|
الــقــــصـــــيـــــده الــــوكــــحــــه الــشــــاعـر حـــســن خـلــيـفـه
عندما يتجاوز السفهاء واشباه الرجال يكون الرد عليهم واجبآ وليس مستحب . الى احد النواصب ...؟ الـقــصــيــــده الــــوكـحــــه الــشــاعــر حـــســــن خــلــيـــفــــه المثلك مايلوكَـ براسه العكَـال عكَـالك خجل ينزف من تلبسه الديوان حضره والك ميصير وظلك من يطب يمكن ينكَـسه تهده وشوف حجمك وعرف الناس المثلك كون يفهم معنى نفسه جماغك جنه شيله بهيئه جماغ وخاجيتك عبايه نثيه ملسه آدور عالرجوله البيك ما اشوف جنس ثالث اشوف بهيئه تعسه ونته منيلك وتزامط ابيش سالفتك بعدهي لهسه خرسه آحذرك لاتصير براسي حــجــاي آنـه الكلمه الاخطها بقلمي شرسه آنـه معلم الزلم حــجــي الدوواوين ومعلم السفن تعشـكَـ المرسه آنـه عكَـال الشرف شالتني الرووس وصـرت تاج العـكَـل للعـكَـل هسه نعم يوسف ولكن ماصرت بير لان بير الشعر بقلامي آترسـه تسولف بيه وبشعري الاذاعات وبيك تسولف الحبله والنفسه آنـه الكاتب شعر لعيون الحسين وانـه ثـوب الحزن كل طف البسه وآنـه المانسيت بيوم عباس تعبت الشعر من رادنـي آنسه شـلت هذا الوطن برموش العيون وفضحت الراد للمحتل يعلسه شَربت كاس الوفه بجفوف عباس ونته بجف شمر شارب الخسه تعال اوكَـف كَـبالي وشوفني شلون جبل آنـه وحضرتك يـمـي طسه بعدني بظهر آبوي وانـه خيال والخيال بينه تعرفه فرسه وانـه فرسي القصيده وقلمي السيف والمثلك يجي لصفي وادرسه جاي تعيل بيمن جاي تعيل شعري البيك آكتبه اعتبره ونسه ولو ماضل وقت حتى التهي اوياك لان وقتي الثمين لشعري آكرسه آنـه صاحب هله لمن يجي الضيف ولا فد يوم وجهي لضيفي اعبسه يوم الما يجيني ضيف للدار بحياتي اليوم هذا اعتبره نكسه خلص فاصل اذاعي بحلقه اليوم وكلامي اوياك ماخلصته لسه وحق ربك آنفخك بالهوى آتراب وترابك آرد بجمله آكنسه اليمسني بكلمه وهــو جذاب آنـه آبيت القصيده الوكحــه آمـسـه .. ؟؟ الشاعر حــســن خــلـيــفــه تحياتي |
الله موفق أخي الغالي قصيدة رائعه بمعنى الكلمة
تقبل مروري على رائعتك الذهبيه خادم خدمة الحسين ( عليه السلام ) أبو ذر السماوي |
الفيلسوف حسن خليفة كتبت فأبدعت أحسنت على هذا الكلام اللي يستاهله كل واحد وقح وقذر تقبل مروري
|
الفيلسوف حسن خليفة كتبت فأبدعت أحسنت على هذا الكلام اللي يستاهله كل واحد وقح وقذر تقبل مروري |
المبدع حسن خليفه لقدألجمهم حرفك فهم لاينطقون عشت محبا ومدافعا عن الحق وأهله ودي |
سبع تنعام منك قصيده رائعه بروعة كاتبها
وفقكم الله لكل خير تقبل مروري المتواضع |
الله عليك أخ حسن قصيده في قمة الروعه
دمتَ مميز تحياتي الأخويه |
اقتباس:
الغالي ابو ذر السماوي مرورك اسعدني وانار متصفحي شكرا لتواجدك العطر تحياتي |
واضح من كلامك صار معروف والمعروف فارس وانته فرسه اذا يحجي الموالي بذهب ينقاس واذا تحجي النواصب والله خرسه --- دمت مبدعا تقبل مروري بود حسن خليفه الراءع |
اقتباس:
الرائع قاسم حتروش كان مرورك رائعه من روائع الادب الشعبي شكرا لطيب المرور وجمال الحضور تحياتي |
| الشبكة: أحد مواقع المجموعة الشيعية للإعلام الساعة الآن: 05:09 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024