و علي نزل و فتح الباب لسيف. سيف طلع و بيده اشواق. علي يركض مناه و مناه يدور على سكرتيرة او ممرضة. شاف السكرتيرة و ركض الها و سيف وراه. علي: لو سمحتي اختي مغمى عليها و نريد دكتور على السريع. السكرتيرة: انا جداً اسفة بس هسة عدنا حالاة طوارء هواية و لازم تنتضر. سيف كان يستمع و هوا على اعصابه. سيف: شنو ننتضر اكلج مغمة عليها ماتشوفينها بين ايدية.!! السكرتيرة شوي خافت: ارجوك نصي صوتك. سيف و هوا معصب: اسف بس على الاقل ودينه لغرفة. السكرتيرة: انشألله. السكرتيرة خابرت على ممرضة و الممرضة اجت بعد خمس دقايق. سيف كان واصل حده. الممرضة لسيف: انته زوجهة؟ سيف: ها؟ الممرضة: اسئلك انتة زوجها. سيف ماستوعب. علي كان مستغرب من ردة فعل سيف: لأ لأ هوا ابن عمتها و انا اخوها. الممرضة: اها الممرضة حطت مغذي لاشواق و بعدها بعشر دقايق اجت الدكتورة. الدكتورة: السلام عليكم الكل: و عليكم السلام الدكتورة راحت لاشواق لتفحصهة. سيف استحة و طلع و علي لحقه. خلصت الدكتورة و رجعو سيف و علي للغرفة. اشواق كعدت. اشواق تبتسم بس ماتدري شصاير. علي و سيف رجعو و قربو الهة. اشواق: شنو صارلي و انا ليش هنا؟ سيف: اغمة عليج و جبتج للمستشفى. اشواق: بس انا اتذكر انو انا كنت رايحة للمطبخ. سيف: ايه صحيح بس طحتي و همزين انا كنت بلبيت و شلتج. وجه اشواق انكلب احمر. اشواق بنفسها: يا ربي يالفشلة...هذا من اجة و هوا مسببلي الاحراج. علي: تدرين انتي صارلج تقريباً نص ساعة مغمة عليج...شنو عجبتج النومة؟ اشواق: هههه والله ما ادري. الدكتورة ناضرت ملف اشواق. الدكتورة: اشواق انتي تدرين انو حالت الفقر دم مالتج صاير سيء ولا لأ؟ اشوق: انا طحت قبل مرة بس ماكلت لاحد و اصلاً كمت ورة هجي 5 دقايق. علي: شنو؟؟؟ و ليش ماكلتينلة؟ اشواق: عبالي شي عادي. علي: اخ يا اشواق والله لو امي تدري لا هسة تموت. الدكتورة: اشواق انتي ماتشوفين وجهج اصفر و كملت ...انتي اكلتي شي اليوم. اشواق: ها انا بس اتريكت ما اكلت غدة. الدكتورة: و ليش؟ اشواق: ماحبيت الاكلة. سيف: و ليش اكلتيهة؟ اشواق بنفسها: و انتة تسئل يا ابو الاقتراحات. اشواق: ها لا بس امي كالت لي اجربها. الدكتورة: المهم انا راح اكتبلج فيتامينات و ادوية الج و اريدج تاكلين زين. اشواق: انشألله. الدكتورة: بس كبل ما تروحين لازم تاخذين ابرة. اشواق خافت: ليش؟ الدكتورة: لئن اريدج تصيرين قوية و اصلاً انتي لازم ماخذتهة كبل بس انتي ما اجيتي. اشواق: بس انا ما اريد. الدكتورة: هيا جكة وحدة زغيرونة يالله. سيف كان يبواع لاشواق وشلون كانت تحجي مثل الطفلة. اشواق تموت من الابر و تخاف من صغرها. اشواق و الدموع تجمع بعيونها: بيدي صح؟ الدكتورة: ايه و تكمل... انتضريني على مااروح اجيب الاغراض. اشواق بنفسها: اخذي كل وقتج و تسوين فضل اذا ماجبتي الابرة. اشواق: علي حبيبي انتة... اريد اعصر ايدك من اتبزني الدكتورة. علي: يووه يا اشواق انتي و الله دلوعة... شكد عمرج هسة و بعدج اتخافين من الابر. سيف شوي ضحك و اشواق لاحضت بس هيا هسة خايفة و ماعدها وقت تنحرج بيه لو تستحي. علي: افف بس راح اوكف يمج بس ما تجيسين ايدي لئن راح تعصرين الدم منها. اشواق تريد تخفف من خوفهة: ههه انشألله. سيف و علي تقدمو و وكفو يم اشواق بس هيا سدت عيونها من الدكتورة اجت و بيدها الابرة. الدكتورة خذت يد اشواق و شوي زالت الردان و سيف دار وجهه. اشواق حست بلنيدل يلمس ذراعها و رائساً لزمت اقرب يد لها بيدها الثانية. و هاذي اليد مو كانت يد علي بل كانت يد سيف... نعم الاستاذ سيف. يتبع ... |
الجزء السادس: بس اشواق هسا ما تعرف لا سيف و لا علي بس تعرف الم. شدت على يد سيف قوي و شوي الدموع انعصرن من عيونها. سيف كان يباوع الها و لبرائتها. ألدكتورة خلصت و اشواق لازالت متشبكة بيد سيف. علي انتبه عليها: هي انتي هدي ايد الولد هاي ايد سيف مو ايدي, برمشة عين اشواق هدة ايد سيف و وجها احمر. رادت تطلع من المستشفى ركض و تلبد بغرفتها لمدة قرن. اشواق ابنفسها:و الفالحة اشد بيد الولد و ما ملحكة, يا ربي يعني لازم اتفشل. سيف كان مبتسم, شعر بسعادة من اشواق كانت متشبكة بيدة, حس انو هوا الى لازم يحميها من كل شي. هوا ما كان متأكد بل ظبت شنو شعورة بس هوا كان متأكد انو كان شعور حلو. رجعو للبيت ولكو الكل كان ينتضرهم. أم علي اول ما انفتح الباب ركضت ركض أم علي:ها خير شصاير ولا حضت تعب اشواق و كملت:اشواق اشبيها؟ علي كان تعبان و ما له خلق شرح : ماما وحدة وحدة علينا سيف استلم السالفة و شرح لخالتة و الكل: يا جماعة ما صار شي بس اشواق أغمة عليها شوي و خذناهة للمستشفى. أبو علي: أغمة عليها؟ليش؟ اشواق: بابا ماكو شي بس شوية فقر دم ام سيف: ألحمد للة على السلامة حبيبتي أشواق تبتسم ابتسامة تعبانة: اللة يسلمج عمتي علي راح يريح و ابو علي راح لغرفتة يشتغل على اوراق مال شغل لأن هوة كان موضف بشركة على قد حالها. أشواق تريد تصعد لغرفتها و تريح: من رخصتكم انا اريد اريح اشوية سيف لا ارادين لزمها من ايدها و جرها: اب,اب,اب و ين رايحة و يكلم خالتة ام علي: خالة الدكتورة قالت و و صت انو لازم تاكل عدل و تتغذا. أم علي: بس كون هيه تسمع الكلام , سيف استوعب على نفسه و هد ايد اشواق الي كانت مستحية و مصدومة في نفس الوقت صعدت لغرفتها و هيه تسترجع احداث اليوم المتعبة. فكرت بسيف اللي رغم ازعاجها منه...ارتاحت له بشدة. و بدت تفكر اذا سيف يعرف بنات بامريكة و اذا هوا من النوع اللي يغازل و يتحارش. اشواق: استخفر الله و انا شكو بس بكلبها رادت تعرف كل شي عنه. اشواق استسلمت للنوم و نامت لحد صلات المغرب. مر تقريباً اسبوع و نص و كل هذاصار لاكن هسة اجة الوقت اللي الناس تزور بيه ام سيف و سيف. اجن نسوان لام سيف و طيعاً كل وحدة تريد لها شي من امريكة او هدية. اصدقاء ابو سيف اللي كانو بلعراق اجو يزورون سيف و يسائلون على الحال. زيارات الناس كانت متعبة و خاصتاً على اشواق لئن هيا كانت اللي تسوي و تقدم كل الاكل و شمس ماتساعدها هواي. اليوم كان ابوعزيز زاير سيف. ابو علي ودة سيف للمطبخ على مود يكول لاشواق تسوي شاي لئن علي كان عند احمد الجيران كل عادة. راح سيف للمطبخ و لكة اشواق تحضر شاي للنسوان. اشواق كانت كلش حرانة و العرق كان يصب من جبينها. اشواق بنفسها: اكو واحد يشرب شاي بهاذا الحر. سيف بتردد: ا...اشواق. اشواق التفتت له بس ما تفاجئت لئن اليوم كله هيا تسمع طلبات. اشواق: ها سيف؟ سيف: خالي ابو علي يريد شاي للخطار. اشواق و هيا تحس بضيق: انشألله. سيف راح يحضر ماي و من سد باب الثلاجة اصتطم باشواق اللي كانت بيدها صينية و بيها استكاين شاي للنسوان. طاحت الصينية من يد اشواق لئن الشاي الحار طاح على ايديها. اشواق و الدموع تلتم بعيونها. اييييي! سيف شافها و حط الماي على الكاونتر بسرعة. سحب ايدين اشواق على السنك و فتح الماي البارد عليهن و بداء يفرك بيهن. اشواق بقت تبجي و هيا ساكتة بس مندهشا من سيف. سيف: يا ربي و الله اسف هذا كله مني! اشواق بقت ساكتة. دخلت ام علي للمطبخ تشوف اشواق لئن تئخرت. ام علي و هيا داخلة للمطبخ: اشواق وين صــ.... ام علي ركضت لاشواق: شنو صار بيدج؟ سيف كان بعده لازم ايدين اشواق و الماي البارد يصب عليهن. اشواق استحت و جرت ايديها من ايدين سيف. اشواق و دموعها ناشفات على خدودها: لا ماما صار خير بس الشاي طاح على ايدي ...و كملت: لا تخافين ماما الحرقة مو قوية. سيف ما كال شي. ام علي: يا الله انا راح اسوي الشاي و انتي روحي ارتاحي و ضمدي ايديج. اشواف: لا مااما انا اسوي الشاي الحرق مو قوي. كبل ما ام علي تفتح حلكها سيف كال: لا بس و لا شي انا السبب بحركج و روحي ضمدي ايديج على الاقل. اشواق انكلبت حمرة و نزلت راسها. ام علي: انتا يا سيوفي اللي حركتها؟ اكيييد تغار منها ههههه. سيف: هههههه كشفتيني يا خالتي انا غيران منها لئن هيا حلوة و انا مو حلو هههه. اشواق انتهت و طلعت من المطبخ مثل البرق. ام علي: ههههههه و الله شردتها يا سيف. اشواق صعدت لغرفتها على مود تضمد ايدينها. لاكن التفكير ماخذ عقلها: هذا الولد عجيب! مرة يتئمر مرة يتئسف و مرة يصير حنون... يمكن هوا الرجل المتنكر...يووه اشواق انتي والله بايخة! بس اكوشي بيه يعجبني...لأ لأ لأ شنو كاعدة اكول اني ما اتيقه بس هوا حباب..يوه! و انا شكو! و هذا جزء من افكار اشواق اللي تجيبها منا و تردهة منا. يتبع ... |
الجزء السابع: ام سيف تحجي وي ابو سيف على التليفون و ابو سيف طلب سيف. سيف: هلا بابا شلونك ابو سيف: الحمدالله...ها يا لكاطع اسبوع و ما تحجي وياي. سيف: هههه بابا والله تعبان و بعدين خطار كل ساعة يجون. ابو سيف: المهم اريدك تحجي وي امك على انفراد. سيف: خير باب شصاير؟ ابو سيف: لا تخاف خير انشألله. ابو سيف: يا الله مع السلامة. سيف: الله يسلمك. سيف كان يفكر باللي كاله ابوه. سيف يفكر: الله يعلم شنو جاي بس انشألله خير. ما انتبه لابو علي اللي كان يصيح له. ابو علي: سيف...سيف... اشبيك سرحان؟ سيف: ها لا لا ماكو شي. ابو علي: البت صار لها ساعة كدامك اتريد اتشوف اذا تريد شاي لو لا. اشواق انحرجت من سيف و ابوها سوا. سيف: ها ايه اريد شاي بس اوكفي... انتي ايديج مو احتركن ليش شايلة شاي بيهن. اشواق و عيونها بلارض: ها لا ايدية طابن بس هسة ضمديتهن. سيف: اوكي بس ديري بالج. اشواق ما كالت شي و راحت كبل ما يوكفهة مرة ثانية. اجة العصر و الكل راح يرتاح لو يسبح او يباوع تلفزيون فام سيف لكتهة فرصة مناسبة على مود تحجي وي سيف. ام علي شافت سيف توه طالع من الحمام و شعره مبلل. ام علي: سيف الحكني لغرفتك. سيف استغرب بس تضكر كلام ابوه: انشألله يمة. كامت ام سيف و سيف لحكها. ام سيف: سد الباب وراك. سيف سد الباب و كعد بس كان خايف شوي. سيف: خير يمة شصاير انتي و ابوي خوفتوني. لم سيف: انا اليوم حجيت وي ابوك. سيف بلهفة: ايه... ام سيف: و هوا يريدك تخطب ابنية مناه. سيف تفاجء: شنو! ام سيف: شنو شنو هوا ما حدد وحدة بس كال يريدك تخطب مناه لئن كبل خطبنالك من بنات امريكة و ما عخبتك. سيف: بس.... ام سيف: ماما شنو بس؟ عمرك 25 سنة هسا و راح تخلص جامعة. و كملت: انا اريد اخطبلك اشواق بس اخاف زغيرة عليك و ما تعجبك بس انا شفت بت ام فاطمة صديقتي و بتها فاطمة كلش عجبتني. سيف: اوكفي اوكفي يمة اول شي قنعيني بلزواج لئن انا ما مقتنع. ام سيف: و ليش ما مقتنع؟ لئن نريد نخطبلك من العراق؟ خوش نخطبلك بنية من امريكة. سيف: ماما مو قصة من وين البت بس و ما كمل. ام سيف: بس شنو يا ماما؟ هسا الولد اللي بعمرك عدهم اطفال. يا حبيبي اذا تحبلك وحدة لو ابالك وحدة كولي لا تضم علية شي. سيف: لا يمة ما احب وحدة و تدرين انو انا ما اضم عليج شي بس يعني ابنضرج انا مستعد للزواج؟ ام سيف: و ليش لا؟ المادة الحمدالله و عندك شهادة بكلريوس بل هندسة و فوكاها وسيم و تخبل. انا ما وصفتلكم سيف. سيف طويل يعني تقريباً 180 سنتيميتر. و شوي اسمر و شعره اسود غامق يوصل لرقبته. يعني اختصر و اكول وسامة علراقية. سيف بعد تردد جبير: اوكي... انا موافق. ام سيف: من صدك لو كايلهة على مود ترضيني؟ لئن ما اريدك تتزيج بنية و تكرهها و تكره حياتها. سيف: هههههه لا يمة صدك اعنيها. ام سيف و هيا فرحانة: زين انا راح انطيك يوم يومين اتشوف اذا اكو بت ابالك بس انا متئكدة انو ماتعرف وحدة فانا راح ادور لك على ابنية خلوقة و حلوة. سيف: يصير خير انشألله. ام سيف: يالله حبيبي اريد اروح للجيران ام احمد وي خالتك ام علي و اشواق و شمس. سيف فز كلبه من سمع اسم اشواق. هاذي البنت تشد نضره بس ما يدري ليش. سيف: على راحتج يمة. و كامت ام سيف و سيف و طلعو من الغرفة. كانت اشواق نازلة من الدرج و لابسة تنورة لونها ازرق سماوي و ابيض و قميص ابيض و شال ازرق. طالعة كلش ناعمة و حلوة. اشواق لاكتهم و ابتسمت ذيج الابتسامة الحلوة اللي ذوبت كلب سيف. اشواق: ها عمة جاهزة؟ ام سيف: ايه حبيبتي. و نزلن لجوة و طلعن وي ام علي و شمس يتبع ... |
الجزء الثامن: سيف رجع لغرفته و كعد بس يفكر و يفكر. خلينه ندخل بعقل سيف شوي و نشوف شنو هل افكار: انا كلت لامي اني موافق بس هل انا صدك موافق... و ليش لأ يا سيف انته هسة بسن الزواج و انته دوم تحلم ببستك و عائلتك المستقبلية. اوكي انا مقتنع بس منو هاي اللي راح تكمل احلامي؟ منو البت اللي دوم احلم بيها؟ ما اريد وحدة ما اعرفها و لا شايفها. اريد و وحدة كلبي يميل الها. سيف اتذكر خطسبته السابقة بامريكة. كانت دلوعة و مايعه و افكارها ما تشبه افكاره. هوا كان عنده عادي اذا دلوعة شوي لئن الدلع حلو بس لمياء ( خطيبته السابقة) كانت كلش دلوعة و كلشي يمشي على اوامرها فسيف ماحب يكمل وياها و فصخ الخطوبة. بعدها ما فكلر بل زواج ابداً. بس اشواق مرت على باله: ليش ما اخطب اشواق؟! بس انا دوم اسمع انو هواية خطبوها من الخارج بس رفضت لئن تريد تبقة بلعراق. يووه بس انا اريدها و دخلت مزاجي. هيا صحيح ازغر مني بثمن سنين بس حلوة ... يا حلوة تخبل و حبوبة و اخلاقها حلوة. و كام يفكر بئاول ليلى من شافها بلا حجاب. انا والله ما استحي ... ما نزلت عيني عنها. استخفر الله خطية البت استحت. هسة انا ارضة يصير هيجي باختي. بس...بس شلون انزل عيني منها و شعرها جان مثل سواد الليل و بيه موجاة مثل موجاة البحر. و ابتسامتها مثل نور القمر.الشعر بدا يتكون اباله: الشعر مثل سواد الليل و موجاته موجاة البحر نجوم السماء عيونها و الابتسامة تذوب الصخر يا كمر كوم خليها تكعد مكانك الوجه يشع نور و ينسيك اهمامك الحواجب سيوف و العيون ذباحة اناضرها بقهر و هيا كاعدة و مرتاحة يا ليل....يا ليل بسني قهر ترى عقلي تعبان بس منو يسمع العقل و القلب سهران. يووه سيف كافي هذا حرام. بس لأ... هيا لازم تصير لي. و ليش مصمم عليها هيجي؟ اشلون ما اصمم عليها و كل ما اشوفها كلبي يدك الف مرة. و خجلها اللي ماكو احلة منه و نعومتها اللي ما ينشبع منها. لأ لأ لأ انا لازم اكول لامي كبل ما تخطبلي وحدة ما اريدها...لازم! اخ يا اشواق كل هذا يطلع منج! كل هذا تسوينه بيا و انا توني استوعبت. حتى صرت شاعر هههههه. بس هيا ما تريد تعيش بلخارج. شلون ترضة؟؟ انا مستعد اعيش بلعراق الها. ليش ما اعيش ببيت ابوي بلناصرية و بعدين ابني بيت يمه؟! والله فكرة بس كون امي و ابوي يرضون. سيف اصلاً ما سمع طرق على الباب لمن علي صاح اسمه. علي: ســــيــــف؟! افتح الباب... صارلك شي؟ سيف كام و فتح الباب: هلا علي علي: يا عمي خوفتني عليك صارلك ساعة بغرفتك والدنياة حارة. سيف: ههههه لا تخاف ما صارلي شي. علي: ابوي كال بعد شوي يجن امي و خالتي و نصلي و نطلع للكورنيش. سيف: سيف والله خوش فكرة ! انا مشتاق لطلعات الليل. علي: ايه والله ونسة... يا الله اخليك على راحتك سيف: لا لا تعال اكعد يمي اريد اسولف علي: اوكي بس مو بغرفتك ترى جهنم كعدو يسولفون و يضحكون بلصالة و بعد نص ساعة رجعن ام علي , ام سيف, اشواق و شمس من الجيران ام احمد. الكل صلة و ام علي و ام سيف حضرن شويت اكل ياكلونه من يطلعون. يتبع ... |
