قصيده تحكي واقعة كربلاء....
 

السلام عليكم ورحمة الله وبركاته

رحت متعنيه لزيارة أبو السجاد
وتخيلت المصيبه اواقع الصوره

شفت طف كربله وشفت الكمر عباس
واكع علنهر وجفوفه مبتوره

علي الأكبر صريع موسد عله الكاع
رسول الله الطريح وعلأرض نوره

وجن راس الشهيد عله الرمح مرفوع
وأجساد الطهر علغبره منثوره

وجن شفت العقيله والحرم وأيتام
كادوهم سبايا للعدو أوجوره

صحت الله وأكبر ياإله الكون
وتصب أدموم عيني وروحي مذعوره

عفه كلبج يزينب شفتي جم أمصاب
من ضلع الزجيه اليوم عاشوره

وين أقصور أميه وين قبر أيزيد
ذهب كبته الحسين وعالم أتزوره

أختكم الشاعره أم كميل الكلابيه

أخي الموالي أبوتكتم الخير عطرت متصفحي
دمت ولائي بحب محمد وآل محمد

عفه كلبج يزينب شفتي جم أمصاب من ضلع الزجيه اليوم عاشوره السلام على جبل الصبر مولاتي زينبأحسنت أختي أم كميل وحشرك الله مع زينب وخوات زينب

هذا أن دل على شيء إنما يدل على ذوقكِ الراقي في أقتناء المواضيع
شكراً جزيلاً على مروركِ المشرف ياوردة الزهراء
تحياتي الأخويه

أجرنا وأجرك أخي المحترم علي نعم الأمير
إنشاء الله ستجدون كل ماهو جديد من شاعرتكم المتواضعه أم كميل الكلابيه
شرفني مروركَ
تحياتي الأخويه