((بسم الله الرحمن الرحيم))


أفلحَ من صلّى على محمدٍ وآل ِمحمد


يارسول الله تِون روحي ونين * للزچيه فاطمه إو فـَگـْدِ الجنين


روْوعُوهه إوْ مَارعُوهه * والضلع كَـسْـره الحزين


يبقه شاهد حاكم إليوم الدين


آنه فضّه وإلگـبـر طـه الـنـبـي * جايه بحزاني إبدمع عيني الوفي


آنه فضّه إلخادمه إبّيت إلوحي * آنه نوحي إلفاطـمـه مـا يـنـتـهـي


آنه فضّه والشِـفِـت ما يـنـِّسـي * والجره إبعيني إنطبع ما ينمحـي


آنه فضّه إوشاكيه إبون البجي * وبوسط گلبي الـقـهـر ما ينحجي


آنه دمعاتي إش رون ماترتوي * روحي والمشـهد بقه ما ينگضي


جابت إلأشرار شرهه إوترتدي * بيعة الفجار إو جـــارت تـعـتـدي


وإنتَ مامَرَت عله إفراگك سنين * وبغدر جور إوكفر صحنه إبونين


يارسـول الله أبث حزني وَعِين * بضـْعِـتـَك وشكي إل إلـه إلعالمين


رضْرضُوهـه ورْهِـبُـوهـه * نـاحـبـه وبـلا مُـعــيـن


للضلع رضّه الحِزن همنه سنين


يارسول الله إبحزن أبچي وگول * المصايب صوّبت ضـلـع البـتـول


يانبي الرحمه تره محســن وگع * وبغـدرهم چَـتـّفـوا فـحـل الفحول


إل بيت المرتضه جت زمره تِحُوم * ناويه إبنارأوحطب تحرگ تجول


من گبل فتحته رفسوهه أوتكون * واگفه بحـمـاهــا زهـراء البـتـول


ماعـليهه إخمار مولايه إو ستار * من گفه الباب إو تِـجاوبهم حلول


مانفع أي حل أوكسروهاالضلوع * هذا بسمار إونبت مدري شگول


يارسول الله إبدمه صاحت مُعـين * فضه سنديني وگع مني الجنـيـن


يارسول الله تِون روحي ونين * للزچيه فاطمه إو فـَگـْدِ الجنين


روْوعُوهه إوْ مَارعُوهه * والضلع كَـسْـره الحزين


يبقه شاهد حاكم إليوم الدين


سَاعِيَه أرْكِضْ شِفِتْ دمْهه وحَار * فكْري وأنظر للحَطب تِلهَـب ونار


يارسُول الله دِنـَت صفعـه إوهِوت * إلوجه بـنـتـك حـقـد چـنـّهـه لثـار


والـقـرط منهـا إذه بـالـدِمَـه ضَاع * للـثـُرَيـَه مِنـّه نـور إو للـمـســـار


سيدي السـبطين بواچيهم صراخ * والفلك حار إبـأهـل زيــنــب ودار


هايه أمهم واگعـه تـبـچـي تـنـوح * ياعلي إدركني إوتنادي ذي الفِقار


حاوطونه إبنار وسْـيوف وأمـيـر * چتّـفـوه إو يدري چـنه بللي صار


من أجل يحفظ وصيـتـك يا أميـن * بالغصب للبـيعـه أخذوه اويـقـيـن

يارسـول الله أبث حزني وَعِين * بضـْعِـتـَك وشكي إل إلــه إلعالمين


رضْرضُوهـه ورْهِـبُـوهـه * نـاحـبـه وبـلا مُـعــيـن


للضلع رضّه الحِزن همنه سنين


يا رسول الله غدت زهره تـنـوح * فرگِـتـَك جَرْحُ إو تِـصدّر للجروح


سيدي إبعين إوبچت منهاالدموع * عله محسن والإبن صعـبه يروح


والوگعْ مولايه وصْله إمن الچبد * بالقهر ينزف دمه وسْطِچ ياروح


عين أثر فگـدك بـَچـِيـهـه بالدمه * ما تـبـطـّل والـحـزن جـرّح قـروح


هايه بـنـتك والبچي بعـدك أنيس * ما شفه گلب الظلمهه إشـما تنوح


سَـكِّـتـُوهه لو بـچـي تبـچـي بليل * لو عـطـر ذكرك نهـار إوبي تفوح


تالي وبيـت الحزن تـبـچي ونين * يا حسافه الما بچه إبدمعـه حزين


يارسول الله تِون روحي ونين * للزچيه فاطمه إو فـَگـْدِ الجنين


روْوعُوهه إوْ مَارعُوهه * والضلع كَـسْـره الحزين


يبقه شاهد حاكم إليوم الدين


يا رسـول الله حـزن گلبـي دموع * بـيهه يا ريـت إو أأعـزي للضلوع


إضـلـوعي ريـت إمكسـره لاضلع * فاطمه المصيوب أثرغدر إوخنوع


يارسول الله ظلام الـدنــيــه صار * من ضواكم صبحت إتشع بالشّموع


مبتلي إبصحبه وشـرهه ناصَـبـك * سيدي بـعـدك تـِبَـيْـنـَتْ هـل جموع


يا نـبـيـنـه بـالصـبر رحمه كِـسَت * للخـلايق شـيمتـك شـمـس إبطلوع


بـَدْلـَة العـرس إو زفـافــه فـاطمه * سـائِله إثـْرت عجـب يوم إوتـروع


منهو بـالـدنـيـه حِمَل هـذا الحنين * ضعضِعـوهه وبـحـقـد آذى اللعـين


يارسـول الله أبث حزني وَعِين * بضـْعِـتـَك وشكي إل إلــه إلعالمين


رضْرضُوهـه ورْهِـبُـوهـه * نـاحـبـه وبـلا مُـعــيـن


للضلع رضّه الحِزن همنه سنين


مِن يـدانـي أمْ أبــيــهـه بـالنـســه * مِن صبح إلهه يضاهـي ما مسـه


هذا من حظّي إخدمت بيت الوحي * لاچن إبوسـفه إلغـدر بيهـه قِـسه


يـا إلـهـي بـالـعُـذر هـمّـي شِـيكيت * وإلدمع منّي همه إبروحي رســه


إوبــِيــه أهْدي للوديـعـه الزاكـيـه * للحسـن أبچي وَون لأهل إلكِـســه


إوولـتـنه الـدنـيـه صـارت قاسـيه * ما سگوا لحسين إوظنهم يـِنـِّســه


إوتِلَتْ ضلع أمّه إضلوعه إلخيول * داسته إبـحـافـر عِـدَاه إتــقـَـدّسَــه


باقيه للـيـومُ إوما عِـدْهه يَــمِـيـن * والجره باقي إبـقهـر طول السـنين


يارسول الله تِون روحي ونين * للزچيه فاطمه إو فـَگـْدِ الجنين


روْوعُوهه إوْ مَارعُوهه * والضلع كَـسْـره الحزين


يبقه شاهد حاكم إليوم الدين

خادم الحسين الحاج أنور الكاظمي

شكرا على الموضوع القيم والرائع
تحياتي
واهدي اليك هذه الابوذيه بقلمي
ــــــــــــــــــــــــــــــــــــ
كلبك اشكثر يحسين شال _هم
ورضيعك شرب دمه ماي_هم
وزينب بالصبر شاركتكم _هم
وبالشجاعه معروفة بت الزجيه