كنت ابحث عن دكاكين السعادة

بلكن اشريلي فرح

وحته لو بس ابتسامه
*****

خذني وكتي وذبني

يم سوك البواجي

هناك راووني نموذج,

من فرح بس جان باجي

فرح يبجي؟؟؟؟

ردت انشده وبلكي يحجي

صاح اه وكام يشجي

ولازم بايده حمامه
*****

ولازم بايده حمامه
عينها بلون اليتامه

خلو جتاف بجنحهه

حته متعيش بسلامه
*****

عفته يبجي ورحت امشي

بس شفت بالسوك كلشي

ناس صامت حته تشبع

وناس بس بالضيم تبلع

نامت بسجن الرصيف

وتنتظر بالعفو تطلع

وصلت البيع الحصير

لجن ماباعت ضمير

حته متشوف الندامه
*****

بس شفت اجساد فوك

معلكه بآخر السوك

وناس منها تريد ضحكه

بلجي ضحكتها تبوك

معلكه بحبل المشانق

لكن تنكط كرامه
*****

شنه شفتوها عجيبه ؟؟؟

ياعجيبه ؟؟؟؟

مو اكو من باع دينه

بس يظل مليان جيبه؟

ومو اكو من شره العز

بروحه هم هاذي غريبه؟؟

هذه يمكم كربله ....
رغم المصيبه

حسين بيها باع روحه

حتى يرضه عليه حبيبه

وانطه ربه حت رضيعه

لجل ان يصون دينه

وزينب اتنخت باخوها

كال ابشري ودز يمينه

ودز يساره حتى ماتغتاض اخته

ورادهه بنص الليالي تبجي سكته

وحتى مايطلع دمعهه

انطاهه عينه

وباع روحه احله بيعه

وجسمه ضل يم الشريعه

اشتره بروحه الجنان

وحته يرضه عليه امامه
****

وبالمقابل جيش اميه

ظالم وماكو حميه

غرك كله بالرذيله

والخزي واصل الهامه
*****

شكرت ربي علهدايه

خدمة حسين النه غايه

نبقه يم سوك البواجي

والفرح بس بالخدامه




خادم اهل البيت
ابو ظاهر البركي

لكن تنكط كرامه
السلام عليكم
الغالي المبدع ابو ظاهر البركي
(دكاكين السعادة)
أحسنت على هذه الدكاكين التي
لايوجد فيها غير الضمير الحي
والكرامة التي تحمل العز على متونها
فلها أبديتها في الحياتين
جعلك الله من السعداء في الدارين
تقبل ضعف تعبيري

المشاركة الأصلية كتبت بواسطة ابوتكتم الخير (المشاركة 1652512) بس شفت اجساد فوك معلكه بآخر السوك وناس منها تريد ضحكه بلجي ضحكتها تبوك معلكه بحبل المشانق لكن تنكط كرامه السلام عليكم الغالي المبدع ابو ظاهر البركي (دكاكين السعادة) أحسنت على هذه الدكاكين التي لايوجد فيها غير الضمير الحي والكرامة التي تحمل العز على متونها فلها أبديتها في الحياتين جعلك الله من السعداء في الدارين تقبل ضعف تعبيري

المشاركة الأصلية كتبت بواسطة رياض الرسل (المشاركة 1652518) السلام عليكم الشاعر الغالي تاج راسي ابو ظاهر البركي كالعاده مميز و موفق وتنتقل من ابداع الى ابداع والقصيده تستحق كل التقدير والاحترام لأنها اكثر من رائعه خادمك رياض الرسل

المشاركة الأصلية كتبت بواسطة البدري14 (المشاركة 1652521) الاجساد معلكه وتنقط كرامه وانته تنقط ابداع بحب الحسين موفق اخي العزيز ابا ظاهر البركي الانتظار حشرك الله مع الحسين وآل الحسين

المشاركة الأصلية كتبت بواسطة فنون الليل (المشاركة 1652680) اللهم صل على محمد وال محمد الطيبين الطاهرين والعن اعدائهم الى يوم الدين اللهم صلي على فاطمة وابيها وبعلها وبنيها والسر المستودع فيها كل الشكر والتقدير اخي ع القصيده يعطيك العافيه دمتم بخير