|
خاصرة يدي للشاعر ابو ظاهر البركي
علمني ابوي وبعد يداي اصبر لو جرح بلعين يداي لذلك صدكت مديت يداي خذو يدي غفل صدكان اليه خاصرة يدي بحلم لني ادورعلى البصمات بلجن الكه بصمه ابين الجفوف اهن ضاعن امس بمصافح الناس رغم لون الي بيهن جان معروف خذاني الشوف لن معرض لليدين منهه معلكه ومنهه عللرفوف ولكيت مطرحه وممدوده لساه ومنهه العوز ضكهه وكامت تحوف ومنها انباست من الكفه وعلراح ومنهه مكبعه من الرعب والخوف ومنهه اتذبحت بحراب الايام لاجنهه بصبرها جراحهه تروف وشفت جفوف ذبلانه وعزيزات عله محراب الكرامه جايه تطوف ردت عراف يعرف يقره الجفوف دورته ولكيته ابين الصفوف بلجن يعرف ايفرزن باليدين نخيته وجنت ذيج الساعه ملهوف كال اشرحلي قصتك ليش محتار كمت اشرحله شنه الصار بيه شفتهم سلمت جنت اضن صحبان غلو خنجر خيانه بديه عصرو خاصرة ايدي حرامات ماجنت اعتقد ناوين نيه خذو مهجة جفوفي اعتقد شمات وبلاية مهجه اجيتك كوم ليه كام ايدور ايريد اثر للراح بعد مايأس منهن رد اليه كال شلون الكه الاثر هيهات بعد متجيبه حاضر مر عليه كلتله امنين اجيبن الك طبعات خلص كلشي الي عندي وهاي هيه احلفك بالذبيح المات عطشان واحلفك بخته ذيج اخته السبيه تغير لونه كال اتحب الحسين؟ كلت عمري فده لابن الزجيه كال افتح قميصك نلكه بصمات اثر من جنت تلطم مو خفيه فتحت صدري ولكيت اثار بينات لديه عللجره بالغاضريه كام ولطم صدره ويطلق اهاة وكال اتحزم ونلطم سويه ولن جفين من كربلا مشرعات نثرت روحي عليهن واهليه ابو ظاهر البركي |
السلام عليكم
تسلم الكفوف التي كتبت كل هذه العزة والكرامة والإباء وتحرس بكفوف الكفيل دمت متألقا |
تسلم واليسلم فايته اللوم اذا شبجت ادينك وي اديه
بعلامات المحبة تبوس الكاع وتسجد على اتراب الغاضريه يبو ظاهر تحرس اخت عباس ابو الغيره وابو نفس الابيه لانك طهر والمرضع بطيب بحب حيدر علي توصيك هيه اباوع بالمواقع وانشد عليك احسك توم لو نكعد سوية تجمعنا الولاية وحب لحسين واقدملك انه روحي هديه وعلى حبهم احبك يبن الاجواد وحب كل جعفري ونفسه زكيه --------------- تقبل مروري ابو ظاهر البر كي الغالي |
اللهم صل على محمد وال محمد وعجل فرجهم
الله الله الله عليك يابو ظاهر ابداااااع في ابدااااااااااع وفقك الله وزادك خير وبركه ببركات سيد الشهداء عليه السلام دمتم بخير وعافيه |
اقتباس:
تسلم كفوفك سيدي الجليل ويحرسك من اهدى كفيه للانسانيه مولاي ابي الفضل العباس عليه السلام التألق بحضوركم اخي ابا تكتم شكرا كبيرة سيدي خادمكم ابو ظاهر البركي |
أناملُ عابقة بِحب الآل .. تنثرُ الألقْ بِكل جدارة .. رغم الحُزنْ .. !
دام نبضكْ |
اقتباس:
اذا ردتك احاجي الروح بسكوت***واحط اذني على كلبي وهو كلي كال البدري انت شبيك مشتاك*** واهو كلبه اليدك كاعد محلي اذن من آني ازورن انت وياي***وعيونك كبل عيني بجنلي واذا ردت اندعيلك واطلب مراد***بعتبة باب ابو السجاد اصلي تاج راسي ابو تركي كلبي كتب هاي الابيات مو آني فتقبلها مني خادمكم ابو ظاهر البركي |
يل كلبك بحب حسين مفتون انه كلبي بغرامه ينام ويكوم ومن تسجد وتدعي بعتبة الباب انه تعوم روحي ابحر الهموم تدري ليش احبك وانفتن بيك لان روحك تحب 14 معصوم ---------------------------- |
اقتباس:
الله الله الله على مروركم اختي الغاليه الابداع ومنبعه في حضوركم اخيتي وفقك الله ياخويه وشكرا بكبر معنى الاخوه تمنياتي لكم بالصحه والعافيه وسعادة الدنيا والاخره اخوكم ابو ظاهر |
اقتباس:
تميز بتعليقاتكم رغم قصرها والق مستمر وفقكم الله ولاحرمنا الله منكم |
| الشبكة: أحد مواقع المجموعة الشيعية للإعلام الساعة الآن: 12:28 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025