الى الشهيد فيصل الزاملي .. احمد هادي الشمري
 

منو اليلويهه يا تربات الطفوف
بحديث الزلم صارت مضرب أمثال..
بميزان المواقف تگوه يمناك
تخف گدامهه لو حطوا اجبال..
چف نام العراق بسدهه مامون
واقل ما وصّفوهه ابمصنع ارجال..
أخذلك چف اذا تسرفنهه بالليل
بزندهه اتشوف واضح حلم الاجيال..
أسأل راية التحرير.. واتگول
ازعل لو بغير اچفوف انشال..
البعض خاتل ويحچي اعله البطولات
وانت ابلايه صوت وتحچي الافعال..
الحرب مهره جموح امعانده الريح
ورسنهه بچفك وبس انت خيّال..
اذا طاريك مر بوجوه الأعداء
ينحتهن الخوف بچفه تمثال..
ميرجفك عدو يا زلمة الليل
ولبست اعداك يوم الحرب بسطال..
قبل لا تنجرح من اليغدرون
عراقك ينجرح والدم نهر سال..
الوصف يم باب اسمك واگف ايام
ورجع.. ماكو اعله گدك كلمه تنگال..
الفضل والزود والإيثار والجود
يا فيصل عليك امفصله افصال..