|
واويلاه يا زينب
واويلاه يا زينب
ها يم عون .. الله ابعونچ اليوم وگفتي شلون .. وانتي بحيل مهدوم اديچ امحرّگه وامترّسه ادموم محتاره .. تروحين وتردين واويلاه يا زينب اتلمين التگطّع لو بالزغار وهذا بسوط اجاچ وذاك بحجار بخِيامج لو عباتچ .. اكثر النار وبيدچ نار .. چا بيمن تطفين واويلاه يا زينب تتلفتين .. كل اهلچ مچاتيل وايتامچ وراچ ادوّر ادخيل دوت نار الخيم وابنصهه العليل على العدلين والماتوا .. تونين واويلاه يا زينب توسطتي الضحايه وصحتي يسباع يخوتي من اديه رحتوا شبساع يريت اعله الشِگر مو نومه عالگاع كون الموت اليه وانتو عدلين واويلاه يا زينب لابن امچ مشيتي وحاله يا حال عمت عيني ايتگلّب فوگ الرْمال عله طول المعاره صاير اوصال جروحه الف وتسعميه اشتضمدين واويلاه يا زينب ركضتي اعله الشريعه بگطع الانفاس وشفتي اچفوف اخوچ ودرعه والطاس صحتي اعله النهر عباس .. عباس الحگ سلّبوا خدر النساوين واويلاه يا زينب طر صبح اهدعش .. والنوم مبيوگ وصحتي بلايه صوت .. الصوت مخنوگ يخوتي وداعة الله جابوا النوگ سبايه للخرايب والدواوين واويلاه يا زينب احمد هادي الشمري بغداد 07714233666 |
بارك الله بك وجزاك الله خيرا
|
| الشبكة: أحد مواقع المجموعة الشيعية للإعلام الساعة الآن: 10:05 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024