|
﴿ نكصد ألك رغم الخطر ......يا بو الإمام المنتظر ﴾
﴿ نكصد ألك رغم الخطر ......يا بو الإمام المنتظر ﴾ يالعسكري بغيابك = فجعونه وبمصابك نــﮕصد ألك رغم الخطر = يا بو الإمام المنتظر يا غريـــــــــــــب يل اسمك بحرف الخلد = متسجل بلوح القدس بسامرا صرحك يعتلي = ومن گبتك تطلع شمس زوارك احنه وشيعتك = نرخص ألك بذل النفس نجدد عهدنه بحضرتك = وما نخشه اتباع الرجس يا صاحب السكينه = جينه وألك مشينه والحزن بركانه انفجر = يا بو الإمام المنتظر يا غريـــــــــــــب شفت المحن يا سيدي = والعالم بصبرك شهد من طاغية عصرك عشت = ايام عمرك مضطهد وهذا طريق التضحيه = الكم يبو المهدي انوجد چبدك مثل چبد الحسن = بالسم سقاك المعتمد وبذكر هالمآسي = تتزلزل الرواسي ونفس الظلم بينه استمر = يا بو الإمام المنتظر يا غريـــــــــــــب دنگت الك هام المجد = يل معجزاتك باهره وبشأنك اصحاب العقل = مذهوله ضلت حايره نهجك نهج جدك علي = وصبر البتول الطاهره بعزم الحسين وثورته = وروح العقيله الثائره يل منهم امتدادك = ياسيدي بجهادك واجهت طغيان وزمر = يا بو الإمام المنتظر يا غريـــــــــــــب يالعسكري يوم الرحت = الدنيه عگبك مظلمه شال النعش روح القدس = وشيعتك املاك السمه وتواصل النوح ونزف = جرح المصيبه المؤلمه تجري المدامع شيعتك = وتعزي امك فاطمه وتنصب الك مآتم = يا منبع المكارم والمهدي كل مأتم حضر = يا بو الإمام المنتظر يا غريـــــــــــــب قلعة ولائك شامخه = وطاف الخلود بحضرتك يا ساكن بگلبي وتضل = روحي تعاين گبتك فجروهه ظنو شيعتك = ما تستمر بزيارتك نتحده ظلينه ونجي = و نجدد احنه مصيبتك ما ينحجب منارك = شامخ يضل مزارك ونورك يشع بكل دهر = يا بو الإمام المنتظر يا غريـــــــــــــب اللهُ أكبـــــــــــر تعتــــلي = من شيعتك يالعسكري وتنادي أتبــــــــــاع الحقد = يهل الجرايــم فجري بحب النبــــــي وآل النبي = مبدأ يقيني ومفخري ألهم ذكـــر ما ينمـــــحي = أفديـــهم آنه بمنحري خادم آنه وفدائي = لآل النبي ولائي بحبكم افاخر هالبشر = يا بو الإمام المنتظر يا غريـــــــــــــب عمار جبار خضير 2012-01-30 |
الله الله رعاك الله يا ايهاالعندليب الموالي حشرك الله مع محمد وآل محمد الميامين موفق اخي تقبل مروري بود |
اقتباس:
|
السلام عليكم شاعرنا الغالي والعزيز عمار جبار خضير موفق على هذه القصيده الرائعه واسأل الله قبولها منك يارب منورنا رياض الرسل |
اقتباس:
|
اللهم صل على محمد وال محمد
سيدي الفاضل عمار جابر خضير وفقكم الله وسدد خطاكم لخدمة محمد وال محمد ورزقنا واياكم شفاعة الامام العسكري عليه السلام وجعلنا من انصار وجند ولده قائم ال محمد ودي واحترامي ابو ظاهر البركي |
اقتباس:
|
أستاذنه العزيز شاعر أهل البيت عليهم السلام بارك الله فيك على هذا الذوق الراقي وجعلها الله شافعة لك يوم لا ينفع مال ولابنون تحياتي |
اقتباس:
|
| الشبكة: أحد مواقع المجموعة الشيعية للإعلام الساعة الآن: 07:01 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025