|
يابو الرضا زوّارك
يابو الرضـا زوّارك * جينه اوّگفنه ابـدارك اويّـه الوفّاد* يابو الرضا نريد امراد *يابو الرضا *** يابو الرضا ابدمع الحنين الساجم تعنّينه لجـل ازيارتك ياالكاظم ابلهفة المُغـرَم و المُحب الهايم حاجات عدنه وبينه گلبك عالِم الگبرك گِصدنه وجينه* ابحاجاتنه اتعنّـينه اويه الوفاد* يابو الرضا نريد امراد *يابو الرضا *** مشّـايه جينه و مرقدك مقصدنه وبّـاب غيرك ما نحـط حاجتنه ابمطلـب لفينه وگبّتك جمعتنه اِنته الكـريم و مـا تـرد طِلبتنه نِقسم عليك ابجدّك * يا بو الرضا و بچبدك اويه الوفّاد * يابو الرضا نريد امراد * يابو الرضا نريد امراد * يابو الرضا *** ياسـابع اشمـوس العِلم و الأنـوار ياكعبـة العِـز و الكرم و الإيثـار من كل كتـر تتعنّـه ليك الـزوّار خطّـارك و حـاشه تِـرد الخطّـار يابو الجَواد أضيوفك * ننتظر عطف چفوفك اويه الوفّاد* يابو الرضا نريد امراد* يابو الرضا *** يا مَـن مُضيفك بالمعـاجـز عامـر گلبك چريـم اوتِـسُـر گلب الزاير يالكاظم ابكـل شِـدّه چفك حاضر يامَـن ابگبـرك ينجبـر كل خـاطر باب الحوائج بابك * ماترد چف احبابك اويه الوفاد* يابو الرضا نريد امراد *يابو الرضا *** إچفـوفنه المـرقدك مدّينـاها واِعله الضريح اگلـوبنه عفناها حاجـاتنه اِعله العِتبه خلينـاها وعيونّه ابدمع الرجـه إتركناها يابالشدد تحضرنه حاشاك تتعذّرنه اويه الوفّاد* يابو الرضا نريد امراد* يابو الرضا ابو ياسر الكعبي |
احسنتم عزيزي ابو ياسر الكعبي وجزيتم خيرا
واعظم الله تعالى لك الاجر باستشهاد الامام باب الحوائج عليه السلام موفقين لكل خير وماجورين بمحمد وال محمد |
رد
احسنتم مولاي
عظم الله لكم الاجر |
سلامٌ عليك أيها الطيب ابن الطيب .......... أبا ياسر الكعبي .... وربي أجدتَ وأحسنتَ وأجملت وأبدأعت ......... فسلامٌ على يراعـــُكَ الثر الأغر .......... طبتَ وطابَ تألقكَ وإبداعك ..., الأقل بهاء |
بسم الله الرحمن الرحيم طيب الله هذه الانفاس بشعرها القريض والشعبي جزاك الله خيرا يا ابا ياسر... طبت ايها الطيب... اخوك |
الاخ الكريم المبدع علي البهادلي عظم الله لنا ولكم الاجر جزائل شكري لهذا المرور الألق</b></i> |
المتقي
عظم الله لنا ولكم الاجر جزائل شكري لهذا المرور الألق</b></i> |
الشاعر الكريم
بهاء آل طعمه لمرورك رونق لافت عظم الله لنا ولكم الاجر جزائل شكري لهذا المرور الألق</b></i> |
الكبير
ابا محسد تحياتي لك ايها المبدع عظم الله لنا ولكم الاجر جزائل شكري لهذا المرور الألق</b></i> |
احسنت بارك الله بيك رائع ما خطه قلمك المبدع |
| الشبكة: أحد مواقع المجموعة الشيعية للإعلام الساعة الآن: 08:27 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024