|
معقولة ماتعرفوا ويش يعني jwm ؟؟!!
بسم الله الرحمن الرحيم من واقع الحياه.. وصلتني القصه على الأيميل .. طبعا واقع مضحك .. و ثقافة لا محدودة وصلنا لها :D اترككم مع القصة كنا من زمان شله وحدة وحبايب في حارة وحده المهم............تخرجنا من الثانوي. كلهم كملو دراستهم بأمريكا وتخرجوا وجو للرياض ويشتغلون الأن في شركات كبرى في الرياض. إلا انا مسيكين جالس بينهم متخرج من جامعة سعودية وموظف حكومي بالواسطة. دائما في جمعاتنا الإسبوعية يسولفون ويضحكون وانا مدري وش السالفه. واذا سألتهم يردون علي بتعجب: 'معقولة ما تعرف؟' إلا ان اصبحت استحي أسألهم. وصرت اسوي نفسي فاهم معهم اذا ضحكو ضحكت معهم واذا استغربو استغرب معهم مرة كانت قاعد معهم واسمع سوالفهم يقول واحد منهم: مدير الـ HR عندنا مغرور وشايف نفسه والمشكلة ان إدارتة لا تهش ولا تنش يرد ثاني : ووين الـ MD؟ ما يتدخل بينكم؟ الآول : مشغول باجتماعات ما تنتهي مع الـ CEO. وحنّا متورطون مع جماعة الـ IT، ما نقدر نتكلم معهم ابد. الثالث يشارك : أوه.. هذولا اشغل ناس .. دايمً الـ KPIحقهم ضارب في العالي. الرابع : يا جماعة حنّا في 'الويك إند'.. تكلموا في شي ثاني. أتنهد وأقول في نفسي: الحمد لله جاء دوري في الكلام وتوني ابأبدا ادخل بسواليف حلوه إلا يسأل واحد منهم: وش أخبار الـ DFM؟ الثاني : تعبان، عشان ال IPO الأخير جاء على غير المتوقع، وما ربحنا فيه ريال الأول : قلت لك أن هذا زمن العقارات. أقول في نفسي: العقارات؟ الحمد لله اعرفها ذي ....وتوني بقول الحديد رخص والعقار بينهار يقول واحد: فيه فلل للإيجار في الـ JBRيا شباب؟ الثاني : طارت الطيور بأرزاقها. قلت في نفسي ...زين اللي ما قال TTB، طارت....الطيور ...بأرزاقها يقول أحدهم: اتركوا العقارات وخلونا نتكلّم عن الزحمه في الشوارع. - أمس اعوذ بالله كنت بدبي،مستحيل الواحد يمشي ب Rush hour وبدت الزحمة قدّام الـ DIC إلى بوابة سالك. - وأنا كنت في طريقي للـ DMCوبقيت ساعتين في زحمة شارع الشيخ زايد. يخلص الكلام عن الزحمه، ويناظرني واحد منهم ويقول: ابو سعد ...إلاوش سويت....ليش ما تاخذ الماستر' في الـ MBA؟ أقول في نفسي: أكيد أنه يقصد 'الماستر كي' .... بس غريبة.....وش دخل ... المفاتيح بالموضوع ؟؟؟؟ بس تداركت ان الموضوع مش مفاتيح واني ضايع في هالمعمهة...... وما عرفت ارد!! وقلت : ما اقدر رد ثالث : ما تقدر ؟؟؟؟ ليش- كم كان الـGPAحقك؟ يا ربي وش يقصد ............قلت المشاركة ولا فقه الخشة!! أرد عليهم : ما اذكر، بس انه 'أوتوماتيكي'. يضحك الجميع ويعتقدون أنني أمزح. ويوم جا وقت العشا يقولون: - مطعم هندي.. لا إيراني.. لا شامي.. قال واحد يا جماعة اشتقنا إلى الـ KFC كلهم وافقوا وقعدوا يناظروني ينتظرون رايي، قلت: أنا باروح للبيت وأنتم روحوا للـ JWM. قالوا: وشهوا هذا JWM!! قلت : 'معقولة ما تعرفونJWM ؟' ورحت ولا علمتهم ! ----------- شرح الاختصارات: HR: الموارد البشرية.. MD: المدير التنفيذي... CEO: الرئيس التنفيذي... IT: تقنية المعلومات.. KPI: مقياس مؤشر الأداء... DFM: سوق دبي المالي... IPO: الاكتتاب... JBR: جميرا بيتش ريزدنس... DIC: مدينة دبي للإنترنت... DMC: مدينة دبي للإعلام... GPA: المعدل التراكمي... MBA الماجستير في إدارة الأعمال KFC: كنتاكي... أما JWM: جهنم وبئس المصير. :D
|
بسم الله الرحمن الرحيم هههههه لي عودة بالتأكيد للمناقشة طبعا دمتم محاطين بالألطاف المحمدية |