الجزء التاسع: الدنيا كانت ليل و ليالي بغداد جنة و بيها شويت هوا. سيف كان يتمشة يم ابو علي و علي. ام علي, ام سيف, اشواق و شمس كانو يتمشون يمهم همينة. السوالف و الضحك صارت على فلس. كعدو على المصطباة و كامو يسولفون. علي: سمعو سمعو انا عندي نكتة على الناصرية. سيف: افا ترى انا من الناصرية لئن ابوي من الناصرية و امي بغدادية بس يا الله كول النكتة. علي: شنو يعني انا اخاف منك؟ ههههه سيف: و ليش ما تخاف مني انا راح اصير نسيبك. علي ما افتهم: شنووو؟؟ الكل ما افتهم على سيف. اشواق انصعقت و كلبها كام يدك مثل الطبل. سيف و هوا يناضر اشواق: ايه انا راح اتزوج شمس و اخذها بعيييد صحيح شموسة. شمس: لا مو صحيح هههه سيف: يبوو انكبسنة ههههه يا الله كول النكتة. علي: اوكي هاي على خباثة الناصرية و طبعاً سيف ماشألله عليه و نعم الخباثة. الكل ضحك على كلمات علي. سيف: علي لا تتجاوز حدودك لا هسة اطلع نكتة على اهل بغداد ههههه. علي: اوكي اوكي اكو واحد من الناصرية جان كاعد بل باص يم حرامي. كاله علمني شلون ابوك. الحرامي كله اعلمك شلون تبوك بس علمني على الخباثة و اتفقو. فلحرامي باك ( صرق) جوزلان العجوز اللي يمه و كاله هاي شلون تبوك هسة علمني الخباثة. الثاني راح و كام يصيح بل باص: حرامي! حرامي! الكل فطس من الضحك. ابو علي: ههههههههه هاي حلوة بس انا شايف ناس الناصرية و هم بعيدين عن الخباثة. سيف: احم احم شكراً خالي. ابو علي: هههههههه و الله انتم عدكم سوالف. و الليلة كضت على السوالف و الضحك. الجزء العاشر: رجعو للبيت و ام سيف دخلت لغرفة سيف و انتضرته على ما يجي. سيف دخل لغرفته و تفاجئ من امه بس لكاهة فرصى على مود يحجي وياهة على اشولق. ام سيف: سيف تعال اريد احجي وياك. سيف: حتة انا يوم. ام سيف: سد الباب و تعال اكعد يمي. سيف سوة اللي كالته و اجة و كعد. ام سيف: انا ادري انو انطيتك يومين على مود تشوفلك ابنية بس انا اليوم انعجبت ببت ام احمد الجيران. و الله بنية حلوة و خلوقة و اصلاً هيا صاحبة اشواق بس عمرها 23 سنة. سيف: اوكفي اوكفي يمة انا ما اريدها. ام سيف: اصلاً انتة ما شايفها هيا كلش حلوة و اخلاقها احلة بعد. سيف: بس انا لكيت وحدة و ما راح اخذ غيرها. ام سيف: صدك؟ منو هيا؟ اعرفها؟ سيف : كلش اتعرفينهة و اتعزينهة. ام سيف تفكر: منو منو؟ ..... و كملت: يووه سيف كللي! سيف: ههههه اوكي لا تعصبين. سيف بابتسامة خبيثة: هيا هيا هيا....بت اخوج اشواق. سيف فرحت لكن رجعت كشرت: يا سيف كتلك انو انا ردت اخطبها الك بس هيا ما تريد واحد من الخارج ... تريد تبقى بلعراق. سيف: اوكي و انا موافق. ام سيف انصدمت: شنو؟ و احنا؟ انا ما استغني عنك يا سيف انتة ابني! سيف: يوم والله انتو على عيني و راسي غيرها ما لااح اتزوج. ام سيف: حتى اذا من امريكة؟ سيف: لا من امريكة و لا شي.....و كال باصرار: و غيرها ما اريد. ام سيف اتعجبت من سيف: حبيبي اذا صاير شي بيناتكم كلي. سيف: يوم تريدين الصدك؟ ام سيف: لا اريد الجذب... شنو هاي طبعاً اريد الصدك. سيف بتردد: انا...انا ....اتنفس بعمق و بعدين كال: انا احب اشواق. ام سيف انصدمت..سيف خاف لا امه غضبت عليه. سيف: ماما شنو زعلتي؟ والله ما قليت ادبي وياهة اذا هاذا اللي خايفة منه. ام سيف: لا حبيبي انا اثق بيك و اعرف انو ما راح تسوي شي لبت خالك.. انا اتمنة انو تتزوج اشواق بس شلون و انتة ما تعيش بلعراق؟ سيف: اذن اعيش هنا...انا فكرت انو اكدر اعيش ببيت ابوي بلناصرية على ما ابني بيت يمه. ام سيف: اوكي خلينا نكول انو انا وافقت على فكرتك... ابوك شلون يوافق؟ سيف: انا ادري انو شي صعب بس انا اكدر اجي ازروكم و انا راح احاول وي ابوي و انتي همينا حاولي وياه يوم ارجوج. ام سيف و الدموع بدت تنزل من عيونها: والله صعبة افارقك و اخليك هنا. سيف قرب منها و حضنها: ماما والله ادري و انا راح اشتاقلج موووت بس والله ما اكدر اخذ غيرها. ام سيف مسحت دمعاتها و تنفست بعمق سيف بترجي: يمة ارجووووج! ام سيف بعد تفكير طويل: اوكي راح احاول افاتح ابوك بلموضوع بس اريد اعرف شي واحد: انته شلون حبيتها بهل سرعة: سيف بشويت خجل: ههههههه يمة والله ما ادري بس دخلت كلبي و اكو هواي شغلات بيها تنحب و فوكاها عدها جمال ملأكي. ام سيف ارتاح كلبها شوي: ههههههه يا حبيبي انتة سيف: ههههههه ام سيف: اوكي ياالله انا راح اروح انام و انشألله باجر اححجي وي ابوك و انشألله يوافق... يا الله تصبح على خير. كبل ما تطلع من غرفتها سيف باسها على راسها: و انتي من اهله يا احلى و اروع ام بلدنيا! يتبع... |
نور ياكمر كصة هواية جنن بانتظار جديدج اخت نور كملى باكي الكصة |
الجزء الحادي عشر: سيف كان يشعر بسعادة لان كال لامه اللي بداخله و نياته و لاكن كان خايف من ردة فعل ابوه و كان خايف اكثر من جواب اشواق. سيف بنفسه: اه يا اشواق ...شنو سويتي بياه..؟ بس كون ما ترديني ...و الله اذا رفضتيني راح انجن...ايه تصير ليش لأ تكدر ترفضني و تتزوج واحد ثاني... واحد ثاني؟ الغيرة بدت تسري في قلب سيف.. منو هذا تعيس الحض اللي نهايته راح تكون على ايدي؟. استخفر الله! .. انا وين سرحت؟ هسة خلي امي تحجي وي ابوي و يصير خير انشألله. يا رب.. يارب اجعلها من نصيبي يا رب!. سيف ما كدر يفكر اكر من هيجي فراح نام. الصباح التالي: ام سيف كانت بلغرفة تحجي وي ابو سيف و تحاول تقنعه. ام سيف: يا حسام الولد هيجي يريج. ابو سيف: سحرشلون اكدر اعيش و ابني ببلد ثلني؟ ام سيف: ادري والله ادري هيا هم صعبة عليا بس انا اريد راحته و ما اريجه يعيش حياة تعيسة وي وحدة ما يحبها و ما راغبها. ابو سيف ساكت: .... ام سيف: ها حسام شكلت؟ ابو سيف: و الله ما ادري بس منو يكول البت توافق؟ ام سيف: هيا صدك ما تريد واحد من الخارج بس سيف مستعد يعيش بلعراق. ابو سيف: والله انا ما شايف واحد يضحي هل كد لبت؟ ... هوا يحبها صحيح؟ ام سيف سكتت ابو سيف: سحر كلليلي ام سيف: هوا... هوا كالي انو يحبها. ابو سيف: والله انا فرحان له بس خوفي ينكسر كلبه مرة ثانية و ماتوافق. ام سيف: لا انشالله توافق بس هسة انتة وافقت؟ ابو سيف: ايه وافقة و انشألله الله يوفقه. ام سيف رادت تغير السالفة: خلينة شوي من سيف..انتة شلوونك؟ ز شلون زهورة و حمودي؟ ابو سيف: ابخير الحمد لله... و كملو حديثهم. سيف كان بلصالة و كائنه كاعد على جمر. ابو علي: سيف اشبيك كل ساعة تباوع على الدرج؟ سيف: ها لا بس امي شوي طولت على التليفون وي ابوي و اني هم اريد احجي وياه. ابو علي: ههههه هل كد مشتاق لا تخاف هسة راح تخلص: سيف اكتفة بابتسامة بس في نفسه: والله لو تعرف يا خالي شنو امي كاعدة تكول لابوي جان ما كلت هل حجي. نزلت ام سيف..... يتبع ... |
