|
الصداقة من زاوية اخرى
الى من كنت اعتبره(( صديقا )) مع اسفي امشي بلا فكر تحت الجدم نيران .. وهموم الزمان بجتفي متعلكه العمر عده وصفيت بآخر الانفاس .. شمعة عمري صار سنين معتلكه فوك الراس ناري ودمع عيني عيون .. مسيل الدمع خدي بجمرته يحركة سكته الآه الفظهه واون بسكوت .. الامس لليوم جره لباجر يشبكه ويضيع العمر من ايدي ودكلي اشلون .. العمر لو راح .. عمر ثاني دكلي منين وين الكه توجيت على صبري وصبري خانه الشوف .. اعمه يكود اعمه الناتج شيبكه فكرت الصديق يفيد وكت الضيج .. وفكرت الوفه عند الصديق الكه زرعت الطيب وادري بشرهة الفلاح .. يداري الزرع يثمر غايته وحكه لجن مو بيده لو ما اثمرت هالكاع .. الصبخه لو تطش اورود بيها اشكال.. صباخ الكاع كل ورودهه يخنكه تعنيته ونخيته وجنت احسبه يمين .. لو جار الزمن وياي بيه اركه تخله وعافني بنص البحر شو شوف .. عاين بالبصيره وشوفني شأبكه لا يمنه التفوج ولا شمال النوب .. واسمع صوت من جنت آنه احسبه يمين يصيح بصوته بشباج المصايب يل قدر غركه ما أغرك لان كلبي نظيف وكصتي تعرك ما أغرك ولان ثوب الكرامه اللابسه مو سهل يتشكك ما أغرك وكح طبعي وكح عالحك ابد مازل .. ابد ماذل .. ابد مزهك يا دولاب دهري شما تفر افتر تشيبني .. تغربني .. تدولبني .. وبس بيه تندك بيك آنه اندك ما أغرك اموت وجلمة الحك بيهه آنه اشهك وبالمغيسل لون مس الجسد صم ماي .... تضحك روحي يسمع صوتهه اليسمع .. تصيح اللــــــــــــــــــه بحر جور الزمن ماغرج ياروح .. تالي يريد حفنة ماي بيهه اغرك ما أغرك ما أغرك تحيـــــــــــــــــــــــــــــــــــــــــــــــ ـــــــاتي |
رائع رائع تسلم هالانامل التي خطت هذه الأيقونة النفيسة |
امشي بلا فكر تحت الجدم نيران .. وهموم الزمان بجتفي متعلكه
العمر عده وصفيت بآخر الانفاس .. شمعة عمري صار سنين معتلكه فوك الراس ناري ودمع عيني عيون .. مسيل الدمع خدي بجمرته يحركة سكته الآه الفظهه واون بسكوت .. الامس لليوم جره لباجر يشبكه سفينة البحار والله والله وانا اقرئ قلت اللـــــــــــــــــــــــــــــــــه من كل قلبي صور نادرة وجميلة جدا جدا ابدعت اخي العزيز تقبل تحياتي وجل احترامي اليك ايها المبدع والمتالق الاقل احمد رفيش |
العزة والكرامه في الحياةتمثلت في كلماتك المعبرة
|
سفينة البحار كلماتك معبره جدا ولها معنى خاص تحياتي |
اقتباس:
سفيتة البحار سلمت اناملك وسلم قلبك الذي أخاط جرحا من جراح الوفاء أراك تجيد العزف على قيثارة الوجع اخذتني رائعتك على جناح الألم فحاولت اجاريك بهذه الابيات " بعدهي جروحي تتنفس جرح مخنوگ ..وبعدهي بعيني دمعة عتب مختنگه ماتقبل تطيح وتچوي خد الآه ..بقت بين الرمش والعين مِتْعلگه أنه شجرة مشاعر ذبّلاها الخوف .. وكل ساعه تطيح امن الغصن ورگه شجره إمْحمّله وتمطر وفه بالضيج .. وكل غصن إنحنه من الوفه عِثگه دَفـُك عينك إلي يالخان بيك الشوف ..وذيچ الساعه أگولن ماعرف حگه گاع اجروح گلبي اتخضر الها جروح .. يرد كل ما اشيله الجرح من عِرگه أشتم نِفَس حرفك واشهگ العطاب .. وتصعد بالمَواجع للسمه الشهگه بعد ماغيّمت سگفك عَلَي خر موت ..أنه بكل لحظه اموتن واحترگ حَرگه مَيِّت ألف موته ولويجيني الموت ..مايلحگ عليّه وكل شي مايلگه |
ارسطو طاليس اشكر لك هذا المرور وهذا الثناء |
الكبير احمد رفيش اشكر لك هذه المشاعر الجميلة الصادقة كلك ذوق لك مني كل التقدير والاحترام |
ابو تكتم الخير اضفت على منشوري عطرا مميزابمرورك لك مني كل التحايا |
قاسم حتروش شكرا لمرورك ايها الغالي ولك تحياتي وتقديري |
| الشبكة: أحد مواقع المجموعة الشيعية للإعلام الساعة الآن: 09:47 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024