تعازينا الى اهالي الشهداء على فراق الاحباب ..
لكن نقول لهم هنيئاً لكم ما قدّمتم من قرابين على مذبح الكرامه
فشرف الشهادة لا يناله إلا ذو حظ عظيم و خصوصاً في هذا الشهر المبارك

رحم الله من قرأ سورة الفاتحه و أهدى ثوابها الى شهداء حُسينية داوود العاشور رحمه الله تعالى
تسبقها الصلاة على محمد و آل محمد

سيف جان ابكربله ... اليوم أصبح قنبله
فجّروا بيهه شبـاب الطائفه
هذا واقع جَرح لسه ما شِفه
اليوم أصبح قنبله

1
هذا واقعنه التشوفـــــــــه يا شبـل عقد الوله
امس كَص السيف نـحـرك و انسبتلك عايلـه
اليوم سيف الحَز وريدك كَـــلب روحه قنبله
و رد يزيد ابكل شقائه و عـــاد عملة كربلـه
رد ابن هند اللعين ... و فـَجّر احباب الحُسين
سرّه باين عن حبيبك ما خِفه
هذا واقع جَرح لسه ما شِفه
اليوم أصبح قنبله


2
الله يشهد يا شهيد اشما يفجـــــرونه نِعود
لان ما عدنه شـُكوك اتعيفنه ابيوم الورود
انته مبدأ كل عُلانه ونبقه بــِركابك جِنـود
يلمحبتك يبو اليمه اتجاوزت كل الحــدود
و المنى بخطك نموت ... حته للجنــــه نفوت
وي دِمانه يجري حُبك عاطفـه
هذا واقع جَرح لســــه ما شِفه
اليوم أصبح قنبله

3

يا عظيم الما يعرفك غاركَـ ابّحــــــر الجهل
و الذي يمشي اعله خطك حسبه للجنه وصل
انته نور العنفوان وانته سر خير العمـــــــل
و انته ميزان العدالــه البيك دين الله اعتـدل
لدربك اصبحنه فِده ... و بـــــــــــدمانه انعبِّده
حتى لو صرنه ضحايه العاصفه
هذا واقع جَرح لســــه ما شِفه
اليوم أصبح قنبله


4
للحُسينية إجينه او ليتنــــــــــا اوياكم نصيـح
و ابلسان الحال صحنه انريد يمّـك بالضريح
ردنه يمك يبو الاكبر من بلانه نستــــــــريح
وفجرونه ابّاب مَجـدك بين مكتول و جريــح
صحنه ضد كل من طِغه ... بالشهــــــــاده المبتغه
هذا سر بس اليفهمـــــك يعرُفه
هذا واقع جَرح لســــه ما شِفه
اليوم أصبح قنبله




زكي الياسـ النجفي ــري