الجزء الثاني عشر: نزلت ام سيف و بيدها التليفون ( موبايل) ام سيف: سيف حبيبي هذا ابوك يريد يحجي وياك. سيف كام و اخذ الموبايل من امه بس بكل خطوة ياخذ خوفه يكبر. سيف دخل لغرفته و ام سيف و ابو علي بقو بلصالة. سيف: الو ابو سيف: هلا سيف شلونك؟ سيف: هلا بابا شلونك و شلون زهراء و حمودي؟ ابو سيف: الحمدلله كلنا بخير بس انا اريدك تسوي شي. سيف و هوا قلق: خير بابا؟ ابو سيف: اريدك تحضر جنطتك انتة و امك و ترجعون بسرعة لهنا. سيف طاح قلبه...يا ربي اكيد ما وافق: ليش؟ بابا احنا ما كملنا اسبوعين هنا. ابو سيف: امك كالتلي على نياتك مال الزواج و انا رفضت رفض حاد و يا الله سرع بجيتك. سيف حس بكل احلامه تتكسر...لا لا مستحيل ابوي هيجي يسوي! سيف: بابا ارجوك...ارجوك افهمني و فكر بلموضوع. ابو سيف: سيف كافي ما اريد اسمع هاذا الحجي و سوي اللي كتلك عليه. سيف كان يريد يصرخ او بسوي اي شي بس عمره ما قل ادبه وي ابوه. سيف: بس بابا...والله...والله ما اكدر. ابو سيف: لا بس و لا شي انتة راح تتزوج اشواق يعني راح تتزوجها. سيف اتخبل...يا رب..يارب..اشكرك يا الله! ابو سيف: ههههههههههه شنو سيف حسك ضاع؟ سيف: هههههههه اخ يا بابا شنو هل مقلب ... والله طيحت كلبي بلكاع! ابو سيف: ههههه لا لا تخاف انا اول شي ما وافقت بس بعدين كلت يا الله.. الله يوفقه. سيف: ياربي بابا لو تعرف انا شكد فرحان هسة! ابو سيف: شنو هاي شنو مسويتلك اشواق هل كد تحبها؟ هههههه بلصدفة اشواق كانت مارة من يم غرفة سيف على مود تريد تروح للمطبخ و سمعت سيف يكول: بابا والله احبها...احبها...جننتني! ههههه اشواق حست بلغيرة تخترق جسمها بس هيا استغربت من حالها. الاسئلة كانت هواية بعقل اشواق: منو هاي اللي يحبها؟ و شلون شكلها؟ و شكد عمرها؟ اكيد دمها ثقيل مثله! استخغر الله من الشيطان الرجيم! ليش كل هل اسئلة؟ انتي ماببينج و بينه اي شي...هوا ابن عمتج... و انتي بت خاله لا اكثر و لا اقل...بس احس بشي..لا لا اكيد متوهمة...اشواق استوعبي على نفسج هاذا الاستاذ سيف ابو الاوامر و تذكرت اول ايامه عندهم...بس.. بس هوا هم سيف ابو الحنية و الضحكة الحلوة.... ياربي شنو يعني تحبيه؟ احبه! لأ لأ مستحيل و شلون؟ بس شنو هاذا الاهتمام الغريب؟ سيف طلع من الغرفة و الابتسامة شاكة الحلك و الدنيا ما سايعته و شاف اشواق واكفة بباب المطبخ و تفكر...كام يتئملها بدون ما تحس سيف بقلبه: آه يا اشواق..توافقين عليا و لا شنو؟ اشواق حست بواحد يباوعلها و التفتت و شافت سيف و استحت و ارتبكت لان عرفت انو هوا مستغرب من وكفتها بباب المطبخ و تفكيرها العميق. دخلت للمطبخ و راحت تشرب ماي. سيف و ام سيف اتفقو انو ام سيف تفاتح ام علي بلموضوع هذا العصر. على الغدا سيف كان مرتبك و بس يفكر. ابوعلي انتبه له. ابو علي: سيف اشو ما تاكل بيك شي؟ سيف: ها...لا لا خالي بس امس شوي ما نمت زين. ام علي: تريد تروح ترتاح؟ سيف: لا لا خالة هسة اكل و اصير مثل الحصان ههههههه. و كملو الغدا لاكن عقل سيف بقة مشغول. الساعة صارت 5:30 العصر و ابوعلي راد يطلع للكهوا فحب ياخذ علي و سيف وياه. سيف وافق لان اذا ضل بلبيت اكثر راح يتوتر من التفكير. و علي طبعاً وافق لان يحب الطلعات. ام سيف استغلت هاي الفرصة على مود تحجي وي ام علي بموضوع سيف. اشواق كانت فوك بغرفتها بس شمس بلصالة و كامت راحت للغرفة بعد مازهكت من الملل. فضلن بس ام علي و ام سيف بلصالة. التلفزيون كان مشغل بس ام علي ما كانت متابعة البرنامج. ام سيف: نجلاء.. ام علي: هلا سحر ام سيف: عندي موضوع وياج بس ما اعرف شلون افاتحج بيه. ام علي: افا يا سحر انا مثل اختج اتفضلي. ام سيف: والله انتي اكثر من اختي ..و كملت انا اريد اخطب لسيف. ام علي: على الخير و البركة انشأ الله. ام سيف ابتسمت: الله يخليج حبيبتي بس ما عرفتي منو البنية. ام علي: انا متئكدة انو راح تخطبين له من احلى البنات. ام سيف ابتسمت: ابهاي صدكتي بس البت اشواق. ام علي تفاجئت و فرحت: والله فرحتيني و انا اعز سيف مثل ابني و اكثر بس انتي عارفة بلي تريده اشواق و احنا ما نكدر نغصب بتنا على شي. ام سيف: ههههه لا من هاي الجهة سيف حاسب احسابه. ام علي: هههههه شلون؟ ام سيف: شايفة بيت ابو سيف بلناصرية... راح يكعد بيه على ما يبني بيت يمه. ام علي: والله انا افرح اذا اشواق وافقت لان اذا هيا وي سيف ما اخاف عليها بس تدرين لازم اجبرها و اخبر ابوعلي. ام سيف: لا طبعاً لازم و على العموم مهما قررت اشواق نبقة اهل و احباب. ام علي: طبعاً حبيبتي و انشأ الله نصير اكثر من احباب و اللي كاتبه الله يصير. ام سيف: ايه والله كلشي قصمة و نصيب. ام علي و ام سيف بقن يسولفن و بعدين رجعو ابو علي و سيف و علي من برة. ابو علي, سيف, علي: السلام عليكم ام سيف و ام علي: و عليكم السلام ابو علي: لعد وين البنات؟ ام علي: فوك ام سيف كانت تنضر لسيف و هيا تبتسم و سيف افتهم انو امه فاتحت ام علي بلموضوع. هوا ارتاح بس بدا الخوف من جواب اشواق يلعب براسه. استئذن و راح للحمام (تكرمون) يسبح لان الجو كان موت حر. اشواق طلعت من غرفتها و نزلت جوة لان الملل كتلها بغرفتها و ماعندها شي تسويه. راحت للصالة و شافت الكل مجتمع بس سيف و شمس توها نازلة. كعدو يحجون و يسولفون بس فجاةً سمعو صوت. سيف بلحمام (تكرمون) يغني: بدي حبك شو التي ابلتي ولا ما ابلتي...بدو يحبك شو التي ابلتي ولا ما ابلتي....صوته كان كلش حلو. علي: اكوول منو بلحمام... طلع ملحم زين ههههههههههههههههه. و الكل ضحك على سيف و علي. سيف ما كان يدري انو هوا كان مسموع لهل درجة بس كان يغني هل اغنية لان كان يفكر بجواب اشواق ( لو هيجي العشاق ولا بلاش هههههه). بلصالة: ام سيف: اكول ابو علي...صارلنا فوك الاسبوعين هنا و ما طالعين بعيد. ابو علي: وين تروحين يا ام سيف بهل وضع. ام سيف: ايه ادري بس بغداد اخطر من الاماكن الثانية. ابو علي: لعد نروح لكربلاء على مود نزور الحسين و العباس و بعدها انشأالله نروح للبصرة و الناصرية و يمكن الكوت. ام علي: ايه والله انا من زمان ما رايحة زايرة الايمة. علي فرح على الطلعة و همينة شمس. علي: والله ونسة من زمان ما طالعين. ام سيف: زين يا ابو علي انشألله بنهاية هل اسبوع احنة نروح لكربلاء. بعد عشر دقيق طلع سيف من الحمام (تكرمون) و شعرة كان مبلل و طويل شوي فطالع كلش وسيم. راح لغرفته و بدل و رجع للصالة. ام سيف: سيف تونه جنة نحجي على روحتنا لكربلاْ و البصرة و الناصرية و الكوت بنهاية هل اسبوع... اشرايك؟ سيف ابتسم: الله فكرة حلوة بس انا همينة اريد اروح للموصل و لكركوك و زاخو. ام علي: انشألله من نخلص من الزيارة يصير خير يتبع ... |