لا للحين ما مر علي مثل هالموقف عاد لو احد يكلمني بهذا الشكل بقولة تكلم زي البشر اياي وبلا فلسفة زايده ههههههههه :cool: لان صراحة هالي يتكلم بهذا الشكل مصطلحات يبغى يقول انه مثقف يفكر ان الثقافة بالمصلحات الي مايعرفها اساسا الا المتخصص فيها يعني الطبيب بيقول مصطلحات واختصارات مايفهمها الا الطبيب مثلة والمكنيكي بيقول مصطلحات يفهمها الي مثلة لكن هذا الكلام بينهم وبين بعض لكن مع عامة الناس المفروض يعدلون لسانهم عشان ا يجييهم واحد عصبي ويهزأهم خخخخخخ وفي النهاية اذا صابني موقف كده بعطيه مصطلحات في تخصصي بخليه يحك راسة :D:D |
الحمدالله ما مر عليي جذي بعد الثقافة وصلت الاختصارات ههههههههـ .. تتطور جيل جديد بس عجبني jwm ههههه مشكوره حبيبتي ليلى ^^ موفقة |
ههههههههههههههههههه نعم انظمة المصطلحات دخلت في جميع مجالات حياتنا اليومية من رغيف العيش الى سيارة pmw,وال gcm ,smsm , mts ,وغيرها الكثير من المصطلحات بعضها صعب وبعضها سهل ولكن عن نفسي كيف اواجة هذه المصطلحات ؟؟؟؟؟ اما ان اواكب هذا التطور المصطنع في نظري واغمس هويتي ولغتي العربية لغة القران او ان اتجاهل هذا الامر برمتة واطلب من يكلمني بهذه اللهجة ان يعدل لسانة ويحترمني ويكلمني بلغتي لا بلغة المصطلحات الغربية التي لا افقة منها شيء فكما نحن لا نفقة للغة الغرب فهم كذلك لايفقهون للغتنا اذن نحن متساويان وهذا ليس بشرط على تطورثقافة الفرد وعن سؤالك باني مريت بهذاالموقف ؟؟؟ نعم مريت مرارا وكل يوم امر بهذا الموقف اشكر لك اختي ليلى هذا الطرح الحلو لك مني كل التحية والتقدير |
هههههههههههههه افتر راسي واني اقرأ ماعرفت المصطلحات لكن أنا عن نفسي متعودة ع مثل هالمطلحات يعني أيام التدريب كلامنا كل مصطلحات وزحمة مثلا تجينا عينة دم والريكويست حقها يقول DM....HbA1c CBC...LDL...HDL Ch..TIBC و و و و من الصبح للعصر وحنا كلمة وكلمة فعادي عندي يعني لو يجي يوم واتوظف راح تكون حياتي كذا تحيااتي نور... |
لا ارى اي فلسفة في الموضوع من ناحية المصطلحات كما ان الامر طبيعاًللغاية ..
اضرب لك مثال حتى تفهم مارميت له ـ لماذا لا تعتبر كلمه ok فلسفة ايضاً !! على سبيل المثال احدهم يتواعد معك في موعد فتجيبه بالقبول بـ كلمه اوكي ok هل تعُتبر فلسفه منك او تعوّد !!! ـ فالذي اراه ان الموضوع فكاهي بكثر ماهو واقعي ـ |
هههههههههههههههه في الحقيقة سبق لي قرات هذه القصه في منتدى الأبتسامة ولكن فكره جميلة وذكية منك عزيزتي ليلى ان تحوليها لموضوع نقاش .... بالنسبة لرأيي القصة مبالغ فيها قليلاً و الكاتب ادخل الفكاهة لكي يخفف من حدة نقدة لظاهرة مزج العربيه بالأنجليزية والتي نشهدها في مجتمعاتنا اليوم.... انا ممن يستخدمون المصطلحات الأنجليزية احياناًولكن ليس الأختصارات الأختصارت على الورق فقط وهذه مايفعله اصحاب الغة الأم لن تجد امريكي او بريطاني طول يومه بالأختصارات الأمر مضحك جداً وحتى لو استخدم يستخدم اشياء بسيطه ومتدوله ومعروفه لدى الجميع أما اذا كان قد حصل لاي مثل هذه الموقف لا والله... لأن اصحابه بلغو درجة السُفه وباين انهم مخترشين كثير ومو مصدقين انهم تعلمو انجليزي ههههههههههههههههههه كيف سأتصرف في حال لو حصل ؟؟!! بصراحه اذا كان الشخص ألي قدامي آدمي راح أسال بكل تهذيب عن المعنى أمــــــــــا اذا كان من نوعية اصحاب المسكين راح ارويهم اتفلسف بالأنجليزي كيف راح يكون... في الختام لك مني جزيل الشكر وتحيـــاتي لك |
اقتباس:
بسم الله الرحمن الرحيم بانتظار عودتكِ و اثراءك زينب ،، موفقه , |
اقتباس:
بسم الله الرحمن الرحيم هههههههههه معك حق اخي الكريم عاشق لا بأس ان يستعملوها بينهم و بين بعض ، او حتى امامنا , لكن ليس بغرض ابراز عضلات الثقافة ، اهلا بك و بتواجدك , موفق , |
اقتباس:
بسم الله الرحمن الرحيم و الله يستر من هكذا تطور ربيبة صح :d اهلا بكِ عزيزتي |
اقتباس:
بسم الله الرحمن الرحيم عزيزتي البحرانية رائعة وجهة نظركِ ، لكن ليس بالضرورة غمس ،، احيانا يكون في استخدامها تحفيزا لكِ على البحث عن معانيها و اسبابها لكن النقطة المهمه هي كثرة استخدامها ,! اهلا بكِ عزيزتي |
اقتباس:
بسم الله الرحمن الرحيم نعم .. لكن في محيط عملك << اتخيل لو تجي لي و تقولي DM.. ما ادري ويش بقول لش هاا :p! شكرا لحضورك عزيزتي ، موفقه ، |
اقتباس:
بسم الله الرحمن الرحيم أتعلم اخي لو كان بيدي لاقتلعت كلمة ok من الالفاظ المتكرره في حياتنا :D و هنا مربط الفرس ،، فما هي هذه الكلمة بالنسبة لنا ! شكرا لتواجدك اخي الكريم هنا موفق ، |
اقتباس:
بسم الله الرحمن الرحيم اهلا بتواجدك اخي الكريم رافضي نعم طبيعيه حين تكون في محلها و وقتها المناسب اما ان تتحدث مع والديك مثلا بهكذا مصطلحات هل سيفهمون ! موفق ، |
اقتباس:
بسم الله الرحمن الرحيم بالنسبة للنقل ومن صديقاتنا نتعلم :D شكرا لكِ لحضوركِ هههههههههههههه اعجبني تصرفكِ لكن هذا سيكون لانكِ خبرة في اللغة الانجليزية << لكن اللي ما يعرف ويس يسوي :p اكرر شكري لكِ موفقه ،، |
بسم الله الرحمن الرحيم بالنسبة لي و رأيي في الموضوع انا ارى انه كثر جدا استبدال الكلمات العربية الاصيلة بكلمات بلغات مختلفة و هذا يؤثر سلبا علينا و على لغتنا العربية الفصحى حين كنت في الجامعه تعرضت لكثير مواقف من هذا النوع فالاساتذه يتكلمون بالاختصارات و نحن تائهات :confused: ! خصوصا المصريين منهم .. اللغة الانجليزية تسري في دمائهم ،، و هذا اثر على دراستنا .. / و بمناسبة نسيان لغتنا الاصيلة اذكر لكم موقف كنا في سفر و ضاع مفتاح غرفة الفندق الذي كنا نسكنه جئنا نبحث عنه لم نجده ،، فاضطررنا لطلب مفتاح (سبير) هههههه اقصد مفتاح احتياطي بديل ،، حين وجدت عامل الفندق .. و بما انه من جنسية شرق آسيوية ،، قلت لن يفهم عليّ فباشرت بسؤاله وين الـ key ؟ << سؤال فله :D اجابني .. مفتاه :D" !! ههههههههه هو قام بالترجمة لي و التحدث بلغتي في حين انني تركتها ظنا مني انه لن يفهم ,! لكن مشكلتنا ان استخدامها اصبح تعودا ! |
...LDL...HDL << هالمصطلحين حفظتهم من البايو :p
بالفعل فيه ناس حكروا حياتهم بهالمصطلحات خصوصا الي يحب يتباهى بغض النظر عن التخصص يعني اذا اجتمعوا عندنا طلاب البترول :D خذ لك .. بعضهم تعود على الاستخدام بحكم دراسته والبعض الاخر لا .. للتباهي (والتكبر) مثلا انا اتكلم مع شباب تخصصي فيذكر لي المواد الي ندرسها بالانجلش او اختصاراتها باختصار اقوله نتكلم عربي :D اقلب لسانك كامل انجليزي مو مشكلة لكن كلمة انجلش او رموز مثل المذكور الله المعين تشكرين ع الطرح اختي ليلى |
اقتباس:
بسم الله الرحمن الرحيم اهلا بك فلان في التعليم انا لا امانعه لكن ان يكون الجميع فاهم وواعي لما يقال :d لكن استخدامه لاظهار مدى الثقافة و اننا نعرف و ما الى ذلك هنا المشكلة شكرا لتواجدك في متصفحي وفقت ،، |
. . . الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ اقتباس:
عجبني هالمصطلح ههههههههههههههههههههه :p تسلمي اختي العزيزة :) |
| الشبكة: أحد مواقع المجموعة الشيعية للإعلام الساعة الآن: 12:23 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025