منتديات أنا شيعـي العالمية - حُسيني و ما اذلن راسي عالي .. على عناد الظلم اعلن مقالي

بعد غيابي عنكم طول هذا الفتره الماضيه اعود اليكم و انا محمل بأشد عبارات الاعتذار من جميع الاخوه و الاخوات ... الله يشهد الامر كان خارج ارادتي .. انا خجل جدا من الجميع ... اسال الله ان تتقبلوا عذري

و اهدي لكم بالمناسبه هذه القصيده راجيا من الله القبول

ابيات تترجم ما يجول في خواطر غيارى الشيعه ... دامغه لكل امال النواصب بالقضاء على ذكر الحسين ابن علي عليه السلام
اتمنى ان يتقبلها الله تعالى مني بقبوله الحسن ببركة دعواتكم

ثوابها الى امواتكم و اموات شيعة امير المؤمنين عليه السلام المنسيين و خاصة الشهداء الكرام و خدمة الحسين عليه السلام
و اسألكم الدعاء
زكي اليــ النجفي ــاسري

حُسيني و ما اذلن راسي عالي ... عله اعناد الظلم اعلن مقالي
يحسين انته ذخري .. يحسين انته فخري .. يحسين فدوه نحري .. يا مظلوم
>>1<<
بنهجك يغالي .. لا ما نبالي .. ما ننساك
شكَد فجرونه .. شكَد ذبحونه .. وما عفناك
جهلوا امرنه .. وقوة صبرنه .. من معناك
ضنونه نرضخ .. ضلينه نصرخ .. بايعناك
ضنوا انعوف الهويه ........... صحنه احنه جعفريه
عله ادروب الخطر نمشي بدرايه ... و ابد لا ما نخاف امن المنايه
يحسين .. ذبحونه ... يحسين فجرونه ... يحسين ما لوونه ... يا مظلوم
>>2<<
بدر الليالي .. شمس المعالي .. للاجيال
دربك سعاده .. ينتج اراده .. للابطال
دمك شراره .. ما تطفه ناره .. لمن سال
شل ال اميه .. الناصيبه .. الانذال
لسه باقي بينه يسري .......... وي دمانه ثوره يجري
يضل صرخة عدل ضد النواصب ... يضل مبعث امل يفني المتاعب
يحسين يا ولينه .. يحسين باقي بينه .. يحسين ما نسينه .. يا مظلوم
>>3<<
انته العقيده .. انته النريده .. يا ضرغام
بيك اعتصمنه .. ونضحي دمنه .. للاسلام
انته السفينه .. بيك التجينه .. خاص وعام
منهج عُلانه .. يا مقتدانه .. عالايام
للفخر حادينه انته ............ بالدمه الاسلام صنته
تضل ياسيدي رمز الكرامه ... الك بس يا بطل تحله الزعامه
يحسين مدرستنه ... يحسين معرفتنه ... يحسين ملحمتنه ... يا مظلوم
>>4<<
يبن الزجيه .. روحي هديه .. مهما صار
كَبرك تطوفه .. لا ما تعوفه .. ليل انهار
حبك سباني .. يا كل كياني .. يا مغوار
هاك اشتياقي .. سيف انته باقي .. للثوار
يا شبل حامي الحميه ........ ثورتك بالغاضريه
ثبت بيهه الشرع بسمك يغالي ... رتـفع بيهه العَلم فوكـ المعالي
يحسين عالميه .. يحسين تربويه .. يحسين اخرويه ... يا مظلوم
>>5<<
تبقه انته خالد .. اكبر مجاهد .. للطغيان
تبقه المقدم .. منك تعلم .. كل انسان
راعي السياده .. حي بالشهاده .. و الايمان
صنت الشريعه .. امرك نطيعه .. انس وجان
يا سبط طاهه محمد ............ بالدهر تبقه مخلد
سبب رفعتنه يحسين ابجهادك ... ابد ما نرضخ او نترك ودادك
يحسين يا فخرنه ... يحسين يا ذخرنه ... يحسين يا عمرنه ... يا مظلوم

تمت في 19/11/2010
زكي الياسري النجفي
كيل