منتديات أنا شيعـي العالمية - مولود لسيدنا العباس عليه السلام

مولولد للعباس ابوفاضل عليه السلام(معنه الوفه)
-------------------------------------------------------------
عباس هل اليوم انولد ** ونعرف معنــه الخوّه
چفه للحره اختـه السند** غيره وشهامه ونخوه
ويطول بفراحه السهـــــر
من نوره شع ضي الگمر—
ونعرف معنه الخوّه
**************
جابت الايام الامـــــــل ** والبشره عمت والخير
تصدح حناجرنه ابفرح ** واشجارغنت والطير
احله وصف لسمه انكتب – وأجمل كلام أوراقي
حروف القصيده أتبسمت – توصف أله اشواقــي
واحلامي عشگت السفر – من نوره شع ضي الكمر
– ونعرف معنه الخوّه
**************
عباس هوّ أجمل اسم**بين الاسامي ومعناه
للوفه علَمنــــه درس**وبيمنته عالــي الواه
وعداه تظل باّخــــر نفس-- لمن ترف راياتــه
سيفه غضب برق أورعد – ماتنگحم صولاته
أبچفينه زوده والظفر – من نوره شع ضي الكمر
– ونعرف معنه الخوّه
*************************
ماخذ شهاده من الوصي** ناجح بكل دروســه
واخر درس زينب كفل **بحماه تظل محروسه
أم البنين الجابتــــه – عند شجاعة حيدر
بنفسه الابيه مابخل – طبعه الوفه لمشّكر
من يگربه وسيفه سقر – من نوره شع ضي الگمر
– ونعرف معنه الخوّه
***************
خلنه نعود الكربلــــه ** ونرسم الصوره اعله المَي
وعيونه حراس الخيم ** والدفــه أبجفــه والفـــــــي
والجود گلبه أللي نبض-- بين الضلوع أيضمه
عيد أو يهل أبخيمگــــه-- للطفـل يرســـم بسمه
فنه العَله حدوده عبر-- من نوره شع ضي الگمر
– ونعرف معنه الخوّه
***************
دڱ بابه وطلب حاجتك ** يامن گصدت اتزوره
من گبل ماتوصل هلـــك**تشوف الفرح وسروره
الحاجتك عباس الاهــــــل – يلّي طلبت الحاجه
أيحل الصعب والماله حل – لمّن تمس شباّجـــه
خيره مثل روج البحر – من نوره شع ضي الگمر
-- ونعرف معنه الخوّه

*****