الجزء الثالث عشر: مرت الايام واجه نهاية الاسبوع. الكل كان مجهز اغراضه للزيارة. صعدو بسيارة ابوعلي الكبيرة و حملو اغراضهم اللي ما كانت هواية. بل سيارة ابو علي ساق لمدة ساعة و تعب. سيف لاحض تعب ابو علي. سيف: خالي خليني اسوق عنك شكلك تعبان. ابوعلي: لا لا خالي بعد هيجي اقل من ساعة و راح نوصل و اصلاً انتة ما تندل الطريق. سيف: لا شل قصة خالي بس دليني و انا اسوق. ابو علي: يا الله هسة راح انزل و انتة تعال سوق. نزل ابو علي و سيف راح بمكان السايق. شغل السيارة و بدا يسوق. ام سيف؛ ام علي؛ و ابو علي كانو يحجون على الوضع اللي بلعراق و شنو صار بغياب ام سيف. علي وشمس كانو يسولفون و يضحكون. اشواق كان الملل كاتلها.سيف باوع بلمراية و شاف اشواق شكلها زهقانة و تلعب باصابعها و عيونها بلارض. حست بواحد يراقبها و شالت عيونها و شافت عيون سيف بلمراية. نزلت عيونها بسرعة و كلبها كام يدك. سيف نزل عيونه و سرح لبعيد. بعد تقريباً ساعة الا ربع وصلو لكربلاء. قررو انو يئجرون غرفتين بفندق لان ماعدهم قرائب بكربلاء. ام سيف كانت خايفة من سالفة الفندق خاف يتفجر او شي بس سمت بسم الله و توكلت عليه. اول يوم راحوللحسين عليه السلام و زاروه. ام سيف كانت تبجي بشباك الحسين و هيا تدعي بقلبها و حست بارتياح بعد ما صلت و دعت لله. سيف صلة و قرة دعاء و اندعة اله و لعايلته و للمسلمين و للمسلمات جميعاً ( اللهم افرج عن العراقيين و الاجمعين و زيل هل غمة عن هاذي الأمة). بس سيف دعة من كل قلبه انو الله يوفقه وي اشواق و يهديهة و يخليهة توافق عليه ( خطية الولد رايح بيها ههههههه). بعدها زارو الامام العباس عليه السلام. انتهن الاربع ايام و خلصة الزيارة اللي ريحت قلوب الكل و خاصتاً قلب سيف و امه. قررو يروحون للناصرية بل ساعة 8 الصبح و هسة الساعة 5 الفجر. صلو صلاة الفجر و رجعو نامو. صارة الساعة 8 و سيارة ابو علي اتحركت باتجاه الناصرية. بعد تقريباً 3 ساعات وصلو و راحو لبيت ابو سيف اللي ما ساكن بيه احد بس صديقه ابو حسين يمر عليه من فترة الى فترة و يطمن عليه. دخلو ببليت اللي كان اكبر من بيت ابو علي ببغداد بشوي. البيت بيه خمس غرف و ثلاثة جوة و اثنين فوك. قررو انو ابو علي و ام علي ينامون بلغرفة الاولة و علي بلغرفة الثنية و سيف بلغرفة الثالثة. اما ام سيف و اشواق و شمس بلغرف الثنين اللي فوك. اشواق فرحت لان عمتها الغالية راح تنام وياهة و تكدلر تسولف و ياها شكد ما تريد. مر اليوم على خير و العايلة شوي تعبانة من كثر السفر بلسيارة. الكل راح ينام بغرفته و رغم انو اشواق كانت تعبانة رادت تحجي وي عمتها للصبح. اشواق دخلت للغرفة و كعدت على السرير و بعدها بخمس دقايق دخلت ام سيف وراهة. اشواق ابتسمتلها ابتسامة حلوة و ام سيف ردت الابتسامة و بقلبها تكول يارب تكونين من نصيب ابني. اشواق: عمومتي الحلوة عندج وقت نسولف اني وياج لو تريدين تنامين؟ ام سيف: ههههههه مع اني تعبانة شوي بس همينا اريد احجي وياج و اصلاً احنا ما قضينا وقت هواي ويا بعض. اشواق اوتسعت ابتسامتها و ام سيف قربت الها لمن كعدت يمها على السرير و حطت ايدها على كتف اشواق. ام سيف (سحر): اوكي هاي انا كاعدة يمج..كلليلي شمسوية هل ايام؟ شلونج؟ و كملت: على فكرة سيف انطاني الكرت اللي كاتبته الي...و يجنن و ضمتها. اشواق: هههههه تستاهلين اكثر يا احلة عمة بل عالم. ام سيف: حبيبتي انتي.....اشواق اريد افاتحج بموضوع و ارجو انو ما تتحسسين منه. اشواق بئهتمام: تفضلي عمة. ام سيف: اشواق حبيبتي انا راح اكولج هل شي لان انتي مثل بنتي و اريد الجواب منج. اشواق ما افتهمت: جواب شنو؟ ام سيف: عزيزتي اشواق بما انو امج و ابوج لازم يفاتحونج بلموضوع انا راح افتحه وياج لان احس انو انتي تفهميني اكثر...و كملت: انتي كبرتي ما شأ الله عليج كاملة و مكملة و الكامل الله. اشواق: ايه ام سيف: بلمدة اللي قضيناها ببيتكم سيف انعجب بيج... ام سيف دارت وجهة لاشواق على مود تشوف ردة فعلها. شنو اكوللكم عن اشواق؟ اشواق من سمعت اخر كلمات عمتها و كلبها وكف. هاذا غير الخجل اللي سبب وجها ينكلب احمر و اخضر و اصفر هههههههه. ام سيف لاحضت شرود اشواق: حبيبتي ادري انو انا احرجتج و همينا صدمتج بس خليني اكمل للاخر. اشواق و صوتها شوي و يختفي: تفضلي عمتي ام سيف ابتسمت و كالت لاشواق اللي دار بينها و بين سيف و شلون كان مصمم عليها و ما يريد غيرها و هاذا سبب الفرح يتطاير من قلب اشواق و لكن الخوف و التردد كان له وجود في قلب اشواق. كملت ام سيف و كالت لاشواق انو سيف مصمم يعيش بهاذا البيت على ما يبني بيت يمه. ام سيف قصت عليها قصة خطبة سيف السابقة اللي خلت الغيرة تسعر في قلب اشواق. و بعد ما خلصت ام سيف من الكلام كالت: ههههههههه ادري طولت عليج بلكلام بس هسة تكدرين تسئليني عن اي شي تحبينه. اشواق تذكرت المرة اللي سمعت سيف يكول بيها احبها و الله احبها..هيا جننتني. الغيرة باشواق كانت فوك ما تتصورون بذيج اللحضة. رادت تدخل الغرفة و تخنق سيف و تخنق حبيبته مرة وحدة هههههه( البت صارت مجرما ههههههه). الحيرة بانت على وجه اشواق و سؤال كان محيرها: شلون يخطبني و هوا يحب وحدة؟؟ لا يكون مغصوب علية؟!! لا لا شلون؟ يمكن يقصدني انا ؟ انا لا لا مستحيل...هوا انعجب بيا بس مو حبني...صحيح؟ الفضول راد يكتلها و قررت تسئل عمتها. اشواق بعد تررد كبير: عــ...عمتي عندي سؤال بس لا تزعلين مني. ام سيف بكل حنان: حبيبتي مهما صار ما راح ازعل منج ...اتفضلي. اشواق: سيف...سيف مو يحب؟ ام سيف ابتسمت و كالت بكل ثقة: ايه يحب. اشواق انصدمت....حست و كأنو واحد صفعها بكل قوة... بلحضة تجمع الدموع بعيونها. اشواق بنفسها: ليش يا عمتي تكوليلي هيجي؟ ردتج تدفنين شكي بس اكدتيلي بان سيف يحب...ايه يحب..يحب غيرج يا اشواق غيرج...يا ربي راح يجنوني! شلون يخطبوني اله و هوا يحب وحدة ثانية؟ و شلون يريدني و و هوا يحب وحدة ثانية؟ ما يحسون بمشاعري؟! مايحسون! و اخيراً نزلت دمعة من عينها و بعدها نزلن انهار من الدموع. اشواق بدت تشهق بلبجي: ش...شلون تكوليلي هيجي يا عمتي؟ عبالي انتي تحبيني؟ و شهقت مرة ثانية: ليش تخطبيني اله و بعدها تكوليلي هوا يحب وحدة ثانية؟ ليش؟ و بدت تبجي مثل الطفلة ( خطية البنية بعدهي زغيرة هههههه). ام سيف ندمت على اللعبة اللي لعبتها: حبيبتي انا ما كتلج منو يحب.. و ما كملت كلامهة و الى اشواق تكول: ما اريد اعرف ! ما ريد ! و غطت وجهة بايدينها. ام سيف و هيا تلم اشواق و لامت نفسها اكثر على اللي سوته: حبيبتي... اشواق سيف يحبج انتي...انا بس كنت العب عليج بس الضاهر زودتها شوي هههههههه. اشواق اشكد انصدمت اليوم بس هاذي اكبر صدمه الها. اشواق بطلت تبجي و سرحت...سرحت لبعيد. ام سيف: اشواق؟ وين سرحتي؟ اشواق و هيا تمسح الدموع اللي بدن يجفن: ها لا بس افكر. ام سيف: على العموم حبيبتي امج خبرتني اليوم بان هيا حجت وي ابوج و هوا موافق بس يريدون يحجون وياج بلموضوع و انتي تعرفين انو القرار الاول و الاخير الج و مهما قررتي نضل اهل و اكثر اوكي؟ و ترى انا اسفة على اللعبة اللي لبعتها ...هههههه الضاهر ما تتحملين هههه. اشواق خجلت شوي لان صدك حست انو بجت زايد عن اللزوم. اشواق: لا عادي عمتي و انا همينا زودتها شوي هههههههه. ام سيف و هيا تغطي نفسها: يا الله حبيبتي تصبحين على خير. اشواق: و انتي من اهله. بال اشواق كان مشغول للغاية. رادت تطلع اللي بقلبها. قررت تتصل على صديقتها اسراء اللي هيا صديقتها الروح بلروح بس ما كانت تتصل بيها هواية هل فترة بسبب انشغالها بعمتها. شافت الساعة تئشر على 11:30 بلليل. اخابرها لو لا؟ بس اذا ما افضفض الها راح انفجر! طلعت تليفونها من الدرج و خابرت على اسراء. اسراء شالت التليفون: الو اشواق براحة: شلونج سراوي؟ اسراء بفرح: اشواق؟! هاذا تليوفونج؟ ما عرفت الرقم غريب علية....و كملت: وينج ياالقاطعة ما تتصلين ولا شي. اشواق: ههههههه حبيبتي والله مشغولة اسراء: يا الله ميخالف نسامحج لهل عيون الحلوة هههههه. اشواق: ههههههه شنو هاي تتغزلين بيا؟ و كملت بصوت مهموم: اسراء اريد اكلج شي. اسراء خافت على اشواق: خير انشأ الله... اشواق: انا...انا انخطبت. اسراء فرحت: صدك؟؟!!مبروووووووووك! كلللللللللووش! و اتمختري يا حلوة يا عروسة هههههه. اشواق: هههههههه لج انتضري ما عرفتي منو عريس الغفلة. اسراء: ليش منو؟ اشواق: تتذكرين ابن عمتي سيف؟ اسراء قاطعتها: لا تكولين الاستاذ سيف؟ هههههههههههه. اشواق: ايه الاستاذ سيف ههههههه. اسراء رجعت للجدية: و اشراح اتسوين؟ اشواق بهم كبير: والله مادري اسراء: بس اوكفي هوا مو عايش بلخارج شلون توافقين؟ و لا غيرتي رايج؟ اشواق: لا لا عمتي كالتلي انو هوا مستعد يعيش هنا على مودي. اسراء: الله الله..على قيص ههههههه بس و عائلته؟ اشواق: هاذا اللي محيرني...شلون اكطعه من عائلته هاذا حرام..بس هوا اسراء: هوا شنو؟ اشواق بحزن و خجل ممزوج: هوا...يحبني اسراء: شنوووو؟1 اشواق: اي! زرفتي اذني من صوتج....هاي اشبيج اكلج يحبني. اسراء: الله يا اشواق صرتي حبيبة الاستاذ سيف ههههههه. اشواق: اسراء مو وكته هل حجي والله راح اموت من التفكير...ردت هل سفرة تكون حلوة بس امبين راح اقضيها كلها هم بهم. اشواق حست روحها راح تبجي مرة ثانية فابتعدت عن سرير عمتها و طلعت للبلكونة الزغيرة بلغرفة و بدت تبجي. اشواق من بين بكائها: اسراء والله ... مادري شسوي انا بعدني بهل عمر و كل هاذا يصيرلي ... ما اريد ابتعد عن اهلي... و لا اريده يبتعد عن اهله. اسراء اتقطع قلبها على اشواق: اشواق حبيبتي هل شي ما يستاهل كل هل دموع... هيا عمتج كالت انو هيا راضية على سيف اذا يعيش هنا؟ اشواق: ايه كالتلي انو هيا ....اقتنعت باقتراح سيف. اسراء: و ابو سيف؟ اشواق: ايه...هم وافق. اسراء: اذن انتي ما جابرته على شي. اشواق: بس راح يكون بعيد عن اهله و انا السبب. اسراء: اوكي... خلصي من الشغلة كلها و رفضي. اشواق انصدمت: ارفض؟؟! اسراء: ايه ليش متعجبة....رفضيه اذا انتي راح تحسين بذنب. اشواق: شلون ارفضه و هوا..هوا ..تعرفين اسراء رادت تلطف الجو: اووي اوي على قيص و ليلى.. سامحيني نسيت ههههه اشواق ضحكت من بين دموعها. اسراء: ايه هيجي ابتسمي للحياة...تبتسملج بس هسة كوليلي شنو قررتي؟ اشواق: اووف و الله مادري اسراء: اوكي خليني اسئلج سؤال بس جاوبيني بصراحة...انتي تحبين سيف. اشواق: ها...لا..لا اسراء: اشواق..علية هل حجي؟ و حتى اذا تحبينه هذا مو حب حرام لان ماسويتي شي انتي بس هوا انعجب بيج. اشواق: ادري...بس...اوكي..راح اكولج انو هوا عزيز علية ..ها ارتحتي؟ اسراء: حبيبتي اشواق انا اريدج ترتاحين.. و انا اكول اتوكلي على الله و وافقي مادام حبه الج صادق و انتي تعزينه هههههه؟ اشواق: ههههه صدك؟ اسراء: لابس العب عليج!.. ههههه..طبعاً صدك اشواق اشواق: اوكي اوكي....تدرين انا ما استحي ..مخابرة عليج بهل وقت اشكيلج همي و ما سئلت عليج. اسراء: ههههههه رحت بلرجلين اني...و كملت بلهجة المصرية: الله على الضالم! ربنا ياخدك! هههههههههه. اشواق: ههههههههه لا والله سراوي اشيلج على راسي. اسراء: ايه ايه هاذا الحجي الحلو...كملي كملي هههههه. اشواق: ودي اكمل بس راح انام على التليوفون ههههههههه محتاجة شي؟... اسراء: ههههه لا لا سلامتج يا الله مع السلامة و تصبحين على خير. اشواق: و انتي من اهله. دخلت للغرفة مرة ثانية و راحت للسرير و نامت بعد ما كلماة اسراء ساعدنها. يتبع ... |
الجزء الرابع عشر: الكل كان كاعد على سفرت الطعام بلصباح التالي حتى اشواق اللي نامت متئخرة. الكل كان ياكل بصمت الى شمس و علي اللي كانو يتناقشون على الاماكن اللي يريدون يزورونها.ههههههه. شمس لعلي: صاحبتي كالت اكو منتزه بلبصرة كلشش حلو ..و وجهت كلامها لابوها: ميخالف نروح بابا؟ ابو علي ابتسم الها: حبيبتي حسب الوضع بس انشأالله نكدر نروح شمس فرحت و كملت اكلها. سيف خلص من اكله و قام: الحمد لله انشأالله دايما ابو علي: وين ما اكلت شي سيف: لا خالي شبعت الحمد لله سيف راح للحمام (تكرمون) و غسل و بعدين راح للصالة و شغل التلفزيون. دار القناة على العراقية و لكة الاخبار تقول: عاجل: انفجار سيارة مفخخة في بغداد سبب استشهاد تقريباً 30 سخص و جرح 17. سيف بقلبه: استغفر الله ... لا اله الا الله... الحمد لله انو ما كنا ببغداد. اغلق التلفزيون بعد ما الاخبار عكرت مزاجه و لكة امه و خالته و اشواق يلمن الاكل. راح كعد يم خاله و بدة يحجي وياه بئمور مختلفه. بلمطبخ: ام سيف راحت للحمام ( تكرمون) بعد ما ساعدت ام علي و اشواق. ام علي حبت تفاتح اشواق بموضوع الخطبة باقرب وقت ممكن لان حست بان الشغلة طولت. ام علي: حبيبتي اشواق ورا ما تخلصين من غسل الصحون لحكيني لغرفتي. اشواق: انشأالله بعد ربع ساعة اشواق خلصت من الشغل و راحت لامها. دخلت الغرقة و سدت الباب وراها..... بعد نص ساعة ام سيف طلعت من الغرفة مبتسمة و خلت وراها بنية خجولة و خدودها مشتعلات من الحياء هههههه بعد شوي ام علي خبرت ام سيف بموافقت اشواق. ام سيف طارت من الفرح بس ما حبت تخبر سيف بهل وقت لان تعرف انو راسه راح ينشغل. اما اشواق فسالفتها سالفة هههههه. البنية ماتكدر تواجه احد من الحياء و حاشرة روحها فوك و ما تنزل الا بلاوقات الضرورية هههههه. (مو هاذا تسونه يا بنات لو هاي بس حالة خاصة؟ ههههههه). قضو تقريباً خمس ايام بلناصرية و بعدين راحو للبصرة حسب طلب الست شمس. بس راح يقضون بلكثير يومين لان الشغل خابرو ابو علي و يريدونه يرجع. وصلو للبصرة بلساعة 12 و نص بلضهر و الدنيا كانت حااارة. وصلو للفندق و نزلو اغراضهم بلغرف. اجرو غرفتين..وحدة للرجال و وحدة للنساء. طبعاً الكل كان تعبان من السفر و من الحر فتقريباً الكل راح نام ماعدا سيف اللي بعده يفكر بجواب اشواق. قرر يسئل امه قبل ما تروح تنام. طلع من غرفتهم و راح طق الباب على غرفة النسوان. شمس ركضت و فتحت الباب اله. شمس و الابتسامة ما تفارق وجها: ها سيف ...اشردت؟ سيف نزل روحه على مود يصير تقريباً بطول شمس: حبيبتي شموسة روحي صيحي لامي و كوليلها سيف يريدج ضروري. شمس: حااضر..و راحت ركض لام سيف. ام سيف كانت توها حاطة راسها على المخدة و تريد تنام. شمس اجت و هزت كتاف عمتها: عمة سحر..عمة سحر... قومي سيف يريدج ضروري. ام سيف كعدت و هيا متضايقة. ام سيف: شيريد سويف؟ شمس: هههههههه مادري شيريد سوبيف بس كال يريدج ضرووري. ام سيف: اوكي انا جاية ... هوا بلباب. شمس: ايه ام سيف كامت من فراشها و راحت لسيف. ام سيف: ها سيف خير شصاير؟ سيف دخل للغرفة شوي على مود ما يحجون بلباب. سيف بصوت ناصي على مود محد يسمعه: يمة انا لازم اعرف شي... اشواق...اشواق وافقت لو لا؟ و كمل : اذا ما وافقت كليلي يمة..لا تضمين علية. ام سيف حست انو هيا صدك طولت و ما كالتله: لا حبيبي سيف ابشرك اشواق وافقت. سيف طاار من الفرح: وافقت؟؟؟ و بصوت عالي: صدكــــ! ام سيف: اشششش نصي صوتك الناس نايمة خاف يسمعوك! سيف: ههههههه اسف يمة بس والله فرحت... ام سيف ابتسمت من كل قلبها: انشأالله دوم مو يوم يا رب و الله يوفقك حبيبي. سيف: مشكورة يمة مشكوووورة ام سيف: العفو حبيبي.. و يا الله اطلع برة ازعجتنا هههههه سيف: ههههه اكي ام سيف: سيف اوكف سيف: ها يمة ام سيف: خليك طبيعي هل يومين ..و بعدين من نرجع لبغداد نتفق على كلشي. سيف: انشأالله و طلع من الغرفة و الفرح باين بعيونه. يتبع ... |
