منتديات أنا شيعـي العالمية - انطيني بديل وكون تقنعني .. باجر عالسراط هناك ينفعني

انطيني بديل وكون تقنعي ** باجر عالسراط أهناك ينفعني

غير اللي هويته * ومن زغري فديته

باجر عالسراط اهناك ينفعني

انطيني شخص يشبه صفاته

ولجله الشمس ردت ولصلاته

ماضن تلكه مثله * لا لتكول سهله

أولو عندك اسم لتضمه سمعني

انطيني شخص يشبه ولينه

ضحه للعقيده وفده دينه

وتشهدله الشمات * بفراش النبي بات

ولوغيره كلت معناهه تخدعني

منهو البايعه سيد البريه

أوبلغ أمته أتنفذ الوصيه

وكال الضده يخسر * مايعبر المعبر

وايصيح أندمت ياربي رجعني

انطيني شخص زكه ابركوعه

وماهاب الكفر لامن جموعه

بس حامي الحميه * الميهاب المنيه

وانته اتريد عن منهجه تدفعني

عن حيدر علي هذا حجينه

هوه المنقذ وهو السفينه

بي ثابت يقيني * بالشده يجيني

ولتصدك النار ابحبه تلسعني

كلمات الشاعر

ابو امين الفرطوسي