بسم الله الرحمن الرحيم
اللهم صل على محمد وآل محمد وعجل فرجهم

يزينــــــــــــــب لا تُوِنيـــــــــــــــــــــــــن
ــــــــــــــــــــــــــــــــــــــــــــــــــ ــــــــــــــــــــــــــــــــــــ
على الزهره تصبرين == أريدج ما تُونين
يزينب يومج إيصير == بيه العالم إتحير
أريدج ما تُونين
ـــــــــــــــــــــــــــــــــــــــ
يزينب ما أريد إدموع تجري == يبنتي إتذوب روحي إبنار جمري
بعد إمج يزينب ضاق صدري == هانت دنيتي ماريد عمري
يزينب ياحياتي == ضاعت أمنياتي
بعد نور الزجيه == تمنّيت المنيّه
حِبَسْت الدمعه بالعين == أريدج ما تُونين
ـــ
يزينب من مشت عنّي الشفيعه == شفت كسر الضلع حاله مُريعه
الله إشكبُر هاي الفجيعه == صحت آني إجَت ليك الوديعه
يطه المصطفه إمصاب == ضلع مكسور بالباب
مسمار الصدر ناح == دفعوني إبظلم صاح
صِبْري لاتنادين == أريدج ما تُونين
ـــ
يزينب عالتُرب هلّت دمعتي == نمت لحظات مهموم إبحسرتي
شفتها إتصيح ياكرار بنتي == روحلها يحيدر هدّي وَنْتي
وحيدة دار زينب == عليها الروح تلهب
شافتها منيتي == صابتها بليتي
ثبتي لاتنوحين == أريدج ما تُونين
ــــــ
يزينب ما شلت سيفي تشوفين == وصّاني النبي أصبر على البين
أحافظ عالرساله أحميه للدين == من فتنة نواصب زيف ماشين
شفتي هالبدايه == يزينب إنتِ رايه
تُنطقين إبلساني == بلاغه من بياني
عَلَم عالي تصيرين == أريدج ما تُونين
ـــــ
يزينب من ضلع أمج بدوها == نسوها فاطمه الأم الأبوها
نار الشر نواصب أشعلوها == وصيّة أحمد الهادي نسوها
نسوا عترة محمد == نَفَس مذموم يصعد
تُمرّين إبمصايب == تكشفين النواصب
فوز الحق تريدين == أريدج ما تُونين
ــــــ
يزينب ياأمل إبني الفدائي == ويّه إحسين إنتِ يارجائي
ترفعينه إبعزم هذا لوائي == لواء الحق يظل ينشر ندائي
نداء الخير نازل == تفضحين الأراذل
مثل زهرة نبينه == تنادين إو طعينه
على الموقف تثبتين == أريدج ما تُونين
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا طور القصيده على الرابط التالي
http://www.wlidk.net/dldwxr93029.mp3.html