منتديات أنا شيعـي العالمية - بيا مكان انته حبيبي بيا مكان

ابيات نحاور بها المنتظر ع في شهادة الامام الحسن عليه السلام

بيا مكان انته حبيبي بيامكان*** والمجالس سدت عيون الزمان

*****************************

الطم ودمعي اللطم كبل الجفوف*** والنفس بيه جمره تاخذني الطفوف

غضب عندي بالكلب مثل السيوف*** وعيني بالمجلس عليك انته تطوف

ونظرتك عندي مثل احلى الجنان*** والمجالس سدت عيون الزمان

*************************

اليوم مجلس كله آهات ومحن*** اليوم تنزف سيدي جبد الحسن

نذكر سهام الغدر نعشه رمن*** جروح جن تنوح للزهره اجن

صابت هروش الكلب لمسة حنان*** والمجالس سدت عيون الزمان

*************************

آنه دمعه وطافت بسد الطشت*** شفت زينب تنحب وياهه نحت

مثل طيحتهه على جروحك طحت*** جنهه ماتت وآنه من همهه متت

هاي دمعه وبيهه جنتكم ضمان*** والمجالس سدت عيون الزمان

**************************

سيدي وين انته كاعد باللطم*** اعذرنه لو نادينه ويلي تلّجم

غيرة العباس عندك لو تهم*** اليندبك مترده لو ينخه بحلم

بجفك العزه والك جف الحنان*** والمجالس سدت عيون الزمان

**************************

سيدي يهيم الكلب لا مايهيد*** عالحسن هالليله ونتنه تزيد

فجرونه بحبه ونذرنه الوريد*** وبهويتنه الاسم نكتب شهيد

والمجالس تنحفظ وانتو الامان*** والمجالس سدت عيون الزمان

************************************

أبو مريم الاسدي