مشكوره نور على الروايه
وينتظار البقيه . وعندي كم كلمه مافهمتها اذا ممكن تعلمين معناتها دمت في رعايات الله |
نور حبيبتي كملي الباكي يطيج العافية |
السلام عليكم ورحمة الله و بركـاته ^-^ قريت القصة كلها في كلمات واجد أول مرة أسمعها بس من الجملة ينعرف معناها صراحة يبيلي مترجم لا أطول كلام ^-^ أقدم لك الشكـر الجزيل لتقديمك هذه الرواية الرااائعه موفقه عزيزتي نور ننتظـر الباقي .. |
أشكر متابعتكم اخواتي وانا بعض الكلمات استصعبت علي بس مع الجملة تصير مفهومة نوعا ما هههههههههه ترقبوا البقية تحياااتي نور... |
الجزء الخامس عشر: بعد المغرب في البصرة: الكل كان بلمنتزه و شمس طايرة من الفرح على الطلعة و الالعاب. ام علي و ام سيف كاعدات على المصطبة و يسولفن كلعادة (و هنا النسوان عدهن غير القص هههههه). ابو علي كان يتمشة وي سيف و علي و اشواق يتمشون قريب من شمس. سيف كان يباوع لعلي و اشواق كل ساع ز يحسد علي على مكانه وي اشواق ( عاد بدت الغيرة من هسة..و من منو..من اخوها خخخخ). ابو علي: سيف انتة خلصت دراستك؟ سيف: ايه الحمدلله اتخرجت هل سنة...بعد عناء طويل هههههه ابو علي: ايه والله الدراسة صعبة بس بلنهاية تفيدك سيف: ابهاية صدكت يا خالي بعد صمت طويل... ابو علي: سيف اريد اكلك شي و بلا احراخ سيف: اتضل خالي ابو علي: اعتقد انو امك كالتلك انو انا وافقت انو تتزوج أشواق و أشواق همينا وافقت. سيف استحة شوي: ايه كالتلي ... مشكور يا خالي ابو علي: سيف انا اريد اوصيك باشواق ترى صحيح هيا الجبيرة بس مازالت مدللت سيف: أشواق بعيوني خالي لا تخاف عليها. ابو علي: ادري انو ماراح تقصر وياها بس انا ابوها و ماتعرف شكد اخاف عليها. و كمل: يا ابني اشواق حساسة جداَ و هيا ما شرطت انو تبقة بلعراق الى و هيا ما تقدر على فراق عائلتها. بس انتة تكدر تزور أهلك من فترة الى فترى لحد ما نلقة حل او هيا توافق تروح وياك. سيف: خالي انا عارف هل شي و متفهم و ماراح اغصبها على شي. ابو علي: و هذا اللي اريده...و راح تفهم هل شي من يصير عندك اطفال و راح تحرس على راحتهم و انشأالله الله يرزقكم بلذرية الصالحة. سيف: الله يخليك انشأالله و الله يسمع منك. ابو علي: يالله ابني انا راح اروح اقعد وي امك و خالتك و اذا تريد روح اتمشة وي علي و أشواق. سيف فرح بسيرة أشواق: أذنك وياك خالي. راح ابو علي للمصطبة و كعد وي ام علي و ام سيف. سيف باوع لأشواق و علي و شافهم يهزون بشمس على المرجوحة. ابتسم و مشة الهم. طبعاً علي و شمس و أشواق ماشافو لان كانو مواجهين الجهة الثانية. مشة بهدوء و علي التفت له بس سيف اشرله على مود مايكول شي. وصل الهم و فجاةَ كال: بوووووووووووو! علي ضحك و شمس ما كانت خايفة هل كد بس أشواق صرخت صرخة قوية من الرعب اللي بيها و خاصتاً انو الدنيا كانت ليل. حطت ايدها على قلبها و هيا تتنفس بسرعة. علي بعده يضحك و سيف نفس الشي بس من شاف أشواق وقف عن الضحك. سيف: أشواق انا اسف اذا خوفتج بس كنت اتشاقة. علي: ههههههه صرختها ههههههه تخرب ضحك ههههههه أشواق و هيا معصبة: ماوكو شي يضحك و ضربت علي على ايده خفيف. بس حتى شمس اللي خافت شوي كامت تضحك و هيا على المرجوحة. علي: ههههههه شلون ماكو شي يضحك و انتي تصرخين عبالك شايفة شبح ههههههه سيف: لا علاوي خطيا انا صدك خوفتها حرام عليكم. أشواق تمت ساكتة. سيف: اكول خلينا نروح نشتري ايس كريم ترى والله متت من الحر. علي: يا الله خلينا نروح. أشواق: لا انا راح اروح اكعد يم امي. سيف: لا خليج ويانا راح نتونس. أشواق انحرجت شوي و بقت ساكتة. نزلت شمس من المرجوحة و كلهم راحو يتمشون على مود يشترون ايس كريم. و علي و سيف كله ضحك و سوالف و همينا شمس وياهم و أشواق بس تضحك و ما تحجي. طول الوكت اللي سيف,علي,شمس و أشواق يتمشون بيه سيف امنيته انو أشواق تكول كلمة بس لا حيا لمن تنادي. و أخيراً وصلو لبياع الايس كريم سيف: يا الله شتريدون؟ شمس: اني اريد شكولاته طبعاَ سيف: حاااضر من عيوني...و أنتة علي؟ علي: همممم....شنو أريد ...شنو أريد؟ سيف: اهوووو السالفة طلعت طويلة هههههه علي: هههههه طبعاَ لازم على مزاجي سيف: اللهم طولك يا روح علي: هههههه طلعت روحك ..يا الله اريد فراولة سيف: اوكي أشواق كانت تتضاهر بلبرود و السكوت بس بلداخل بركان ههههه. كانت حاسة مثل الحايط...محد يحجي وياها...خاصتاَ سيف. و أخيراً اجة دور أشواق سيف: و انتي أشواق شنو تريدين؟ أشواق بغضب: ماريد! (اوه اوه ..دلع البنات ...الله يستر هههههه) سيف حس بغض أشواق بس راد ينرفزها أكثر: لا لا لازم تاكلين الدنيا حارة أشواق: مشكور بس ماريد سيف يفكر: والله غريبة حبيبة القلب..مرة ساكتة و مرة نار هههههه. سيف: اوكي راح اشتريلج على ذوقي أشواق: لا ماريد سيف: افا ما تحبين ذوقي اشواق انحرجت و عصبت اكثر أشواق مرة ثانية: لا ما ريد و بس سيف: مو بكيفج (هههههه ناوي عليها) أشواق شبت نار و سكتت سيف حصرته الضحكة و هو شايف أشواق ( و الله انتم بلاوي يالشباب...ما عدكم غير الحرك باعصابنة ) سيف أشترة الايس كريم و انطة الكل حصتة ماعدا الحبيبة. رجعو يتمشون للمراجيح و يسولفون و يضحكون بس طبعاَ اشواق ساكتة و كل دقيقة و الثانية سيف يباوع عليها. سيف حس انو نرفزها بما فيه الكفاية: يا الله أشواق اخذي الايس كريم مالتج ( شمس و علي اتقدمو لان سيف و أشواق كانو يتمشون بطيئ) أشواق: ما اريد ..اكلها انتة سيف: يا الله أشواق بلا دلع أشواق ما تدري شصار بيها..فكها الجواني كام يرتجف و عيونها امتلن بلدموع. سرعت بمشيتها على مود توصل لأمها و أبوها و تلجئ عندهم بس أول شي لازم تمسح دموعها. سيف عرف انو جرح مشاعرها و هو لاحض انو أشواق حساسة بلزايد. سرع بخطواته على مود يوكفها. و صار كدام وجهها. سيف: أشواق...أشواق انا اسف ما كنت أقصد شي بس اتشاقة. أشواق نزلت راسها: انا مو على هذا زعلت..و على فكرة ما كنت ادلع...بس كل هل مدة محد يحجي وياي..محد معبرني..كأني حايط...و..و..ما كدرت تكمل و صوتها ضاع بين دموعها. سيف سب روحه ميت الف مرة و راد يحضنها و يطبطب على ضهرها بس اخخخ ههههه و رغم كل هذا حصرته الضحكة: هههههه والله حالتي حالة.. انا كل هل مدة اريد بس اسمع صوتج و انتي ما تريدين تحجين و عبالج احنا مامعبرينج. أشواق وكفت من البجي لان الشغلة صدك تضحك. أشواق ضحكت و هيا تمسح بدموعها. علي و شمس التفتو ليورو و شافو أشواق تمسح بدموعها. اتقدمو لسيف و أشواق و علي سئل: أشواق؟ جنتي تبجين؟ و باوع لسيف: سيف شصار؟ سيف ماراد يكبر السالفة: هههههه لا ماصار شي بس اصتدمت بهل حديدة اللي بلكاع و وقعت و تعرفون أشواق تسوي الحباية كباية. علي: تعلمني بدلع أشواق هههههه على العموم الحمد لله على السلامة هههه. أشواق: هي انتو.. لا تضحكون علية ترى مرات أشياء صغيرة تجرح هواي و باوعت لسيف و عرف انو الكلام موجه اله. و كملت: و انتم بعد لا تمشون و تخلوني وحدي. شمس: بس سيف وياج و انتي ما تمشين سريع. أشواق ما ردت و هيا تحس بلإحراج. سيف: يا الله خلينة نمشي و هاج الأيس كريم مالتج أشواق...