|
بالدمع يالهادي دونت الكتاب
عترتك يالهادي مارحمـــــــــــوها
قتل تشريد وقهــــــــــــــر راوهها ___ بالدمع يالهادي دونت الكتـــــــاب ادري كلبك شايل اهموم وعــذاب شوف بالعتره شجراجم من مصاب وجم جريمه بحقك الســــــــــوهها _____ كل جريمه يشيب من عدها الرضيع عترتك مابين مسموم وصريــــــــــع هاك شوف شصار ياطه الشفيـــــــع بالزجيه فاطمه الظلموهــــــــــــــــها _______ ابتديلك من كسر ضلـــــــــع البتول وآه من هاي الجريمه يالرســــــول بالله يوم الحشرهالزمـــــره شتكول وهي بنتك فاطمه يعــــــــــــــرفوها ______ عرفو الزهره وتحــــــــــدوك بعناد وصادرو يالهادي من عدها الحداد وحتى دمعة عينها لخيـــــــر العباد عليك تجري ابد ما خـــــــــــــــلوها ______ وهم اذكرك سيدي بــــــراس الإمام والنزيف الي الجره بشـهر الصيام هذا دمك سال يا خيـــــــــــــر الأنام وهامتك هي التي صـــــــــــــوبوها ______ وبينه نيران الحزن يتــــــــــوجرن يوم بالسم انثلم جبد الحـــــــــــسن والبقيع هناك شاهد عالمــــــــــحن كبور اهل البيت من هدمـــــــــوها -___-__ سيدي ويانور رب العالمـــــــــــين تدري بالصار وجره بنحر الحسين انذبح ضامي بسيوف الظالميـــــن ومن بعد ذبحه الخيم حركوهـــــها _____ شجم بدر مفكود يا خـــــــير البشر لآل بيتك سيدي ما ظـــــــــــــل أثر من عكب الحسين مكطوع النــــحر حرمة السجاد ما صانـــــــــــــــوها _____ وعاش عكبه الباقر بأصعب وضع من زغر عمره وفؤاده منصـــــدع وتالي ياويلاه بالسم ينصـــــــــرع وآل اميه لجبدتــــــــــــــه وذروها _____ ودارت الدنيه وتغيــــــرت هالدول ولبني العباس هالكرســـــي وصل طبقت ياسيدي نفــــــــــــس العمل مثل اميه بجعفرك عــــــــــــادوها ______ وهذا موسى الكاظم بقعر السجون واظن حاشا عليك يالهادي يـهون انعمت ويلاه لغيـــــــــــابه العيون وجثته فوك الجسر خــــــــــــلوها -________ يامحمد يارسول الله الحبيــــــــب بطوس شبلك عن ديار اهله غريب آه يا جرح الرضا وحاشا يطيــــب مهجتك بمصابه هم فجـــــــــعوها ________ والجواد الوارث اسرار العلـــــوم وجان للأمة غياث من الغمــــــوم ناحت عليه المفاوز والنجـــــــوم يوم بالسم طلعته غيــــــــــــــبوها ________ مانشف بحر الدمع منــــــــه وابد ننسه يوم الهادي سر المعتــــــقد عن نواظر شيعته حين انفـــــــكد و شيعته بفكده العدا يتمــــــــوها _________ وشاف منها العسكري جور وظلم ومن مكايدهم ابد لا ما سلـــــــــــم انتهت ايامه بالسم وانعـــــــــــــدم وكبته يا سيدي فجــــــــــــــــروها ________ يمته شبلك يطلع علينه ويعــــيد نهجك وياخذ بثارات الشهــــــــيد والظلم واهل الظلم كلها يبــــــــيد ويمحي كل بدعة العدا اتدعوها بقلمي .......2012 |
السلام عليكم عمار جبار خضير موفق على هذه القصيده الرائعه واسأل الله قبولها منك يارب والله الك وحشه رياض الرسل |
اقتباس:
|
يمته شبلك يطلع علينه ويعــــيد نهجك وياخذ بثارات الشهــــــــيد والظلم واهل الظلم كلها يبــــــــيد ويمحي كل بدعة العدا اتدعوها اللهم عجل لوليك الفرج يا الله أحسنت أخي عمار على هذا الوصف الرائع لمظلومية النبي وال بيته الطاهرين جعلها الله شافعه لك يوم لا ينفع مال ولابنون تحياتي |
اقتباس:
|
العراق /بغداد
الأخ خادم الحسين (جبار خضير) احسنت وطيب الله انفاسك وبارك في جهودك وتقبل منك هذه الخدمة وحشرك مع محمد وآل محمد(عليهم السلام) الرادود (عباس الشمري) |
اقتباس:
|
| الشبكة: أحد مواقع المجموعة الشيعية للإعلام الساعة الآن: 02:31 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025