منتديات أنا شيعـي العالمية - ما أجمل بهاء الحسن عليه السلام

بسم الله الرحمن الرحيم
اللهم صل على محمد وآل محمد وعجل فرجهم

ما أجمـــــل بهـــــاء الحســـــن - ميمر ( مواليد )
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
بـــاب الكـــرم والجـــود هــَل إهـْلاله === ياشيعي صـَلـّي إعلى النبي إو كـُل آله
ــــــــــــــــــــــــــــــــــــــــــــــــــ ـــــــــــــــــ
ياشيعي صـَلـّي إعلى النبي إبمولوده == سبطـه الحسن فاحت عطور إوروده
الله ما أجمل بهـــــــاءه إو زوده == من الله إسمه إو طيبته تحلاله
ـــــ
من الله إسمه إو واضحه أنواره == خيــر إو جواهر تحتوي أنهاره
دومه يــِهــَلـّي إو يحتضـن زوّاره == والنال جود إمن الحسن هنياله
ـــــ
والنال جود إمن الحسن ما يخسر == تغنيــــه أنعــــام الكريـــــم الأزهر
هـُوّ الوجيه إو هيبته من حيدر == موسومه من طه النبي أفضاله
ـــــ
موسوم من طه النبي إو من أمــّه == لو شافه حاير ينكشف كـُل هـَمـّه
والمايحب المـُجتبه إيصير إعـْمـَه == مــَيـْشوف خير إو تنهمل أعماله
ــــــ
مــَيـْشوف خير المايـِصـَلـّي إعليهم == عترة محمد كــُل رجس ما بيهم
واجب نحبهــــــم دوم وإنواليهـــــــم == وَصــّه النبي بيهم صريحه أقواله
ـــــ
وَصـّه النبي بــِبـْنـَه الحسن وإحسينه == سبطــــــــاي گال المـُصطفه هادينه
وإحنه ثبتنه إو ما تركنه دينــــــه == نستوحي فكره إو سيرته وأفعاله
ـــــ
نستوحي فكره إو سيرته وإنــْهنــّيه == مبـــــــروك ياطه الرسول إنــّاديه
أوّل سبط مــَن العلي إعلينه بيه == مولـــوده كــُل هم العلانه زاله
ـــــــــ
مولوده نعمه إو خير من بارينه == واجب نهنـــّي المرتضه والينه
وإنهنـــّي غايبنه الأغر مهدينه == وإعيون تنتظره إبأمل همــّاله
ـــ
وإعيون تنتظره يجي ويــّانـــــه == يحضر حفلنه إو تنتهي أحزانه
وإيهنـــّي أمــّه فاطمه مولانــــه == والكون يزهي إو تندحر أنذاله
ــــــ
والكون يزهي إبمولدك ياشــُبــــــّر == وإبليس يشرد يختفي إو يتحســّر
ريت إبتـُرابك سيدي نتعفـــــــّر == تشفـع نريدك بالحشر وأهواله
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر أهل البيت / جابر النجفي
إسمعوا القصيده على هذا الرابط
http://www.wlidk.net/dlduh350075.mp3.html