راح تموع. أشواق خذت الأيس كريم بلا كلام و كملو طريقهم للمراجيح. شمس كعدت على المرجوحة و علي يدفع بيها. أشواق راحت على مرجوحة قريبة و كعدت تاكل و هيا تهز روحها على الخفيف. سيف وكف قريب من علي و شمس و هوا يباوع على أشواق و يتمنى انو هو اللي يهزها بس ما يكدر و اتمنى انو يرجعون لبغداد و يملكون اليوم قبل باجر. مر اليوم على خير و الكل رجع للفندق و نامو. الفجر: سيف كان اول واحد يكعد لصلاة الفجر ..اصلاَ هو كعد قبل ما الصلاة تحكم فقرأ قرأن و دعاء. طبعاَ ماكو وقت احلى للدعاء و القرأن مثل وقت الفجر من ابواب السماء مفتوحة لأي عبد مسلم و الله سبحانه و تعالى ما يرد عباده اذا يدعي من كل قلبه و بنية صافية و قلب طاهر. سيف اتوضةو فرش سجادته و رفع ايديه للسماء: اللهم ربي أسئلك ان توفقني و تفرج علي و على والدي و تنور طريقي..اللهم ارحمني و ارحم والدي يا ارحم الراحمين...اللهم زيل هل غمة عن هذه الأمة يا رب العالمين. صلة صلاة الفجر و بدأ يقراء قران <<< نصيحة : قرأة سورة الشمس بعد صلاة الفجر جداً زينة >>> راح و كعد ابو علي و علي للصلاة لان راح يرجعون لبغداد بعد ساعات قليلة. يتبع ... |
الجزء السادس عشر: كعدت من نومها و هيا منتعشة. أمس رجعو من البصرة لبغداد و نامت من وكت من التعب اللي بيها. كعدت بلسرير و هيا تفكر باللي راح يصير و دعت من كل قلب انو الله يوفقها وي سيف. كامت تفكر انو خلال أيام ملكتها راح تصير و هيا تصبح زوجة سيف..نعم سيف...سيف اللي اول ما اجة كرهته ههههههه (ما سامعين انو اقوة انواع الحب يبدئ بلكره ههههههه) كامت من سريرها و لبست حجابها و نزلت . حضرت الريوك على مود امها ما تتعب. راحت و سبحت و طلعت بعد نص ساعة. قررت تروح و تكعد امها و ابوها لان الساعة راح تصير 11. طقت باب غرفة والديها: ماما بابا كعدو الساعة راح تصير 11 سيف كعد من سمع طق على الباب (عباله بابه خخخخ) فتح الباب و شاف أشواق تدق على الباب..ابتسم و هو يتمغط. سيف: أشواق التفت و هيا متفاجئة سيف: صباح الخير أشواق ابتسمت بخجل: ههههه صباح النور و رجعت تنادي امها و ابوها.بس قبل ما يطلعون ابو علي و ام علي سيف أشرلها بابعه انو تتقرب منه لان يريد يكوللها شي.أشواق استغربت بس تقربت شوي و وكفت و اشرت براسها بمعنة شكو؟ سيف بهمس و ابتسامة شريرة على وجها: و أخيراَ وافقتي و صرتي اللي. وين أشواق؟ ضاعت...ماتت من الحياء. تمنت لو الارض تنشق و تبلعها. أشواق بنفسها: الله ينعل ابليسك.. هذا ناوي علية من الصبح. أشواق ابتعدت عنه و اتمنت انو ابوها و امها يطلعون بهل وقت و فعلاً انفتح باب غرفتهم. ابو علي و ام علي: صباح الخير أشواق و سيف: صباح النور و كملت أشواق: يا الله ماما حضرت الاكل و حطيته على الطاولة..راح اروح اكعد عمتي و علي و شمس. ام علي: عفية حبيبتي..يا الله ابو علي خلينة نروح. بلعصر: سيف: ايه بابا الملكة بعد خمس ايام ابو سيف: مبروك يا سيف و ما أوصيك على اشواق سيف: ههههههه ماكو داعي توصيني على قلبي ابو سيف: ههههههه قلبك ها... والله ما اعرف شلون أشواق وافقت عليك هههههه سيف: افأ افأ لا ماتوقعتها منك يابو الشباب ههههه...و انا أشبيه طالع قمر على ابوي ههههه ابو سيف: ابهاي ماكو شك... و كمل بجدية: يعني قررتو العرس بعد شهرين سيف: انشأالله .... راح تجون صح؟ ابو سيف: طبعاً عرس ابني لازم احضر و اصلاَ شلون ما نحضر و زهراء كاعدة تنق يومية تريد تجيلكم هههههه هاي هية زهراء اخذت السماعة من ابوها: مشكووور بابا زهراء: الووو سيوفيـــــــ الف مبروك سيف: الله يبارك بيج زهراء: سيف اريد اجي اشوف الملكة سيف: و الحر و الحشرات وين نوديهن زهراء: اجيب كومت بفباف و ريد سيف: هههههههه يلا ميخالف حبيبتي على العرس راح تجون هسة عندج مدرسة وهراء: اووف اوكي و خلصو المخابرة ضحك و سوالف. أشواق طلعت وي أسراء و عمتها ام سيف على مود يشترن حاجات للملكة. أسراء: يااه يا أشواق راح تودعين العزوبية بعد كم يوم أشواق: اللي يسمعج يكول اني شاب عايش بشقة أسراء: هههههه تعرفين قصدي شنو أشواق و ام سيف: ههههههه أشواق طلعت وي أسراء و عمتها ام سيف على مود يشترن حاجات للملكة. أسراء: يااه يا أشواق راح تودعين العزوبية بعد كميوم أشواق: اللي يسمعج يكول اني شاب عايشبشقة أسراء: هههههه تعرفين قصديشنو أشواق و ام سيف: ههههههه ام سيف: حبيبتي أسراء هاي أشواق مثل بنتي و صديقتي و كل شي فلا تخافون عليها من سيف.... اكسر راسه اذا حجة وياهة هههههههه أسراء: هههههههه ها أشواق بعد شتريدين عمتج و صافة يمج ضل المسكين سيف الكل متئامر عليه ههههههه اشواق و ام سيف ضحكن: هههههههه ام سيف: اكول أسراء امج ليش ما اجت...والله جان متونسين أسراء تزلت ؤاسها: امي...خالة امي اتوفت من سنتين بانفجار أشواق بنفسها: يووووه شلون طارت عن بالي اخبر عمتي أم سيف و هيا متفاجئة: الله يقويج يا حبيبتي و انشأالله العمر كله الج أسراء: الله يخليج خالة...بس بقلبها تقول جعلني الموت...شلون اعيش و امي غايبة عن الدنيا أشواق حست باسراء و عارفة شنو بداخلها فرادت تغير الموضوع: أسراء ليمته راح تسجلين بلجامعة أسراء: والله مادري...كون مام خلصين من المدرسة من وكت..جان هسة ما شايلة هم للجامعة ههههههه أشواق: هههههه ام سيف: بس انتن شناويات تدخلن أشواق: احنا ثنينة نريد ندخل انجليزي او هندسة ام سيف: الله يوفقجن و اذا دخلتن انجليزي سيف يقدر يساعدجن لان هو يعرف اسراء تئشر على أشواق: ههههههه خالة شوفي وجهها شلون صار ههههه والله صايرة نكتة اشواق قرصت أسراء اسراء: ايــــــ ! اسفين اسفين جبنة طاري الحبيب بلغلط ام سيف: هههههههه والله تعرفين شغلج يا اسراء و كملن يشترن الاشياء الملزومة اليوم اللي قبل الملكة: أشواق ماتطلع من غرفتها الا نادراً لان اولاً ميتة من الخجل من كل افراد البيت و ثانية ما تريد تقابل سيف و سيف محترك يريد باجر يجي باسرع وقت لان انتضر بما فيه الكفاية ههههههه (شباب هل زمن خخخخ) الملكة راح تصير ببيت ابو علي و لان هواية من الجيران هاجرو لسوريا او الاردن المعازيم مو هواية فلمكان يكفي و اسراء ما قصرت و زينت البيت وزينة راقية و ناعمة و الشي الحلو ببيت ابو علي انو اكو درج ينزل للصالة فأشواق تكدر تنزل منه و تدخل للصالة يتبع... |
مشكورة غناتوة بانتظار الباكي |
نور يعطيك العااافيه وقواش الله بس ماكو فكه مني <<هههههه أريد أعرف لهجة جد أمي الي هو جدي شنو معنى مخلمة وهوايه أنا شاكه فيها بس أبي أتأكد |
رووووووعه الروااااااااااااااااااااايه يسلمووووا نوووور واللهجه بعد حلووه بانتظار الباقي ولو اني حاسني قلبي انها فيها شي حزين في النهايه |
^-^ الله يعطيش ألف عافية نور نسكات ما تحـلى القصة الا بالدموع ^-^ ننتظـر التكمـلة ... |
الرواية هواية حلوة وياريت خيتي نور تكمليها مشكووورة وباانتظار بقية الاجزاء |
أشكر لكم متابعتكم أخواتي واعتذر عن التأخير تحياااتي نور... |
| الشبكة: أحد مواقع المجموعة الشيعية للإعلام الساعة الآن: 09:25 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025