منتديات أنا شيعـي العالمية - توب ابندامة- الشاعر حسين الساعدي

لنفسي اولاً ثم لمن يهمهُ الامر
http://www.husseny.com/vb/images/smi...20%2840%29.gif

http://gareebtouse.com/vb/images/smilies/new.gifتوب ااابندامه http://gareebtouse.com/vb/images/smilies/new.gif
http://www.husseny.com/vb/images/smi...20%2848%29.gif
توب ابندامة
وانتَ ابسلامه
لا تندم ابيوم القيامه
تووب ابندامة

يا ابن ادم تَفكَر. واغتنم زهرة شَبابك
اشلون منكر من يسئلك. اشراح تحجيله بجوابك
اهناك كذبك ما ينفعك .ابعينك اتشاهد عذابك
وتشهد الكتاب
عنك يكذاب
لو لمت شتفيد الملامه!
توب ااااابندامه
.........
يا ابن ادم تبصر. لا تغرك دنيه شينه
هاي دنيه لو تدوم. دامت الطهَ نبينه
لا شباب البيهه يبقى . لا خفيفه اِولا رزينه
بس تبقى الاعمال
وكلمة التنكال
وكلمن يذِكرونه ابكلامه
توب اااابندامه
...........
شفت القبور اوزرتهه. وانتَ باجر يزورونك
اعمل الاخرتك ابجد. قبل لا تغمض اعيونك
حفرتك محد يطبها. اشكثر اهلك يحبونك
اهلك يدفنوك
ابسرعه ويتركوك
اتضل وحدك اليوم القيامه
توب ااابندامه
........
يا ابن ادم افلوسك .صدك بالدنيا تفيدك
اهناك ياصوره اجمعتهن. على نفسك تشهد ايدك
وبالحشر يتبرئ منك. الكان بالدنيا يريدك
شوف اَهل القصور
ناموا بالقبور
ما واحد ايدوم ابسلامه
توب ااابندامه
..........
لا تغرك عضلاتك. وحيلك اوصوتك العالي
انتَ مهما ايكون جسمك .ترد مثل العود تالي
وقيمتك بالدنيا ترخص.ماتضل للدوم غالي
وجسمك يَمكرود
ايصير اكل للدود
للدود تالي انتَ طعامه
توب ااابندامه
..........
إذا الله انطاك قوة.عِين من يحتاج قوتك
وإذا خيرك زاد ريض لتكبر على اخوتك
مثل ما للدنيه مهتم.استعد واهتم الموتك
مينقذك المال
اولا كثر العيال
ما تنشره اهناك السلامه
توب ااابندامه
..........
يا ابن ادم تفكر .واستعد لاسوء مصير
اهناك ما تنفع الرشوه.اتضيع كل التدابير
اهناك امك ما تفيدك.كلمن ابحاله يحير
العن الشيطان
وامسك القران
تنجح اِذا اتطبق احكامه
http://gareebtouse.com/vb/images/smilies/ga25.png http://gareebtouse.com/vb/images/icons/icon14.gif
توب اابندامه
http://www.husseny.com/vb/images/smi...20%2841%29.gif
...............
بقلم
حسين ااالساعدي