|
قصيدة( يوم الحشر لوصار شتحجي للكرار)
بسم الله الرحمن الرحيم ـ ـ ـ ـ ـ ـ ـ ـ ـ ـ ـ ـ ـ ـ لكربله بأمر النبي حسين الكصدها ويوم الوصل خانت عهدها يوم الحشر لوصار شتحجي للكرار خانت عهدها ــــــــــــــــــــــــــ نور ابو السجاد شامل وساطع بدمه اصلاح الدين بدمه واقع واجبنه نحمي حسين برواحنه اندافع وعن ثورته طول الزمان انصارع ياصاحب الافكار هاي المصيبه خل ننشد كربله نشده غريبه خل نسأل الكفار شتحجي للكرار خانت عهدها ******* ربنا حذرنا شديد اعقابه نقض العهد باجر عسير احسابه والخانت بالعهد اسجلت بكتابه ماتخلص الاعذار وسفه جذابه هالحكمه بالقرآن حكمه مجيده الوفه بالعهد خصله حميده خل نسأل الكفار شتحجي للكرار خانت عهدها ********* هالناس الجانت تريد بحكمه وكل واحد لحسين سلم امره وابن الولي اخلص اوياها ابعمره واهل الكوفه خانت شخصه ودت رسايل الاف يحكم عليها وناس الجانت اشراف وتطلب وليها وشحول الافكار شتحجي للكرار خانت عهدها ********** شتحجي للكرار لون ناشدها خانت بالعهد وخالفت سيدها تعرف حسين زين قائدها ودم حسين صار منقذها يهديها للاسلام يحمي حماها كالت نضحي بالدم وينه دماها وشغير الاصرار شتحجي للكرار خانت عهدها ********* بعد القسم شنهي الذي حولها وشنهي العذر لو ردنه نعذرها رجعت للغدر وخانت بسيدها خانت حسين وتحسب دراهمها ماظل عده عذر حتى نسمعه وكلشي اصبح مكشوف كله نعرفه ماظلت اعذار شتحجي للكرار خانت عهدها ********** من بعد ماخانته ابهالحاله وحيد صارت اطالب حسين ابيعه ليزيد من عده احتار حسين ورفض كل التريد ميطخ راس حسين وبجسمه وريد وكَمر هاشم رفع هالصوت حسين يرفضكم وراية حسين بيدي وبجفي حربكم متفيد الاعذار شتحجي للكرار خانت عهدها ــــــــــــــــــــــــــــــــــ بقلمي خادم اهل البيت (ع) (عبدالله الشاعر) |
احسنتم عزيزي ماجورين ومثابين
محاوله لاباس بها لكتابة القصيده الحسينيه لكنها تحتاج الى مراجعة للوزن والقافيه هناك اخطاء واضحه عزيزي عبدالله ارجو الالتفات لها ماجورين |
طيب الله انفاسك موفق موفق |
شكراً لردودكم الرائعه والجميله تحياتي اخوكم الصغير (عبدالله الشاعر) |
احسنت شاعرنا بارك الله فيك
موفق لخدمة الحسين .ع . |
شكراً لردك الرائع والجميل تحياتي
اخوك الصغير (عبدالله الشاعر) |
| الشبكة: أحد مواقع المجموعة الشيعية للإعلام الساعة الآن: 03:01 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025