ثوابها الى قرائها الكرام و اموات شيعة امير المومنين من لا ذاكر لهم يذكرهم لا سيما الشهداء الكرام و خدمة الامام الحسين عليه السلام و أسألكم الدعاء

قصيدة بعنــوان
( جراحات الرباب )
بقلم زكي الياسري
04.11.2011

ضنيتك ذكرى من حسين .... يا عبد الله
و فاركَتك بدموع العيـــن .... يا عبد الله
ضاعن تالي ...... كل آمالي ...... يبني الغالي
يا عبد الله

1
يعبد الله يسلوة شوكَــــي للملكَــه
ينسمة ود عِشَـكَهه حضنيِّ الدافي
يوليدي ابوجودك غابَـت الحـِــركَه
يبسمة فرحة جانت تِعتلي إشفـافي
حِسَبت إحساب لتضن يَبني للفركَه
أمل تِكبَر حِلم وسـط الحشــا غافـي
مهدك شاهِد عالآمــــــــآل .... يا عبد الله
ياما سافر بيهِ البَــــــــــال .... يا عبد الله
شكَد هزيتك ...... شكَد ناغيتك ...... تِكبر ريتك
يا عبد الله

2
أمل كل عمري يبني جنت اشوفَـنّـك
وذكرى امن الحبيب الآخِــر اسنيني
و لا فد يــــوم دلاّلي شِـبــَــع مِنـّــك
بليالي الشوكَـ اناغيـك و تِنــاغينـي
وكَلبي ينقبض لو أبتعِــد عَـنـّـــــــك
طبيب الروح انتَ الـّــــــي تِـداويني
ساكن بأعماق الوجــدان .... يا عبد الله
ترويلي اكَليبي العطشان .... يا عبد الله
روحي احتارت .. دنيه ودارت.. ويلي وجارت

يا عبد الله

3
ألم يوليدي من أذكــر عطــش جبــدك
ابحَر صيف الطفـــوف اشلون احملنه
ودمعي الي ترك خــدي و حِضَن خَدّك
وسف ما سَد عطش روحـك يالمجنـه
خذاني شلون سهم المـــوت من عندك
يردني الموت الك يوليـــــــدي اْريدنه
شِلـّي ابهالروح ابلياك ........ يا عبد الله
يا ريت ايدفنوني وياك ........ يا عبد الله
سهم الجاني ..... ريته جاني ..... وكَص شرياني

يا عبد الله

4
وطن أحزان روحي صارت ابموتك
بي ساكن عذابي و همّــي و آهـاتي
بيه اسمع ييمه ابكل وكــت صوتــك
لحن يعزف نغم ضيمـــي و عذابـاتي
وانادي بعالي صوتي مروتك مروتك
تعال و عود اليه وشِــد جراحــــــاتي
دلاّلي الفكَدك مفطــــور ....... يا عبد الله
و الروح ابعالم مهجور ........ يا عبد الله
بيني وبينك ... عيني وعينك ... ويني او وينك

يا عبد الله

5
أخاف الليل انامه وما غمـض جفني
لأن كل مَرّه للطف ترجـع أحـــلامي
و أشوفك منذبح يا هَـلـــــولد يبنـي
و افز مرعوبه و اذكر نحرك الدامي
و اضل أنحب ييمه و الظهــر محني
و صور عاشور كلهه اتصير كَِدّامي
يمك تاخذني الاحلام ........... يا عبد الله
ما نامَن ليلي ما نام ........... يا عبــد الله
و بآهآتي ...... و بحسراتي ...... تــل مأسآتي

يا عبد الله


تمت بحمد الله تعالى
ليلة 04.11.2011
زكي اليــ النجفي ــاسري

بارك الله بك سيد زكي
على هذه الكلمات الروعه
جعلها الله في ميزان أعمالك
تحياتي
خادمكم

يسيد هيجتني وبالكلب جمره
ذبح عبد الله نار وابد ماتطفه
خلنكتب يسيد نخدم العتره
وبالتالي يسيد عسر منشوفه
جرح بكلوبنه العبد الله مايبره
من مزك كماطه وطلع جفوفه
فدوه الاسمك كلنه نكول .... ياعبد الله
ولاتنسونه بيوم الهول .... ياعبد الله
الك الروح ... فدوة اتروح ... يالمذبوح
ياعبد الله



السلام عليكم سيدي الياسري
وانا اقرأ قصيدتكم بحق مولاي عبد الله الرضيع ع
شعرت قلبي نزف وبكى قبل عيني

وفقكم الله سيدي وسدد خطاكم لخدمة محمد وال محمد
ورزقنا واياكم شفاعتهم يوم الورود



تقبل مني مروري
ايها الاديب الموالي


خادمكم
ابو ظاهر البركي

السلام عليكم

السيد زكي الياسري

موفق على هذه القصيده
واسأل الله قبولها منك
دمت بكل خير
والله لايحرمنا منك


رياض الرسل

حيا الله تاج راسي المولا العم رياض الرسل

على المرور العطِر و الاطراء الجميل

دعاااااااااااااااائي لكم مقيم