رسالة الى قائم ال محمد عجل الله فرجه الشريف
 

رسالة الى قائم ال محمد عجل الله فرجه شريف
مشّيت الونين وفيض دمعي عليك
يا سيد البشر وملاحج العَبره
واَنه ادري البواجي على الطهر وياك
تنهش بالدليل وتاخذ بعمره
ويا عمر اليلذ يبن الحسن بجفاك
طوفان الصبر مل وخلص صبره
وصلت للجوامع والسفيه يلوم
حجتكم بعد ماضن يصح عذره
شمّات الخوارج يضحك وفرحان
وانصار الاطايب تسكن الغبره
واحنه شما صبرنه على الضلم مولاي
هم يخلص صبرنه وينفجع صدره
جان ابن الغدر يلدغ دفن بسكوت
بس هسه الكفر ضل يجهر بغدره
يجرم بالموالي ومن يمثل بيه
باطراف الشوارع سيدي يشمره
وتتفرج عليه الماتعرف الدين
لا مؤمن يغيثه وناصر ينصره
صارت كربلاء وجن وحيد حسين
وجنه يناشدك يالقائم تحضره
اضهر دك عزاهه ودث فحيح النار
خل كلمن نكركم يفتهم كدره
وانحر للفرات وانشد العباس
جم رمح الاجاه وجم الف طبره
اكَصد للعقيله وكَلهه وين حسين
يا سيف الولاه وكطّع بنحره
اسال عالرضيع الماسكوه الماي
واسال عالعليل الكسرو ضهره
وانشد يا ضلم سل حيدر الكرار
يا جف السطر خد فاطمة الزهره
واطفال وسبايا الجتّفوهه حبال
كلهم يا دمع من رحتو يا نبره
اضهر يا امامي وعدّل الميزان
مل هذه الكَلب عبراته والحسره
رحيم الحسيني الحسناوي

موفق اخي
 

اللهم ثبته على هذه الخدمة بحق الزهراء عليها السلام
 

وفقك الله على هذا الكلام الرائع جدا .. وثبت اقدامك على الخدمة الحسينية ..واهديك هذه المقاطع الشعرية

احسنتم اخي رحيم وجزيتم خيرا
كلمات موفقه جعات ذخرا لك واثابك الباري تعالى